ඉඳුවර බණ්ඩාර
ශ්‍රී ලංකා යුද හමුදා දිනය යෙදී ඇති ඔක්තෝබර් 10 වැනිදා එහි නිලධාරීන්ට ලබාදීමට නියමිත උසස්වීම්වලදී හමුදා උසස්වීම් මණ්ඩලය විසින් අනුමත නොකරන ලද කිහිප දෙනෙකුට යුද හමුදාපතිවරයාගේ අභිමතය පරිදි මේජර් ජෙනරාල් නිලයට උසස්වීම් ලබාදීමට උත්සාහයක් පවතින බව වාර්තාවේ.
යුද හමුදාපතිවරයාගේ මෙම උත්සාහයට උසස්වීම් නිර්දේශ කරන හමුදා උසස්වීම් මණ්ඩලය මේ වනවිට විරුද්ධත්වය පළ කර ඇතැයි වාර්තා වන අතර එය යුද හමුදාව තුළ විශාල කතාබහක් ඇති කර ඇති එකක් බවට පත්වී ඇත.
හමුදා නිලධාරීන්ට උසස්වීම් ලබාදීම යුද හමුදාවේ නිර්දේශ මත සේනාධිනායක ජනාධිපතිවරයා සිදුකරන අතර එම උසස්වීම් ජනාධිපතිවරයාට ඉදිරිපත් කරන්නේ යුද හමුදාපතිවරයාය.
හමුදා උසස් වීම් මණ්ඩලයේ අනුමැතිය නොමැතිව මේජර් ජෙනරාල් නිලයට උසස් කිරීමට යන අය අතර යුද හමුදාපතිවරයා අයත් ගජබා රෙජිමේන්තුවේ කිහිප දෙනෙකු සිටින බවද තවදුරටත් වාර්තාවේ.
