කොළඹ මහ නගර සභාවට අයත් මරදාන ප්‍රදේශයේ පිහිටි අලෙවි මව්ලානා ප්‍රජා ශාලාවට අයත් භූමිය එහි තාප්පය බිඳ දමා ජනාදිපතිවරයා සමග කටයුතු කරන එම නගර සභාවේ හිටපු මන්ත්‍රීවරයකු විසින් ඔහු විසින් පවත්වාගෙන යන පන්සලකට ඈඳාගෙන ඇතැයි වාර්තාවේ.
මේ තත්වය පිළිබඳ කොළඹ නගර සභාවේ නිලධාරීන් අදාළ බලධාරීන්ට වාර්තා කර ඇතත් මෙතෙක් කිසිදු පියවරක් ගෙන නැති බව වාර්තාවන අතර ඊට හේතු වී ඇත්තේ එම හිටපු නාගරික මන්ත්‍රීවරයා ජනාධිපතිවරයා සමග කටයුතු කිරීමයි.
හිටපු පාර්ලිමේන්තු මන්ත්‍රී මුජිබර් රහුමාන් ඒ සම්බන්ධයෙන් අනිද්දාට ප්‍රකාශයක් කරමින් පැවසුවේ ඔහු ඒ පිළිබඳව නගර සභාවේ වගකිව යුත්තන්ට පැමිණිලි කළද කිසිදු පියවරක් ගැනීමට මැලිකමක් දක්වන බවත්, ඒ සම්බන්ධයෙන් නාගරික කොමසාරිස් භදානි ජයවර්ධනට පැමිණිලි කිරීමේදී හිටපු නාගරික මන්ත්‍රී කිත්සිරි රාජපක්ෂ ජනාධිපතිවරයා සමග කටයුතු කරන බැවින් නීතිය ක්‍රියාත්මක කිරීමට බැරි බව ඇය පැවසු බවයි.
