ජනාධිපතිවරයාගේ බලතල අඩුකරන හා ස්වාධීන කොමිෂන් සභා ශක්තිමත් කරන 21 වන ආණ්ඩුක්‍රම ව්‍යවස්ථා සංශෝධනය සම්මත කිරීම සඳහා ගොනු වී ඇති මන්ත්‍රීවරුන් ශ්‍රී ලංකා පොදුජන පෙරමුණට සම්බන්ධ මන්ත්‍රීවරුන් සමග සාකච්ඡා කරමින් පවතින බව වාර්තාවේ.
ශ්‍රී ලංකා පොදුජන පෙරමුණ තුළ කළකිරීමට පත්ව ස්වාධීනව කටයුතු කිරීමට තීරණය කර ඇති මන්ත්‍රීවරුන් සමග මෙසේ සාකච්ඡා බවත්වන අතර 21 වන ආණ්ඩුක්‍රම ව්‍යවස්ථා සංශෝධනයට එම මන්ත්‍රීවරුන්ගේ සහයෝගය ලබා ගැනීම එම සාකච්ඡාවල අරමුණ වී ඇත.
ශ්‍රී ලංකා පොදුජන පෙරමුණ සමග දැනට ඉතිරිවී ඇති මන්ත්‍රීවරු පිරිසක් ජනාධිපතිවරයා හා ආණ්ඩුව මේ වනවිට ප්‍රසිද්ධියේම විවෙචනය කරන්නට පටන්ගෙන ඇති අතර මෙම පිරිස් 21 වන ආණ්ඩුක්‍රම ව්‍යවස්ථා සංශෝධනයට සහාය ලබා ගැනීමට එක්කර ගැනීම එහි අරමුණ වී ඇත.ජෝන් සෙනෙවිරත්න, අනුර ප්‍රියදර්ශන යාපා, චම්පික රණවක හා තවත් පාර්ලිමේන්තු මන්ත්‍රීවරුන් පිරිසක් එක්ව 21 වන ආණ්ඩුක්‍රම ව්‍යවස්ථා සංශෝධනය සම්මත කිරීම සඳහා කටයුතු කරමින් සිටින අතර එම කණ්ඩායම ජුනි 15 වැනිදා මාධ්‍ය හමුවක් පවත්වමින් ඔවුන්ගේ අරමුණ පිළිබඳ පැහැදිලි කරනු ලැබීය.■
