■ ඉඳුවර බණ්ඩාර
රනිල් වික්‍රමසංහ මහතා අගමැති ධුරය බාරගැනීම සඳහා ජනාධිපතිවරයා සමඟ සාකච්ඡා කිරීමට පෙර ඔහුගෙන් එම තනතුර බාර ගන්නා ලෙසට ඉල්ලීමක් ශ්‍රී ලංකා නිදහස් පක්ෂයේ ප්‍රබලයන් පිරිසක් විසින් කර ඇතැයි අනාවරණයවේ.
මෙම අනාවරණය සිදුවී ඇත්තේ ජුනි 07 වැනිදා පැවති ශ්‍රී ලංකා නිදහස් පක්ෂයේ මධ්‍යම කාරක සභා රැස්වීමකදීය. එහිදී එම පක්ෂයේ මහා ලේකම් දයාසිරි ජයසේකර පවසා ඇත්තේ ජනාධිපතිකරයාගේ ආරාධනයටත් පෙර රනිල් වික්‍රමසංහ මහතාගෙන් අගමැතිකම බාර ගන්නා ලෙස නිමල් සිරිපාල ද සිල්වා, මහින්ද අමරවීර, දුමින්ද දිසානායක, අනුර ප්‍රියදර්ශන යාපා ඇතුළු පිරිසක් ගොස් ඉල්ලා ඇති බවය.
එම මධ්‍යම කාරක සභා රැස්වීමට සහභාගි වූ දුමින්ද දිසානායක එම තොරතුර මුලින් ප්‍රත්ක්ෂේප කර ඇතත් දයාසිරි ජයසේකර මහතා විස්තර සහිතව එය ඉදිරිපත් කිරීමේදී නිහඬ වී ඇත.
දුමින්ද දිසානායක ඇතුළු පිරිසක් ආණ්ඩුවේ රාජ්‍ය ඇමතිකම් ලබා ගන්නා බවට මුලින් ආරංචි පැතිර ගියත් රාජ්‍ය ඇමති ධුර කිසිවක් මෙතෙක් ලබාදී නැත.■
