■ ඉඳුවර බණ්ඩාර
රාජපක්ෂවරුන්ට එරෙහිව රටතුළ මහජන විරෝධතා උත්සන්න වීමෙන් පසු ඔවුන්ගේ උපන් නිවස වන මැදමුලනට දේශපාලනයේ නිරත කිසිඳු රාජපක්ෂවරයකු ප්‍රසිද්ධියේ පැමිණ නැති බව එම ප්‍රදේශයේ අප වාර්තාකරුවෝ පවසති.
එම වාර්තාකරුවන් සඳහන් කරන්නේ ප්‍රසිද්ධ දේශපාලනයේ නිරත රාජපක්ෂවරුන් නිතරම වාගේ මැද මුලන නිවසට පැමිණීම මෙතෙක් සිදුකළත් මහජන උද්ඝෝෂණවලින් පසු එසේ ප්‍රසිද්ධියේ නොපැමිණි බවයි. දේශපාලනයේ නියුතු රාජපක්ෂවරු එම නිවසට පැමිණීම ඒ අවට ජනතාවට රහසක් නොවන බවත් විවිධ අවශ්‍යතා සඳහා අවට ජනතාව ඔවුන්ව හමුවීමට යෑම සිදුවූ බවත්ය.
මේ ආකාරයට ප්‍රසිද්ධියේ නාවත් රහසිගතව රාජපක්ෂවරු මැදමුලනට සමහරවිට පැමිණෙනවාද මේ නිසා හඳුනාගත නොහැකි කාරණාවක් බවද එම වාර්තාකරුවෝ වැඩිදුරටත් ප්‍රකාශ කරති.
මාතර ප්‍රදේශයේ වාහනයකින් ගමන් කරමින් සිටියදී රාජපක්ෂ පවුලේ සාමාජිකයකු වූ නිපුන රණවක මීට පෙර හූ සංග්‍රහයකට ලක්විය.■
