■ ඇන්තනී වෙරංග පුෂ්පික
ආණ්ඩුවේ වුවමනාවන්ට අනුව මුදල් ඇමති බැසිල් රාජපක්ෂට එරෙහිව විශ්වාස භංග යෝජනා පාර්ලිමේන්තුවට ගෙනඒමට සමගි ජන බලවේගය සූදානම් නොමැති බව සමගි ජන බලවේගයේ මහ ලේකම් පාර්ලිමේන්තු මන්ත්‍රී රන්ජිත් මද්දුම බණ්ඩාර ප්‍රකාශ කළේය.
ඔහු මේ බව ප්‍රකාශ කළේ පාර්ලිමේන්තු මන්ත්‍රි විමල් වීරවංශ විසින් කුමන හෝ පක්ෂයක් බැසිල් රාජපක්ෂට එරෙහිව විශ්වාස භංග යෝජනාවක් ගෙන එන්නේ නම් තමා ඊට පක්ෂව ඡන්දය ලබා දෙන බවට කළ ප්‍රකාශය සම්බන්ධයෙන් කළ විමසීමෙන් අනතුරුවය.
රංජිත් මද්දුම බණ්ඩාර මන්ත්‍රීවරයා වැඩි දුරටත් ප්‍රකාශ කළේ අවශ්‍ය ඕනෑම මොහොතක දී සමගි ජන බලවේගය ආණ්ඩුවට එරෙහිව විශ්වාස භංගයක් ගෙන ඒමට සූදානමින් සිටියත් ආණ්ඩුවේ සිට එළියට ආ පුද්ගලයන්ගේ අවශ්‍යතාවන්ට අනුව සමගි ජන බලවේගය පාර්ලිමේන්තුවට විශ්වාස භංග යෝජනාවක් නොගෙනෙන බවයි. ■
