ආණ්ඩුව තුළ කටයුතු කරන පක්ෂ හා කණ්ඩායම් එකොළහක එකතුව එම එකතුවට මෙතෙක් සම්බන්ධ වී නැති ආණ්ඩුව තුළ සිටින පක්ෂ එයට එක්කර ගැනීම සඳහා සාකච්ඡා කිරීමට බලාපොරොත්තු වන බව වාර්තාවේ.
ආණ්ඩුව තුළ කටයුතු කරන පක්ෂවලින් මෙම එකතුව සමඟ මේ වනවිට නැත්තේ දිනේෂ් ගුණවර්ධන නායකත්වය දරන මහජන එක්සත් පෙරමුණ, ජීවන් තොන්ඩමාන් නායකත්වය දරන ලංකා කම්කරු කොංග්‍රසය හා ඩග්ලස් දේවානන්දා නායකත්වය දරන ඊපීඩීපී යන පක්ෂ වේ.
ආණ්ඩුව තුළ කටයුතු කරන පක්ෂ හා කණ්ඩායම් එකොළහේ එකතුව මාර්තු 02 වැනිදා මුළු රටම හරිමඟට යනුවෙන් වත්මන් අර්බුදයට අදාළ සිය දස වැදෑරුම් ප්‍රතිපත්ති ප්‍රකාශය ශ්‍රී ජයවර්ධනපුර මොනාච් ඉම්පීරියල් ශාලාවේදී එළිදක්වනු ලැබීය. මෙම එකතුවේ ප්‍රධාන පක්ෂය වන ශ්‍රී ලංකා නිදහස් පක්ෂය එම පක්ෂයේ ප්‍රධානත්වයෙන් මීට පෙර ආණ්ඩු පිහිටුවන ලද එක්සත් ජනතා නිදහස් සන්ධානය හා පොදුජන එක්සත් පෙරමුණ යන පක්ෂ සන්ධානවල යාවත්කාලීන කටයුතු කර ඇතැයි වාර්තාවෙන අතර වැඩිදුරටත් වාර්තා වන්නේ එම ප්‍රතිපත්ති ප්‍රකාශය එළි දැක්වීමට පෙර අවස්ථාවකදී එක්සත් ජනතා නිදහස් සන්ධානය සම්බන්ධයෙන් මහජන එක්සත් පෙරමුණ නායක දිනේෂ් ගුණවර්ධන සමඟද සාකච්ඡාවක් පැවැත් වූ බවයි.■
