■ තරංග දෑලගේ
කොටවෙහෙර රජ මහා විහාරයෙන් සොරකම් කර ඇති පුරාවිද්‍යාත්මක වටිනාකමක් ඇති රන් කරඬු එතරම් වටිනාකමක් ඇති ඒවා නොවන බවත්, ලූණු සිවියක් වැනි ඒවායේ තිබෙන රත්තරන් ප්‍රමාණය පවුම් එකාමාරක්වත් නොවන බවත් එම විහාරස්ථානයේ විහාරාධිපති පුස්සැල්ලෑවේ අමරවංශ හිමි පැවසීය.
ඒ බව අමරවංශ හිමි පැවසුවේ මෙම පුරාවස්තු සොරා ගැනීම සම්බන්ධයෙන් අනිද්දා කළ විමසීමකදීය.
එම පුරා වස්තු තමා අල්ලා බලා ඇති නිසා එසේ පවසන බවද අමරවංශ හිමි පැවසීය.
සොරකම් කර ඇති මෙම රන් කරඬු ආරක්ෂිතව තැන්පත් කිරීම සඳහා පුරාවිද්‍යා දෙපාර්තමේන්තුව සේප්පු ලබාදී ඇතත් එම සේප්පුවලින් ඉවත් කරන ලද රන් කරඬු හිටපු නීති ප්‍රධානියකුගෙන් ලැබුණු උපදෙස් අනුව ඔහු විසින් ලබාදුන් වීදුරු ආවරණයක තැන්පත් කර තිබී ඇති බවත් මේ වනවිට මාධ්‍ය වාර්තා කර ඇත.■
