■ අමන්දිකා කුරේ
අනුරාධපුර සල්ගාදු ක්‍රීඩාංගණයේදී පෙබරවාරි 09 පැවති රැස්වීම ශ්‍රී ලංකා පොදුජන පෙරමුණේ රැස්වීමක් පමණක් වූ බව ශ්‍රී ලංකා නිදහස් පක්ෂයේ ජාතික සංවිධායක සූර්යබල, සුළං හා ජල විදුලි ජනන ව්‍යාපෘති සංවර්ධන රාජ්‍ය අමාත්‍ය දුමින්ද දිසානායක පවසයි.
පෙබරවාරි 10 වන දින පාර්ලිමේන්තුවේ දී මන්ත්‍රීවරයෙකු ඇසූ ප්‍රශ්නයකට පිළිතුරු දෙමින් ඔහු මේ බව ප්‍රකාශ කළ අතර මෙම රැස්වීමට ආණ්ඩුවට සහයෝගය දක්වන වෙනත් කිසිදු පක්ෂයක් සම්බන්ධ නොවූ බව ද පැවසුවේ ය.
‘රැස්වීම දැක්කාම තේරෙනවා එතන ඉන්නේ පොදුජන පෙරමුණේ අය විතරයි කියලා. අපි ඔවුන්ගේ දේශපාලන ගමනට සුබ පතනවා’ යැයි අමාත්‍යවරයා වැඩිදුරටත් පැවසුවේ ය.
ජනාධිපතිවරයාගේ හා අගමැතිවරයාගේ ප්‍රධානත්වයෙන් පැවති එම රැස්වීමට අනුරාධපුර දිස්ත්‍රික්කය නියෝජනය කරන දුමින්ද දිසානායක රාජ්‍ය අමාත්‍යවරයා සහභාගි වූයේ නැත.■
