■ ඇන්තනී වෙරංග පුෂ්පික
පසුගිය දින කිහිපය තුළම නුගේගොඩ මිරිහාන ජුබිලි කණුවේ පිහිටිි පැල්වත්ත සමාගමේ කිරිපිටි අළෙවි සැළ සඳහා තිබූ දිගු පෝලිම් දෙසැම්බර් 30 උදෑසන වන විට ඉවත් කිරීමට මිරිහාන පොලීසිය කටයුතු කොට තිබේ.
කිරිපිටි පෝලිම් ඉවත් කරනු ලැබුවේ එම අලෙවි සැල අසලින් ජනාධිපතිවරයා ගමන් කරන නිසා බව කිරිපිටි මිල දී ගැනීම සඳහා පැමිණි පාරිභෝගිකයෝ චෝදනා කරති. දෙසැම්බර් 29 දින මිරිහාන පොලීසියෙන් පිරිසක් පැමිණ පෝලිම ඉවත් කළ බව ඔවුහු පවසති.
මේ සම්බන්ධයෙන් පොලිස් මාධ්‍ය ප්‍රකාශකගෙන් කළ විමසීමක දී ඔහු ප්‍රකාශ කළේ කිරි අලෙවි සැලේ දිගු පෝලිම් මිරිහාන හන්දිය දක්වා ඇති නිසා එය දෛනික කටයුතුවලට හන්දියට පැමිණෙන ජනතාවට බාධාවක් බැවින් මිරිහාන පොලීසිය කිරිපිටි පෝලිම අවම වන පරිදි කිරිපිටි අලෙවි කරන කවුළු හතරක් දක්වා වැඩි කරන ලෙස දනුම් දී ඇති බවයි.■
