■ ඉඳුවර බණ්ඩාර
ගායිකා යොහානි ද සිල්වාට කැබිනට් මණ්ඩලතීරණයක් වශයෙන් රජයෙන් ලබාදුන් බත්තරමුල්ල රොබට් ගුණවර්ධන පාරේ පිහිටි ඉඩමේ වෙළඳ වටිනාකම රුපියල් කෝටි හතරක් පමණ වන බව රජයේ තක්සේරු දෙපාර්තමේන්තුවේ හා ඉඩම් ලියාපදිංචි කිරීමේ
දෙපාර්තමේන්තුවේ අපගේ ආරංචි මාර්ග ප්‍රකාශ කරයි.
එම ප්‍රදේශයේ ඉඩම් පර්චසයක මිල මේ වනවිට රුපියල් ලක්ෂ හතලිහ ඉක්මවා ඇති බව එම ආරංචි මාර්ග ප්‍රකාශ කරයි. ඇයට කැබිනට් මණ්ඩල යෝජනාවක්අ නුව පර්චස් 9.68ක ඉඩමක් අනුමත වී ඇත. එම ඉඩම පිහිටියේ 1996 ක්‍රිකට් ලෝක කුසලාන දිනූ කණ්ඩායමේ ක්‍රීඩකයින්ට 99 අවුරුදු බදු පදනම යටතේ ලබාදුන් ඉඩම්කො ටස්වලට යාබදව බව ඒ සම්බන්ධයෙන් වූ කැබිනට්ම ණ්ඩල තීරණයේ සඳහන් වේ.
ජාත්‍යන්තර වශයෙන් රටට කීර්තියක් අත්කර දීම ඇගැයීම වශයෙන් ඇයට මෙම ඉඩම ලබාදීමේ හේතුව වශයෙන් එහි සඳහන් කර ඇත.
දෙසැම්බර් 20 වැනිදා පැවති කැබිනට් මණ්ඩල රැස්වීමට මෙම යෝජනාව අගමැති මහින්ද රාජපක්ෂ විසින් ඉදිරිපත් කර ඇති අතර ඒ සඳහා කැබිනට්ම ණ්ඩලයේ අනුමැතිය හිමිවී ඇත.■
