■ අමන්දිකා කුරේ
යුගදනවි බලාගාර ගිවිසුමට සාමූහිකව එකඟ නොවූ බැවින් ඒ සම්බන්ධයෙන් කැබිනට් සාමූහිකත්වයක් පවත්වාගත යුතු නැති බව කළ විමසීමක දී ජල සම්පාදන ඇමති වාසුදේව නානායක්කාර ප්‍රකාශ කළේ ය.
කැබිනට් මණ්ඩලය වෙනුවෙන් නීතිපති දෙපාර්තමේන්තුවේ නීතිඥවරුන් පෙනීසිටියදී ඔහු ඇතුළු ඇමතිවරුන් තිදෙනෙකු වෙනත් නීතීඥයෙකු ලවා වෙන ම කරුණු දැක්වීම කැබිනට් සාමූහිකත්වයට ගැටලුවක් නොවුණේ දැයි අප කළ විමසීමක දී අමාත්‍යවරයා ඒ බව ප්‍රකාශ කළේ ය.
තමා ඇතුළු පිරිස අධිකරණයට ඉදිරිපත් කළ කරුණු අධිකරණය විසින් පිළිගනු ඇති බවට තමා අපේක්ෂා කරන බවට වාසුදේව නානායක්කාර මහතා වැඩිදුරටත් පැවසුවේ ය.
යුගදනවි බලාගාර ගිවිසුමට විරෝධය දක්වමින් ගොනු කළ මූලික අයිතිවාසිකම් පෙත්සම්වලට වාසුදේව නානායක්කාර, විමල් වීරවංශ, උදය ගම්මන්පිල යන කැබිනට් ඇමතිවරුන් විසින් පැමිණිල්ලට පක්ෂපාතී වන අන්දමට පෞද්ගලික නීතිඥයෙකු මාර්ගයෙන් අධිකරණයට කරුණු වාර්තා කර තිබුණි.■
