■ ඉඳුවර බණ්ඩාර
චීන සමාගමේ ඝන කාබනික පොහොර තුන්වන පාර්ශ්වයේ රසායනාගාර පරීක්ෂාවකින් රටට ගෙන ඒම ශාක නිරෝධායන පනත මෙන්ම ඒ සම්බන්ධයෙන් ඇති ශ්රී ලංකා ප්රමිතියද උල්ලංඝනය කිරීමක් බව කෘෂිකර්ම දෙපාර්තමේන්තුවේ වෘත්තීය සංගම් එකතුව පාර්ලිමේන්තුව නියෝජනය කරන සියලු මන්ත්රීවරුන්ට ලිපියක් යවමින් දැනුම් දී තිබේ.
මෙම පොහොර අර්බුදයේ විහිළුසහගත දෙය වන්නේ චීන සමාගම කෘෂිකර්ම දෙපාර්තමේන්තුවේ රසායනාගාර ප්රධානියාගෙන් වන්දි ඉල්ලා එන්තරවාසියක් එවීම බවත්, එය රටේ ස්වෙරීත්වය සම්බන්ධයෙන් තර්ජනයක් බවත් එහි අවධාරණය කර තිබේ.
ග්රෑම් එකක පොහොර සාම්පලය තුළ කෝලිෆෝම් බැක්ටීරියාව දහයකට අඩු ප්රමාණයක් සිටින බව චීන වරායෙන් ලබාගත් සාම්පලයේ වාර්තාව තුළ සඳහන් වන බවත් මෙටි්රක් ටොන් 20,000ක පොහොර තොගයක් තුළ බැක්ටීරියා කොතරම් ප්රමාණයක් සිටිය හැකිදැයි ප්රශ්න කරන වෘත්තීය සමිති ඒ රටේ පසට සිදුවිය හැකි හානිය කෙතරම්දැයි විමසයි. කෘෂිකර්ම දෙපාර්තමේන්තුවේ වෘත්තීය සමිති 9ක් මෙම එකමුතුව තුළ කටයුතු කරයි.■
