සහල් ආනයනය සඳහා පැවති විශේෂ වෙළඳ භාණ්ඩ බද්ද ශත විසිපහක් දක්වා අඩු කරනු ලැබුවද නොවැම්බර් 03 වැනිදායින් පසු සහල් ආනයනය කිරීම තාවකාලිකව තහනම් කර ඇත.
ඒ මුදල් අමාත්‍ය බැසිල් රාජපක්ෂ නොවැ්බර් 03 වැනිදා ආනයන හා අපනයන පාලන පනත යටතේ නිකුත් කරන අති විශේෂ ගැසට් පත්‍රයක් මගින්ය.
නොවැම්බර් 03 දිනට ප්‍රථම නැව්භාර පත්‍රයේ හෝ ගුවන්භාර පත්‍රයේ දිනය සටහන් වන සහල් ආනයනයන්ට මෙම මෙම තහනම බල නොපාන බව එම ගැසට් පත්‍රයේ සඳහන් කර තිබේ. සහල් ආනයනය කිරීමේදී විශේෂ වෙළඳ භාණ්ඩ බදු යටතේ කිලෝවක් සඳහා පැවති රුපියල් 65ක බද්ද ශත 25ක් දක්වා අඩු කිරීම නොවැම්බර් 02 වැනිදා සිට ක්‍රියාත්මක වන බව මෙයට පෙර විශේෂ වෙළඳ භාණ්ඩ බදු පනත යටතේ මුදල් අමාත්‍ය බැසිල් රාජපක්ෂ නියෝගයක් නිකුත් කළේය. එම නියෝගය නොවැම්බර් 02 දින සිට මාස 6ක කාලයක් ක්‍රියාත්මක වන බව එම නියෝගයේ සඳහන්ව තිබුණි.■
