■ ඉඳුවර බණ්ඩාර
කෙරවලපිටිය යුගදනවි බලාගාරයේ කොටස් අයිතිය හා එම ලබාගාරයට ගෑස් සැපයීමේ අයිතිය ඇමරිකානු සමාගමකට ලබාදීමට එරෙහිව බෞද්ධ භික්ෂූන් හමුවී කරුණු පැහැදිලි කිරීමේ වැඩපිළිවෙලක් සමගි ජන බලවේගය ආරම්භ කර ඇත.
යහපාලන ආණ්ඩු සමයේදී බලශක්තිය සම්බන්ධයෙන් ගැසට් මගින් ප්‍රකෘශයට පත්කර ඇති ජාතික ප්‍රතිපත්තියට ඇමරිකානු සමාගම සමග අත්සන් කළ එම ගිවිසුම පටහැනි බව එම හමුවීම්වලදී සමගි ජන බලවේග නියෝජිතයින් කරුණු පැහැදිලි කිරීම් සිදුකරන බව වාර්තාවේ.
ලක්ෂ්මන් කිරිඇල්ල මහතාගේ ප්‍රධානත්වයෙන් යුත් සමගි ජන බලවේගයේ කණ්ඩායමක් ඒ යටතේ සැප්තැම්බර් 27 දින අස්ගිරි හා මල්වතු විහාරවලට ගොස් ඇති අතර ඒ සඳහා අජිත් පී පෙරේරා,
ජේසී අලවතුවල, මුජිබර් රහුමාන් ඇතුළු පිරිසක් සහභාගි වී ඇත.
මෙම පිරිස ඔක්තෝබර් 01 වැනිදා රාජගිරිය කලපලුවාවේ පිහිටි අසපුවට ගොස් එහි ප්‍රධාන භික්ෂුන්ද හමුවීමට නියමිතය.■
