■ ප්රියාශා හෙට්ටිහේවා
ඔක්තෝබර් පළමුවන දා සිට ක්රමයෙන් රට විවෘත කළ ද නැවත දැනුම් දෙන තුරු මහජන රැස්වීම් පැවැත්වීමට අවසර නොලැබෙන බව සෞඛ්ය සේවා අධ්යක්ෂ ජනරාල්වරයා නව සෞඛ්ය මාර්ගෝපදේශ නිකුත් කරමින් සඳහන් කරයි.
තව ද පන්සල්, පල්ලි, කෝවිල් වැනි පූජනීය ස්ථානවල සාමූහික ක්රියාකාරකම් හෝ රැස්වීම් පැවැත්වීමට අවසර හිමි නොවන බව ද එහි සඳහන් වේ.
සෞඛ්ය මාර්ගෝපදේශයන්හි සඳහන් වන්නේ, පාසල් විවෘත කිරීමට පියවර ගනිමින් සිටින බවත් අධ්යාපන අමාත්යාංශය තීරණය කරන පරිදි සිසුන් 200ට අඩු පාසල් ප්රථමයෙන් විවෘත කළ හැකි බවත්ය.
ළමුන් සංඛ්යාවෙන් 50%ක ධාරිතාවෙන් ක්රියාත්මක විය හැකි පරිදි පෙර පාසල් ද ක්රියාත්මක කළ හැකි බව මාර්ගෝපදේශයෙහි සඳහන් වේ.
සිනමා ශාලා තවදුරටත් වසා තැබෙන අතර ප්රදර්ශන හා සම්මේලන සඳහාත් උපකාරක පන්ති සඳහාත් අවසර හිමි නොවේ.
අදාළ මාර්ගෝපදේශ නිකුත් කර ඇත්තේ ඔක්තෝබර් පළමු වන දා සිට 31 වන දා දක්වා අදාළ වන පරිදි වේ.■
