■ නිත්‍යා සෙව්වන්දි
ගුරු විදුහල්පති සේවාවන්හි වැටුප් විෂමතා ඉවත් කිරීම සම්බන්ධයෙන් අමාත්‍ය මණ්ඩල විසින් පත් කරන ලද අනුකාරක සභාවේ නිර්දේශ ක්‍රියාත්මක කිරීම සම්බන්ධයෙන් එකඟ නොවන බවත් ගුරු අරගලය ඉදිරියටත් ගෙනයාම හැර වෙන විකල්පයක් නොමැති බවත් ලංකා ගුරු සංගමයේ ලේකම් ජෝසප් ස්ටාලින් අනිද්දාට පැවසීය.
ඔහු පැවසුවේ අමාත්‍ය මණ්ඩලයේ තීරණ අනුව ඔක්තොම්බර් මාසයේ සිට රුපියල් 5000ක දීමනාවක් ලබා දීමට සහ 2018 ඉදිරිපත් කළ වැටුප් යෝජනාවක් ක්‍රියාත්මක කිරීමට අමාත්‍ය මණ්ඩලය විසින් තීරණය කර ඇති නමුත් එමගින් සිය ඉල්ලීම් ඉටු නොවන බවයි.
ඔහු වැඩිදුරටත් පැවසුවේ ගුරු සංගම් මේ තාක් දුර අරගල සිදු කරන ලද්දේ සුබෝධනී කමිටු වාර්තාවේ කොටසක් ක්‍රියාත්මක කරන ලෙසත් ඒ සඳහා ඔවුන් දින 52ක වැඩ වර්ජනයක් සිදු කර ඇති බවත් එය තවදුරටත් පවත්වාගෙන යන බවයි.
සුබෝධනී කමිටු වාර්තාව යනු ගුරු වැටුප් විෂමතාවය ඉවත් කිරීම සඳහා 2021 ජනවාරි මස අධ්‍යාපන අමාත්‍යංශයේ අතිරේක ලේකම්වරු පස් දෙනෙකුගෙන් සැදුම්ලත් කමිටුවක් විසින් ඉදිරිපත් කරන ලද වාර්තාවයි.■
