රට වසා දැමීමත් සමඟ ඒ දක්වා 25,000 ක් දෛනිකව සිදු කළ පීසීආර් පරීක්ෂණ ප්‍රමාණය 15,000 දක්වා අඩු කරන්නට සෞඛ්‍ය අංශ කටයුතු කර ඇති බව සෞඛ්‍ය වෘත්තීයවේදීන්ගේ විද්වත් සංගමයේ සභාපති රවි කුමුදේශ් පවසයි.
ඔහු මේ බව පැවසූවේ රට වසා දැමීමෙන් පසු කොවිඩ් පරීක්ෂණ සම්බන්ධයෙන් අප කළ විමසීමකදීය.
මෙම තත්ත්වය තුළ ක්‍රමයෙන් රටේ වාර්තා වන කොවිඩ් ආසාදිතයන් ප්‍රමාණාත්මකව අඩු වීම රටේ කොවිඩ් ව්‍යාප්තිය පිළිබඳ නිවැරදි චිත්‍රයක් මතු නොකරන බව ඔහු අවධාරණය කරයි.
ඔහු පවසන්නේ දෛනික පීසීආර් ප්‍රමාණය ක්‍රමයෙන් අඩු කිරීම තුළ දෛනිකව වාර්තා වන කොවිඩ් ආසාදිතයින් සංඛ්‍යාව ද ක්‍රමානුකූලව අඩු වීම සාමාන්‍ය තත්ත්වයක් බවයි.
