- රාජපක්‍ෂවරුන්ගේ බල ව්‍යාපෘතිය උදෙසා මිථ්‍යාවන් සමාජගත කිරීම රාජපක්‍ෂකරණය වූ භික්‍ෂූන්ගේ කාර්යභාරය බවට පත්ව ඇත. රාජපක්‍ෂ පාලනය යටතේ සිදුවන හමුදාකරණය පිළිබඳව පුවත්පත් සාකච්ඡාවකදී නැගුණු පැනයකට මහාචාර්ය මැදගොඩ අභයතිස්ස හිමියන් දුන් පිළිතුර ආරම්භ වූයේ, ‘බුදු හාමුදුරුවෝ භික්‍ෂූන් වහන්සේලාගේ විනය හැදුවේ තනිකර හමුදා පුහුණුවකින්..’ යන වැකියෙනි.
සතියකට එක් පදිනක් හෝ අඩුම තරමින් පොහොය දිනවල බෞද්ධයන්ට පන්සල් යාම අනිවාර්ය කළ යුතු බව අගමැතිවරයා කියා තිබුණි. රාජපක්‍ෂ-හිතවාදී ලංකා සී නිව්ස් වෙබ් අඩවිය මාර්තු 14 දා පළකළ වාර්තාවට අනුව අගමැතිවරයා මෙම ප්‍රකාශය කර තිබුණේ පන්සලක උත්සවයකදීය.
ජනතා අවධානය බරපතළ ප්‍රශ්නවලින් වෙනතකට හැරවීම සඳහා ආකර්ෂණීය හා/හෝ විවාදාත්මක යෝජනා ඉදිරිපත් කිරීම අගමැතිවරයා සතු සුවිශේෂ දක්‍ෂතාවකි. ගව ඝාතනය නතර කරන බවට ඔහු කළ ප්‍රකාශය මෙයට හොඳම උදාහරණයකි. ඉන්පසු සති කිහිපයක් යන තුරු දේශපාලන භූමියේත් මාධ්‍ය අවකාශය තුළත් වැඩිපුරම අවදධනය යොමු වූයේ මෙම පොරාන්දුවටය. කාගේත් අවධානය එදෙසට යොමුවු පසු අගමැතිවරයා ඒ ගැන කතා කිරීම නතර කළේය. දැන් ඒ ප්‍රකාශය ජනතා මතකයෙන් මුළුමනින්ම ඈත්වී ගොසිනි. ගවයෝද තවමත් ඝාතනය වෙති. සියල්ල පෙර විලසමය.
අගමැතිවරයාගේ අලුත්ම ප්‍රකාශයද මේ ගණයටම අයත් වන බව අනුමාන කළ හැක. බෞද්ධයන්ට පන්සලට යාම අනිවාර්ය කිරීම බුදුන් වහන්සේගේ ඉගැන්වීමට මුළුමනින්ම පටහැණි බව අගමැතිවරයා දන්නවාදැයි මම නොදනිමි. නමුත් එවනි නියෝගයක් නීතියට හා ව්‍යවස්ථාවට පටහැණි බවත් ප්‍රායෝගික තලයේ ක්‍රියාත්මක කළ නොහැකි විගඩමක් බවත් පළපුරුදු දේශපාලකයකු වූ අගමැතිවරයා දන්නවා නිසැකය. මෙම විවාදාත්මක ප්‍රකාශයේ සැබෑ අරමුණ සීනි මගඩියෙන් ජනතා අවධානය වෙනතකට යොමු කිරීම විය හැක. සරත් වීරසේකර ඇමතිවරයා බුර්කාව තහනම් කිරීම ගැන තැන තැන යළි යළිත් කතා කරන්නේත් මෙම අරමුණින්මද යන්න ඇසිය යුතු ප්‍රශ්නයකි.
සීනි මගඩියේ ඇත්ත ජනතාවට වසන් කිරීමට දේශපාලන බලධරයන් හා රාජ්‍ය නිලධරයන් වැළමිට වංගු මෙන් දෙකට තුනට නැවෙති. උදාහරණයක් ලෙස භාණ්ඩාගාර ලේකම්වරයා කියනුයේ මෙයින් සිදුවූයේ පාඩුවක් (කදි) නොව ආදායම් අහිමිවීමක් (දෙරුටදබැ රුඩැබමැ) බවය. මෙවැනි රමණීය වචන හරඹයක භාණ්ඩාගාර ලේකම්වරයා වැනි වගකිව යුතු නිලධාරියෙකු යෙදුණ මුල්ම අවස්ථාව මෙය විය හැක.
වූ දේ දෙකේ පන්තියේ ළමයකුට වුවද වටහා ගත හැකි තරම් සරලය. 2020 ඔක්තෝබරයේදී ආණ්ඩුව සීනි ආනයන බද්ද හිටිහැටියේම කිලෝවකට රුපියල් 50 සිට කිලෝවකට සත 25 දක්වා අඩු කළේය. මෙම හදිසි මිල අඩු කිරීමෙන් පසු මෙරට සීනි ආනයනය දැවැන්ත ලෙස ඉහළ ගියේය. මෙවර සන්ඩේ ටයිම්ස් පුවත්පතේ පළවූ වාර්තාවකට අනුව 2020 ඔක්තෝබර් 14 සිට 2021 පෙබරවාරි 20 අතර මාස 4ක පමණවූ ඉතාම කෙටි කාලයක් තුළ සීනි මෙටි්‍රක් ටොන් 320,627ක් මෙරටට ආනයනය කෙරිණි. මෙයින් 40%ක්ම ආනයනය කර ඇත්තේ පිරමිඩ් විල්මා නම් වූ සමාගමයි.
පිරමිඩ් විල්මා සමාගම සිංගප්පූරුවේ ලියාපදිංචි විල්මා ඉන්ටර්නැෂනල් නම් දැවැන්ත කෘෂි ව්‍යාපාරික සමාගමට අනුබද්ධිතය. පාම් තෙල් නිෂ්පාදනයේ ලොව ප්‍රමුඛයකු වන විල්මා ඉන්ටර්නැෂනල් සමාගම ඉන්දුනීසියාවේ හා උගන්ඩාවේ මහා පරිමාණ වන සංහාරයන් සිදුකළ බවට ජාත්‍යන්තර පරිසර සංවිධාන චෝදනා කරයි. විල්මා ඉන්ටර්නැෂනල් සමාගමේ ප්‍රධානියා වන ණමදන ණයදදබ ්‍යදබට නම් ධන කුවේරයා මලයාසියාවේ සුප්‍රකට ණමදන ව්‍යාපාරික පවුලේ සාමාජිකයෙකි. චීන සම්භවයක් සහිත ණමදන පවුල සතු ව්‍යාපාරයන් අතර ෂැංග්රි-ලා හෝටල් ජාලයද වේ.
පසුගිය රාජපක්‍ෂ පාලන කාලය තුළ ගාලු මුවදොර අබියස තිබූ හමුදා මුලස්ථාන ඉඩම විකිණුවේ ෂැංග්රි-ලා හෝටල් සමාගමටය. ෂැංග්රි-ලා කොළඹ හෝටලය 2017 අගදී විවෘත විය. ඉන් පසු ගෝඨාබය රාජපක්‍ෂ මහතාගේ වියත් මග සංවිධානයේ ප්‍රධාන රැස්වීම් ගණනාවක්ම පැවැත්වූයේ ෂැංග්රි-ලා හෝටලයේය. 2018 මැයි මසදී තම ඪසිසදබ-2023 නම් ප්‍රතිපත්ති ප්‍රකාශනය හෙළිදැක්වීම සඳහා රාජපක්‍ෂ මහතා තෝරා ගත්තේද ෂැංග්රි-ලා හෝටලයේ 2000කට වැඩි පිරිසක් අසුන් ගත හැකි ප්‍රධාන ශාලාවයි.
මහා පරිමාණ වංචා-දූෂණ සිදුවීම් ලංකා දේශපාලනයට ආගන්තුක නොවේ. නමුත් සීනි මගඩිය තරම් දැවැන්ත වංචාවක් මෙරට ඉතිහාසය තුළ සිදුවූවාද යන්න සැකසහිතය. මාස 4ක පමණ ඉතා කෙටි කාලයක් තුළ සීනි සෙල්ලමෙන් රටට වූ පාඩුව (භාණ්ඩාගාර ලේකම්වරයාගේ වචනවලින් කියනවා නම් රටට ‘අහිමිවූ ආදායම’) රුපියල් බිලියන 16කි.
සීනි ආනයන බද්ද කිලෝවකට රුපියල් 50 සිට සත 25 දක්වා අඩුවීමේ වාසියෙන් තඹ දොයිතුවක්වත් පාරිභෝගිකයාට ලැබුණේ නැත. රජය සීනිවලට උපරිම මිලක් නියම කළද සැබෑ ලෝකයේ එය ක්‍රියාත්මක වනුයේ නාඩු හා සම්බාවල පාලන මිල මෙන්ය. සීනි සෙල්ලමෙන් ජනතාවගේ කටට වැටුණේ පස්ය. රටට ‘අහිමි වූ ආදායම’ මුළුමනින්ම ගියේ මහා පරිමාණ සීනි ආනයනකරුවන්ගේ අතටය. විශේෂයෙන්ම ෂැංග්රි-ලා හෝටල් ජාලය හිමි ණමදන පවුලේ සාමාජිකයකුට අයත් පිරමිඩ් විල්මා සමාගමටය.
සීනි මගඩියේ අමිහිරි මතකය ජනතා සිත් සතන් තුළින් ඈත්කිරීම සඳහා රාජපක්‍ෂවරුන් විවිධ නරනාටක රඟ දැක්වීම පුදුමයක්ද? කැලණියේ නයි සෙල්ලමෙන් ඇරඹුණ නව රාජපක්‍ෂ පාලනය එක පෑන් පහරින් රටට රුපියල් බිලියන 16ක් අහිමි කර ඇත. සෞභාග්‍යයේ දැක්මේ ඊළඟ අඩව්ව කුමක් විය හැකිද?
නයි නැටුම, පැණි කෝලම, සීනි සෙල්ලම හා ඔබ්බට
කෝවිඩ් වෛරසයට එන්නතක් සොයාගැනීම සඳහා විද්‍යාඥයන් කාලයත් සමග පොරබදන විට එවකට ඇමරිකානු ජනාධිපති ඩොනල්ඩ් ට්‍රම්ප් මහතා ලයිසෝල් වැනි විසබීජනාශක දියර ශරීරගත කිරීමෙන් කොරෝනා වෛරසය මරා දැමීමට හැකි විය යුතුයැයි ප්‍රකාශ කළේය. ඔහුගේ පරම අනුගාමිකයෝ ඔහුගේ මෙම ප්‍රකාශය කෙතරම් විශ්වාස කළාද කියතොත් විසබීජනාශක දියර බීම හෝ එන්නත් කිරීම මිනිස් සිරුරට හානිකර බවට නිවේදන නිකුත් කිරීමට පවා ඒවා නිපදවන සමාගම්වලට සිදුවිය.
එදා ට්‍රම්ප් ජනපතිවරයාගේ කීම අසා විසබීජ නාශක දියර පානය කිරීමට සූදානම් වු ඔහුගේ අනුගාමිකයන්ගෙන් බහුතරයක් කෝවිඩ්-19 එන්නත ලබා නොගැනීමට තීරණය කර ඇත. මේ බව හෙළි වී ඇත්තේ ත්‍්ජැඉදදන සමාගම සිදුකළ සමීක්‍ෂණයකිනි. මාර්තු 15 වැනිදා උ්ියසබටඑදබ ඡදිඑ පුවත්පතේ පළවූ වාර්තාවකට අනුව එන්නතට විරුද්ධ ඇමරිකානුවන්ගෙන් අති බහුතරය ට්‍රම්ප් අනුගාමිකයෝය. ට්‍රම්ප් මහතාට එරෙහිව සාතන්වාදී (ි්ඒබසිඑ) ජාත්‍යන්තර කුමන්ත්‍රණයක් ක්‍රියාත්මක වන බව මෙම අනුගාමිකයන්ගේ මතයයි. කෝවිඩ්-19 එන්නත ඔවුන් දකිනුයේ සාතන් හෙවත් යක්‍ෂයාගේ නිමයුමක් ලෙසය.
ට්‍රම්ප් අනුගාමිකයන් මෙලෙස වුවද ට්‍රම්ප් මහතා හා සිය පවුල ජනවාරි මුල රහසිගතව එන්නත ලබාගත් බව දැන් අනාවරණය වී ඇත.
ලංකාවේ රාජපක්‍ෂවරුද කාළි පැණිය හා රිටිගල පැණිය වටා මෙවැනිම රංගනයක් ක්‍රියාත්මක කළෝය. අපට වඩා දුප්පත් බංග්ලා දේශය වැනි රටවල් පවා එන්නත ඇණවුම් කරද්දී රාජපක්‍ෂ පාලනය පැණි කතා කියමින් ජනතාව (විශේෂයෙන්ම තමන්ට ඡන්දය දුන් 69 ලක්‍ෂයෙන් කොටසක්) රැවටීමේ නිරත විය. මෙහි එක් ප්‍රතිඵලයක් නම් ඊළඟ එන්නත් තොගය ලබාගන්නේ කෙසේද යන්න පිළිබඳව අර්බුදයක් නිර්මාණය වීමයි. මෙතෙක් භාවිත කළ ලෝක සෞඛ්‍ය සංවිධානය පිළිගත් ඇස්ට්‍රා සෙනෙකා එන්නත වෙනුවට චීනයේ නිෂ්පාදිත සිනෝෆාම් (ීසබදචය්රප) නම් ලෝක සෞඛ්‍ය සංවිධානය තවමත් නොපිළිගත් එන්නත ගෙන්වීමේ සැලැස්මක් ක්‍රියාත්මක වන බව මෙවර සන්ඩේ ටයිම්ස් පුවත්පත අනාවරණය කළේය.
කාළි පැණිය ප්‍රවර්ධනය කිරීමේ මූලිකත්වය ගත්තකු වන චන්න ජයසුමන රාජ්‍ය ඇමතිවරයා විසින් ජාතික ඖෂධ නියාමන අධිකාරියේ (භ්එසදබ්ක ඵැාසජසබැ ඍැටමක්එදරහ ්මඑයදරසඑහ- භඵඍ්) සාමාජිකයන් සිව් දෙනකු හිටිහැටියේ ඉවත් කිරීමත්, චීන එන්නත ගෙන්වීමේ සැලැස්මත් අතර සබඳතාවක් තිබිය හැකි බව සන්ඩේ ටයිම්ස් පුවත්පත වාර්තා කරයි. චීන රජයට අයත් ඖෂධ සමාගමක් නිපයන මෙම එන්නත සම්බන්ධයෙන් ඇති ප්‍රධානතම ප්‍රශ්නය නම් ඊට අදාළ පරීක්‍ෂණ දත්ත (ජකසබසජ්ක එරස්ක රුිමකඑි) මෙතෙක් හෙළිදරව් නොකිරීමයි. යම් එන්නතක හෝ වෙනත් ඖෂධයක සාර්ථකත්වය පිළිබඳ විද්‍යාත්මකව නිගමනය කිරීම සඳහා මෙම පරීක්‍ෂණ දත්ත අත්‍යවශ්‍යය. ීසබදචය්රප එන්නතට තවමත් මෙම විද්‍යාත්මක පිළිගැනීම නොමැත. එසේ වුවද ලොව රටවල් සමග රාජ්‍ය මට්ටමේ එකඟතාවන් ඇතිකිරීම තුළින් ීසබදචය්රප එන්නතට ජාත්‍යන්තර වෙළඳපොළක් නිර්මාණය කරගැනීමට චීනය කටයුතු කරන බව ජාත්‍යන්තර ජනමාධ්‍ය වාර්තා කරයි. මෙය හා ලංකාවේ එන්එම්ආර්ඒ සාමාජිකයන් සිව්දෙනකු හිටි අඩියේ ඉවත් කිරීම අතර සබඳතාවක් තිබේද යන්න අවධානයට යොමුවිය යුතු ප්‍රශ්නයකි.
මාස ගණනක් පුරා කාළි පැණිය හා රිටිගල පැණිය ප්‍රවර්ධනය කළ මෙරට පාලකයෝ ඉන්දියාවෙන් නොමිලේ එන්නත් තොගය ලැබුණු වහාම එය ගසා ගැනීමට නොපසුබට වූහ. පාලකයන් මිථ්‍යාවන් ප්‍රචලිත කිරීම සඳහා රාජ්‍ය අනුග්‍රහය ලබාදෙනුයේ අවංක විශ්වාසය නිසා නොව ජනතාව රැවටීමේ අවියක් ලෙස බව මින් පැහැදිලි වේ. ඔක්සිජන්වල වැදගත්කමේ සිට වසංගත නිවාරණය දක්වාවූ කරුණු සම්බන්ධයෙන් මිථ්‍යාවන් නිර්මාණය කොට ඒවා සමාජගත කිරීම රාජපක්‍ෂ දේශපාලනයේ මූලිකාංගයකි.
බුදු දහමට අනුව සැකය හා අවිශ්වාසය වරදක් හෝ පාපයක් නොවේ. මෙයට හොඳම උදාහරණය කාළාම සුත්‍රයයි. සැකය (ාදමඉඑ) මත පදනම් වූ සහේතුක දැක්මක අවශ්‍යතාව කාළාම සූත්‍රයේ මැනවින් පැහැදිලි වේ. ලංකා හේතුවාදී සංගමය විසින් වාර්ෂිකව පළකළ ඍ්එසදබ්කසිඑ ්පඉ්ි්ාදර සඟරාවේ මාතෘකා පාඨය වූයේද කාළාම සුත්‍රයේ උපුටා ගැනීමක් බව ධර්මපාල සේනාරත්න මහතා තම ‘හේතුවාදය හා කොවුර්ගේ දර්ශනය’ නම් පොතේ සඳහන් කරයි.
‘කියන්නා කෙසේ කීවත් අසන්නා සිහි බුද්ධියෙන් ඇසිය යුතුය’ යනු අපේ ජනප්‍රිය පාඨයකි. කිසිදු සොයා බැලීමකින් තොරව දකින අසන සියල්ල හිස් මුදුනින් පිළිගැනීමේ භයානකකම කියැවෙන ජනකතාද මෙරට බහුලය. එහෙත් 21වන සියවසේ දෙවන දශකයේදී ලංකාව මිථ්‍යාලන්තයක් බවට පත්ව ඇත. කැලණියේ නයි ධාතු වන්දනාවට ආ බැතිමතුන්ගෙන් හා කාළි පැණිය ලබාගැනීමට පොර කෑ ජනතාවගෙන් හෙළිවනුයේ මෙම කටුක යථාර්ථයයි.
ජනතාව මෝඩයන් කොට එම මෝඩකම බලය ලබාගැනීමට හා බලය රැකගැනීමට භාවිත කරන දේශපාලකයන්ට දේශපාලනීකරණය වූ භික්‍ෂූන්ගෙන් ලැබෙනුයේ නොමඳ සහායකි. බුදුදහමේ විකෘතිය ආරම්භ වූයේ එය සිංහල ජාතියේ අයිතිකාරිත්වයට නතු කර ගැනීමෙනි. අද වන විට සිංහල-බුද්ධාගම රාජපක්‍ෂ පවුලේ බූදලයක් දක්වා තවත් විකෘති වී තිබේ.
රාජපක්‍ෂ බල ව්‍යාපෘතියේ කොටසක් ලෙස ක්‍රියාත්මක වූ කැලණි නයි නැටුමේ ප්‍රධාන චරිතය රඟපැවේ කැලණි විහාරයේ විහාරාධිපති හිමිනමයි. මහින්ද රාජපක්‍ෂ යනු ආගමක් ධර්මයක් යැයි කියන තැනට අපේ ඇතැම් භික්‍ෂූන් පත්ව ඇත. බෞද්ධයන්ට නිතිපතා පන්සල් යාම අනිවාර්ය කළ යුතුයැයි මහින්ද අගමැතිවරයා කියන විට ඒ කථාව බුදුන් වහන්සේගේ ධර්මයට මුළුමනින්ම පටහැණියැයි එතන සිටි භික්‍ෂූන් වහන්සේලා දැන සිටියා නිසැකය. නමුත් ඒ කිසිවෙකු අගමැතිවරයාගේ වැරදි ප්‍රකාශය නිවැරදි කළ බවක් වාර්තා නොවිණි.
රාජපක්‍ෂවරුන්ගේ බල ව්‍යාපෘතිය උදෙසා මිථ්‍යාවන් සමාජගත කිරීම රාජපක්‍ෂකරණය වූ භික්‍ෂූන්ගේ කාර්යභාරය බවට පත්ව ඇත. රාජපක්‍ෂ පාලනය යටතේ සිදුවන හමුදාකරණය පිළිබඳව පුවත්පත් සාකච්ඡාවකදී නැගුණු පැනයකට මහාචාර්ය මැදගොඩ අභයතිස්ස හිමියන් දුන් පිළිතුර ආරම්භ වූයේ, ‘බුදු හාමුදුරුවෝ භික්‍ෂූන් වහන්සේලාගේ විනය හැදුවේ තනිකර හමුදා පුහුණුවකින්..’ යන වැකියෙනි. (රාවය-31.01.2021). මිථ්‍යාලන්තයක් බවට පත්වීමේ හේතු හා ඒ පරිවර්තනයේ ප්‍රතිඵල වටහා ගැනීමට මෙම ප්‍රකාශයම ප්‍රමාණවත් නොවන්නේද?
පරිසර-විරෝධී සංවර්ධන මිථ්‍යාව හා වන සංහාරය
චීනයේ බේජිං අගනුවර මේ වන විට මහා දූවිලි කුණාටුවකින් වැසී ඇත. ජාත්‍යන්තර ජනමාධ්‍ය ්සරචදජ්කහචිැ (වායු විනාශය) යනුවෙන් හඳුන්වන මෙම දූවිලි කුණාටුව නිසා අගනුවර සාමාන්‍ය ජනජීවිතය මුළුමනින්ම පාහේ අඩාල වී තිබේ. ඨරුැබ ඡැ්ජැ සංවිධානයේ චීන ශාඛාවේ ප්‍රතිපත්ති අධ්‍යක්‍ෂවරයා ප්‍රකාශ කරන පරිදි මෙම දූවිලි කුණාටුවට හේතු වී ඇත්තේ බේජිං නුවර උතුරේ හා බටහිර ප්‍රදේශවල සිදුවන පරිසර විනාශයයි.
ගෝඨාභය-මහින්ද පාලනය තුළ මෙරට පෙර නුවූ විරූ තරම් දැවැන්ත වන සංහාරයක් සිදුවන බව නොරහසකි. රාජපක්‍ෂ ආණ්ඩුවේ ඇමතිවරයකු ‘ඔක්සිජන් කුමකටද?’ යැයි කළ ප්‍රකාශය සමස්ත ආණ්ඩුවේම තේමා පාඨය වී තිබේ. කතරගම වන්දනාවේ එන දේශපාලන බලවතුන්ගේ හෙලිකොප්ටර් බෑමට බාධා වන නිසා මැණික් ගඟ අවට තිබූ වසර සිය ගණනක් පැරණි මහා කුඹුක් ගස් කපා දැමීමෙන් පිළිබිඹු වන්නේ රාජපක්‍ෂවරුන්ගේ පරිසර දැක්මයි.
පරිසරය, සතා සීපාවා රැකගැනීම සංවර්ධනයට බාධාවක් යන්න රාජපක්‍ෂවරුන් සමාජගත කරමින් පවතින මිථ්‍යාවන් අතුරින් භයානකම මිථ්‍යාවයි. රාජපක්‍ෂ පාලනය කරන බොහෝ වැරදි කල් ගොස් හෝ යම් තරමකට නිවැරදි කරගැනීමේ ප්‍රායෝගික හැකියාවක් තිබේ. නමුත් මේ වන විනාශය (හා ඊට සමගාමීව සිදුවන වනජීවී විනාශය) යනු ශතවර්ෂ ගණනකටවත් නිවැරදි කළ නොහැකි අපරාධයකි.
රාජපක්‍ෂ පවුලේ අරමුණ ගෝඨාභයගෙන් බැසිල්ටත් බැසිල්ගෙන් නාමල්ටත් බලය ගලායන අනාගතයක් නිර්මාණය කිරීමයි. මෙම අරමුණ සාර්ථක වුවහොත් ලංකාවේ ඉතිරිවනු ඇත්තේ වනාන්තර හා වනජීවීන් සොච්චමක් පමණක් යැයි අනුමාන කිරීම සාධාරණය. එහි ඍජු ප්‍රතිඵලයක් වනු ඇත්තේ දැනටත් අප මුහුණ දෙන දේශගුණික-කාලගුණික අර්බුදයන් තවත් තීව්ර වීමයි. වනාන්තර ටික කපා දමා මෙරට කොන්ක්‍රීට් කාන්තාරයක් බවට පත්කළ පසු අපට උරුම වනු ඇත්තේ හුස්ම ගන්නට ඔක්සිජන් හා බීමට ජලය පවා නැති අනාගතයකි. චීනයේ බේජිං නගරය මුහුණ දී ඇති දූලි කුණාටුව පරිසර-විරෝධී, පරිසර-සංහාරක ආර්ථික පිළිවෙත් අනුගමනය කරන ලංකාව වැනි අනෙක් රටවලටද අනතුරු හැඟවීමකි.
සිංහරාජය මායිමේ ඇති පුද්ගලික ඉඩමක සිදුවන වන විනාශයක් පිළිබඳ සිරස ලක්‍ෂපති වැඩසටහන තුළින් අනතුරු හැඟවූ භාග්‍යා අබේරත්න නම් 19 හැවිරිදි තරුණ කාන්තාව නිහඬ කිරීමට නියමින් හා අනියමින් පාලකයන් උත්සාහ කරනු මේ දිනවල දැකිය හැකිය. ඇය කළ චෝදනාව පිළිබඳ පරීක්‍ෂණයක් කරනු වෙනුවට ඇය හා ඇගේ පවුල පිළිබඳ පරීක්‍ෂණ කිරීමක් සිදුවන බව පෙනේ.
මේ අතරම සියරට අන්තර්ජාල පුවත්පතේ සේවය කරන සුජීව ගමගේ මාධ්‍යවේදියා පැහැරගෙන ඔහුට වධහිංසා කොට ඔහුගෙන් ප්‍රශ්න කිරීමේ සිද්ධියක්ද මේ සතියේ වාර්තා විය. හර්ෂ ද සිල්වා මන්ත්‍රීවරයාත්, කරු ජයසූරිය හිටපු කතානායකවරයාත් මේ සම්බන්ධයෙන් යැවූ ට්විටර් පණිවුඩ පිළිබඳව ෑජදබදපහ භැංඑ වෙබ් අඩවිය වාර්තා කළේය. මෙම පුවත සත්‍යයක් නම් එයින් කියැවෙනුයේ සුදු වෑන් උවදුර මොන්ටෙරෝ උවදුරක් ලෙස ප්‍රතිනිර්මාණය වෙමින් පවතින බව නොවේද? සත්‍යය එය නම් අනතුර එල්ල වනුයේ රාජපක්‍ෂ විරෝධී දේශපාලන ක්‍රියාකාරිකයන්ට හා මාධ්‍යවේදීන්ට පමණක් නොවේ. රාජපක්‍ෂ මිථ්‍යාවන්ට නොරැවටී රටේ සැබෑ ප්‍රශ්න ගැන හඬක් නගන දේවානි ජයතිලක වැනි රාජ්‍ය නිලධාරීන්ගේද භාග්‍යා අබේරත්න වැනි පුරවැසියන්ගේද ජීවිත අවදානමට ලක්වන දිනය වැඩි ඈතක නොවිය හැක.■
