තරුණයන් පස් දෙනෙකු ඇතුළු පුද්ගලයින් 11 දෙනෙකු කප්පම් ලබා ගැනීම සඳහා පැහැරගෙන ගොස් අතුරුදහන් කිරීමේ නඩුවේ ප්රධාන විත්තිකරුවකු වන රියර් අද්මිරාල් ඩී කේ පී දසනායක විශ්රාම ගන්වා ඇත.
වයස අවුරුදු 55 පිරීම නිමිත්තෙන් මෙම විශ්රාම ගැන්වීම සිදුකර ඇති අතර ඔහුට සේවා දිගුවක් ලබාදෙන ලෙසට හිටපු නාවික හමුදා ප්රධානීන් හා දේශපාලනඥයන් මඟින් කරන ලද ඉල්ලීම් සාර්ථක වී නැතැයි අපගේ ආරක්ෂක අමාත්යාංශ ආරංචි මාර්ග ප්රකාශ කරයි.
එම ආරංචි මාර්ග ප්රකාශ කරන්නේ ඔහුට සේවා දිගුවක් ලබාදීම ජිනීවා මානව හිමිකම් සැසිවාරයේදී ශ්රී ලංකාවට එරෙහි දැඩි බලපෑමක් සිදුකරනු ඇතැයි පදනම මත එම සේවා දිගුව ජනාධිපතිවරයා ලබා නොදුන් බවයි.
වයස අවුරුදු 55 පිරීම නිමිත්තෙන් රියර් අද්මිරාල් දසනායක පෙබරවාරි 15 වැනිදා සිට විශ්රාම ගන්වා ඇති අතර පෙරවාරි 16 වැනිදා ඔහුට නාවික හමුදා මූලස්ථානයේ මාණ්ඩලික නිලධාරියාට වාර්තා කරන ලෙස නේවි ජෙනරාල් 782 මඟින් දැනුම් දී ඇත. ඔහු නිල ඇඳුම් බාර දීම මාර්තු 01 වැනිදා කළ යුතුය.■
