■ අනුරංග ජයසිංහ
අධ්යාපන අමාත්යාංශය පිළිබඳ අරලියගහ මන්දිරයේ පැවති රැස්වීමකදී බස්නාහිර පළාත් ආණ්ඩුකාර, ගුවන් හමුදා මාෂල් රොෂාන් ගුණතිලකට බැසිල් රාජපක්ෂ මහතා බැණ වැදී ඇතැයි වාර්තා වේ.
ජනවාරි 19 වැනිදා පැවති එම රැස්වීම සඳහා පළාත් අධ්යාපන අමාත්යාංශයේ නිලධාරීන් පිරිසක් ගෙන්වා නොතිබීම ගැන ජනාධිපති කාර්යසාධක බලකායේ ප්රධානී බැසිල් රාජපක්ෂ බස්නාහිර පළාත් ආණ්ඩුකාරවරයා විවේචනය කර ඇත. එහිදී තමන්ට ඒ නිලධාරීන් ගෙන්වන ලෙස දැනුම්දුන්නේ නැතැයි ආණ්ඩුකාරවරයා කියා තිබේ. එයට ප්රතිචාර ලෙස ‘කරන්න බැරි නම් අයින් වෙන්න’ කියමින් බැසිල් රාජපක්ෂ මහතා බැණවැදුණු බව එම රැස්වීමේ සිටි පිරිසක් පැවසූහ.
උතුරු නැගෙනහිර පළාත් හැර අනෙකුත් පළාත්වල ආණ්ඩුකාරවරුන්, අධ්යාපන අමාත්යාංශ ලේකම්වරුන්, අතිරේක ලේකම්වරුන් ඇතුළු නිලධාරීන්ගේ සහභාගිත්වයෙන් එම රැස්වීම පවත්වා තිබේ. ■
