සමගි ජන බලවේගයේ නව පක්ෂ ව්යවස්ථාව සම්මත කරගැනීම සඳහා දෙසැම්බර් 19 වැනිදා එම පක්ෂයේ විධායක සභාව රැස්වීමට නියමිත බව එම පක්ෂයේ ලේකම් රංජිත් මද්දුමබණ්ඩාර පැවසීය.
එදින පක්ෂයේ නව ව්යවස්ථාව පිළිබඳ තීරණාත්මක තීන්දු එදින ගැනීමට නියමිත බව අනිද්දා සමඟ අදහස් දැක් වූ සමගි ජන බලවේගයේ නායකයෙකු පැවසීය. එහිදී පක්ෂ ව්යවස්ථාව සමගි ජන බලවේගයේ නායකයාට වාසිදායක ලෙස සම්මත කරගන්නවාද, ප්රජාතන්ත්රවාදය රැකෙන ආකාරයට සම්මත කරගන්නවාද යන්න පිළිබඳ සංවාදයක් පවතින බව වාර්තා වේ.
නීතිඥ පිරිසක් කෙටුම්පත් කොට, බහුතර නායකයන් පිරිසකගේ එකඟතාව ලබා ඇති සමගි ජන බලවේගයේ පක්ෂ ව්යවස්ථාව අනුව පක්ෂ නායකයා වාර්ෂිකව ඡන්දයෙන් තේරී පත් විය යුතුය. පක්ෂයේ විධායක සභාව බලවත්ම ආයතනය
වන අතර, එම සභාව තෝරා පත් කරගැනීම නායකයාගේ අභිමතය අනුව නොව, පක්ෂයේ අනෙකුත් ආයතනවල බහුතර කැමැත්ත මත සිදු වේ.
කෙසේ වෙතත් සමගි ජන බලවේගයේ නායක සජිත් ප්රේමදාස සහ ඔහුට හිතවත් පිරිසක් එම කෙටුම්පතට කැමැත්තක් නොදක්වන බව අනිද්දා සමඟ අදහස් දැක් වූ සමගි ජන බලවේගයේ නායකයන් කිහිපදෙනෙකු පැවසීය. මීට පෙර සජිත් ප්රේමදාස මහතා පක්ෂයට ව්යවස්ථා කෙටුම්පතක් ඉදිරිපත් කළ බවත්, එම කෙටුම්පත අනුව නායකයා ඉතා බලවත් වන බවත් ඔවුන් පැවසීය.
එහෙත් සමගි ජන බලවේගයේ නායකයන් පිරිසක් සහ ජාතික හෙළ උරුමයේ පිරිසක් එම යෝජනාවට අකමැති වූ බවත්, නායකයාට තනි බලයක් නොලැබෙන ආකාරයේ ප්රජාතන්ත්රවාදී පක්ෂ ව්යවස්ථාවක් යෝජනා කළ බවත් එම නායකයෝ කීහ. නව කෙටුම්පත ඉදිරිපත් කර ඇත්තේ ඒ අනුවය.■
Any party constitution should be democratic.The collapse of UNP and its leader Ranil happened due to undemocratic constitution.