කොවිඞ් 19 ආසාදිතයන් සමඟ ඇසුරු කළ සහ කොවිඞ් 19 මර්දන වැඩපිළිවෙළෙහි රාජකාරියේ යෙදී සිටි පොලිස් නිලධාරීන් 200 කට ආසන්න පිරිසක් මේ වන විට ස්වයං නිරෝධායනය වෙමින් සිටින බව පොලිස් මූලස්ථානයේ නිලධාරියෙක් පැවසීය.
ඒ අතරින් පිරිසක් පීසීආර් පරීක්ෂණ සදහා යොමු කර ඇති බවත්, එම පරීක්ෂණවල ප‍්‍රතිඵල ලැබී නොමැති බවත් එම නිලධාරියා වැඩිදුරටත් පැවසීය.
පසුගිය කාලසීමාවේදී පුද්ගලයන් අත්අඩංගුවට ගැනීම, මාර්ග බාධකවල සේවය කිරීම, ස්වයං නිරෝධායනයට යොමු වී සිටින පුද්ගලයන් නිරීක්ෂණය කිරීම ඇතුළු සේවාවන් රැුසක පොලිස් නිලධාරීන් යෙදී සිටි බවත්, එහිදී සාමාන්‍ය පුරවැසියන් සමඟ ඇසුරු කිරීමට නිලධාරීන්ට සිදුවූ බවත් එම නිලධාරියා කීය.
මීට පෙර රෝගීන් සමඟ ගනුදෙනු කරන ලද ත‍්‍රිවිධ හමුදා සාමාජිකයන්ට රෝගය වැළඳී ඇතැයි තහවුරු වීම නිසා, පොලීසියේ නිලධාරීන්ටද රෝගය වැළඳී ඇතිදැයි සැකයක් පවතින බව ඔහු කීය.
