කොළඔ වරායේ නැව් නවත්වා තබන ස්ථානයක් වන බණ්ඩාරනායක පාලම සහ කොටුව ටෙලිකොම් සමාගම අසළ ඇති කැනල් යාඞ් යන ස්ථාන වසා ඇති බව වාර්තා වේ.
අපේ‍්‍රල් 26 වන දින බණ්ඩාරනායක පාලම වසා දමා ඇති අතර කැනල් යාඞ් වසා දමා ඇත්තේ අපේ‍්‍රල් 27 වන දිනය.
කැනල් යාඞ් ස්ථානයෙන් කරන්නේ කොළඔ වරායේ ජය බහලූම් කන්ටේනර් අංගණයෙන් පිටතට යන කන්ටේනර්වලට අදාල ලිපි ගොනු සකස් කිරිමය.
මෙසේ වසා දැමීමට සිදු වී ඇත්තේ අපේ‍්‍රල් 24 වන දින ද සොයිසා කාන්තා රෝහල ඇතුළත් කළ ගැබිණිය සමඟ රෝහලට ගොස් ඇති ඇගේ ඥාති සොහොයුරෙකු අපේ‍්‍රල් 23 වන දින බණ්ඩාරනායක පාලම සහ අපේ‍්‍රල් 24 වන දින කැනල්යාඞ් යන ස්ථාන වෙත පැමිණ ඇති බැවිනි. ඒ පුද්ගලයා කොළඔ වරායේ සේවකයෙකු නොවන අතර පෞද්ගලික ආයතනයක සේවය කරන බවත් එම ආයතනයට අයත් භාණ්ඩ නිදහස් කර ගැනීමට මෙසේ කොළඔ වරායට පැමිණ ඇති බවත් වාර්තා වේ.
මේ වන විට ඔහු නිරෝධායන කඳවුරකට යොමු කර ඇති බවත් පීසීආර් පරීක්ෂණයට යොමු කර ඇති බවත් වාර්තා වේ.
අනිද්දා සමඟ අදහස් දක්වමින් වරාය සුහද සේවක සංගමයේ ලේකම් ලාල් බංගමුව පැවසූවේ මේ වන තෙක් කොළඔ වරාය තුළට පැමිණෙන පුද්ගලයන් අනුගමනය කළ යුතු නිසි ආරක්ෂිත ක‍්‍රමවේදයක් හඳුන්වා දී නැති බවත් මේ පිළිබඳව වාචිකව වරායේ සභාපතිවරයා සමඟ කිහිපවතාවක්ම කතා කළ බවත්ය. වරායේ සේවකයන්ගේ ආරක්ෂාව වෙනුවෙන් විධිමත් ක‍්‍රමවේදයක් සභාපතිවරයා සැදිය යුතු බවත් ඒ මහතා පැවසීය.
කොවිඞ් 19 වසංගතය පැතිරීමට පෙර අනුගමන කළ ක‍්‍රමවලටම මිනිසුන් පැමිණ තමන්ගේ භාණ්ඩ වරායෙන් නිදහස් කරගන්නා බවත් මේ වන විට කොළඔ වරායේ සේවකයන්ගේ ආරක්ෂාවක් නොමැති බවත් ඒ මහතා වැඩිදුරටත් පැවසීය.
