මාර්තු 15 වැනිදා පොලිස්පති පූජිත් ජයසුන්දර විශ‍්‍රාම ගොස් මාසයක් ඉක්ම ගොස් ඇතත් නව පොලිස්පතිවරයෙකු පත් කරගැනීම සඳහා ජනාධිපතිවරයා ආණ්ඩුක‍්‍රම ව්‍යවස්ථා සභාව වෙත නම් එවා නොමැති බවත්, පොලිස්පති තනතුර පුරප්පාඩු වීම ගැන කිසිදු දැනුම්දීමක් සිදුකර නොමැති බවත් වාර්තා වේ.
ඒ අනුව මේ වන විටත් පොලිස්පති තනතුර පුරප්පාඩු වී තිබෙන අතර, වැඩබලන පොලිස්පති ලෙස චන්දන වික‍්‍රමරත්න මහතා කටයුතු කරමින් සිටී.
ව්‍යවස්ථා සභාව අපේ‍්‍රල් 23 වැනිදා රැස්වී තිබුණේ මාසයකට පමණ පසුව වන අතර පොලිස්පතිවරයා පත් කරගැනීම පිළිබඳවත්, පොලිස්පති තනතුරේ පුරප්පාඩුව පිළිබඳවත් එම රැස්වීමේ න්‍යායපත‍්‍රයට කරුණු ඇතුළත් කර තිබුණේ නැත.
මේ පිළිබඳව කළ විමසීමකදී ව්‍යවස්ථා සභාවේ සාමාජිකයෙකු නිර්නාමිකව සිටිනු කැමතිව ප‍්‍රකාශ කළේ ජනාධිපතිවරයා තනතුර සඳහා නම් යෝජනා කර එවා නැති නිසාත් යෝජනා නොඑවීමට හේතු දැනුම්දීමක්ද කර නැති නිසාත් ඒ පිළිබඳව සාකච්ඡුා නොකළ බවය
මැතිවරණ සමයක් ප‍්‍රකාශයට පත් කර ඇති නිසා පොලිස්පති තනතුරේ පුරප්පාඩුව පිරවීම කළ නොහැකිදැයි අප කළ විමසීමේදී එම සාමාජිකයා ප‍්‍රකාශ කළේ එම කරුණ පිළිබඳව ව්‍යවස්ථා සභාව සාකා නොකළ බවය.
පොලිස්පති තනතුරට නාමයෝජනා එවා නැතත්, මැතිවරණ සමයේදී පොලිස් නිලධාරීන් කිහිපදෙනෙකුට ස්ථාන මාරු ලබාදී ඇති බව ආණ්ඩුක‍්‍රම ව්‍යවස්ථා සභාවේ සාකච්ඡුාවට ගැනුණු බව ඔහු කීය.
ඒ පිළිබඳව සාකච්ඡුා කොට, ස්ථානමාරු පිළිබඳව මැතිවරණ කොමිෂන් සභාව වෙත දැනුම් දීමට එහිදී තීන්දු කළ බව ඔහු වැඩිදුරටත් පැවසීය.
