ජනාධිපතිවරයා මේ මොහොතේ හිතුවක්කාර ලෙස කටයුතු නොකර පාර්ලිමේන්තුව කැඳවීමට කටයුතු කළ යුතු බවත්, පාර්ලිමේන්තුව යනු විධායකය වග විය යුතු ආයතනය වන නිසා එය රැස්වීම අත්යවශ්ය බවත් ජනාධිපති නීතිඥ ආචාර්ය ජයම්පති වික්රමරත්න පවසයි.
පාර්ලිමේන්තු මැතිවරණය ජුනි 20 වැනිදාට නියම කිරීමෙන් පසුව ඇතිව තිබෙන තත්වය පිළිබඳව මතය විමසීමකදී අදහස් දක්වමින් ඔහු එසේ කීය.
ආචාර්ය ජයම්පති වික්රමරත්න වැඩිදුරටත් මෙසේ පැවසීය. ‘ආණ්ඩුක්රම ව්යවස්ථාවේ 70 ව්යවස්ථාව අනුව පාර්ලිමේන්තුව විසුරුවාහැරීමෙන් මාස තුනක කාලයක් ඇතුළත මැතිවරණයකින් තෝරා පත් කරගත් පාර්ලිමේන්තුව නැවත රැස්වෙන්න ඕනෑ. පාර්ලිමේන්තුව විසුරුවාහරින මොහොතේම නැවත පාර්ලිමේන්තුව රැුස්වන දිනයත් ජනාධිපතිවරයා නියම කරන්න ඕනෑ.
කෙසේ වෙතත් වසංගතය නිසා මාර්තු මාසයේදී මැතිවරණය දින නියමයක් නැතිව කල් දැමීමට සිදුව තිබුණා. එතැන් සිට අපේ්රල් 20 වැනිදා දක්වා පැවති තත්වය අනුව මැතිවරණ දිනයක් තිබුණේ නැහැ. ඒ අනුව ඒ මොහොතේ ගත හැකි විකල්ප පියවර දෙකක් තිබුණා.
පළමුවැන්න තමයි පාර්ලිමේන්තුව ආණ්ඩුක්රම ව්යවස්ථාවේ 70 (7* ව්යවස්ථාව අනුව හදිසි තත්වය යටතේ කැඳවන එක.
දෙවැන්න තමයි පාර්ලිමේන්තුව විසුරුවාහැරීමේ ප්රකාශය ජනාධිපතිවරයා ඉවත් කරගැනීම. එලෙස ඉවත් කරගැනීමෙන් සැප්තැම්බර් 01 වැනිදා දක්වා තිබුණු ධුර කාලය මේ පාර්ලිමේන්තුවට සම්පූර්ණ කරන්න පුළුවන්.
කෙසේ වෙතත් අපේ්රල් 20 වැනිදායින් පස්සේ තත්වය වෙනස්. දැන් මහමැතිවරණය සඳහා දින නියම කරලා තියෙනවා. ඒ අනුව පාර්ලිමේන්තුව විසුරුවාහැරීමේ නියෝගය ඉවත් කරගැනීමත්, ඉන්පස්සේ සැප්තැම්බර් 01 දක්වා පාර්ලිමේන්තුව පවත්වාගෙන යෑමත් ගැන කතාකළ නොහැකියි.
කෙසේ වෙතත් දැනටත් ලොකු ව්යවස්ථාමය අර්බුදයක් තියෙනවා. මාස 03කින් පසුව තමයි මහ මැතිවරණයෙන් තේරී පත්වෙන නව පාර්ලිමේන්තුවට රැුස්වෙන්න පුළුවන්. මෙම තත්වය අප බලාපොරොත්තු නොවූ තත්වයක්. නිශ්චිතවම මේ වගේ තත්වයක් ඇතිවේවි කියලා 1978 දී ආණ්ඩුක්රම ව්යවස්ථාව සකස් කරන විට බලාපොරොත්තු නොවන්නට ඇති. එහෙත් දැන් අපි මේ තත්වයට මුහුණදෙනවා.
මේ මොහොතේ පාර්ලිමේන්තුව නැතිව යමු කියලා නොයෙකුත් යෝජනා ඉදිරිපත් වෙන බවත් පේනවා. එවැනි කුමන අදහස් තිබුණත් පාර්ලිමේන්තුව කියන්නේ අත්යවශ්ය ආයතනයක්. විශේෂයෙන්ම පාර්ලිමේන්තුවට තමයි විධායකය වගවෙන්නේ.
ආණ්ඩුක්රම ව්යවස්ථාවේ 70(7) ව්යවස්ථාවට අනුව හදිසි තත්වයක් යටතේ පාර්ලිමේන්තුව රැස්කිරීමේ හැකියාව ජනාධිපතිවරයාට තියෙනවා. දැන් ජනාධිපතිවරයා විසුරුවාහරින ලද පාර්ලිමේන්තුව රැස් කළ යුතුයි.
එහෙත් විධායකය පාර්ලිමේන්තුවට වගවීමට කැමති නැති නිසා තමයි පාර්ලිමේන්තුව කැඳවන්නේ නැතිව ඉන්න උත්සාහ කරන්නේ. මෙය හිතුවක්කාර තීන්දුවක්. එහෙත් ජනාධිපතිවරයා හිතුවක්කාර නොවී පාර්ලිමේන්තුව කැඳවිය යුතුයි.
