පාර්ලිමේන්තුවෙන් මීට පෙර සම්මත කර ඇති අතුරු සම්මත ගිණුම පවතින අර්බුදයට සෑහෙන්නේ නැති බවත්, ඒ නිසා කාලයට ගැලපෙන පරිදි අතුරු සම්මත ගිණුමක් සම්මත කරගත යුතු බවත් හිටපු අග‍්‍රාමාත්‍ය, එජාප නායක රනිල් වික‍්‍රමසිංහ ප‍්‍රකාශ කරයි.
සිය ෆේස්බුක් නිල පිටුවෙන් වීඩියෝ මාධ්‍යයෙන් අපේ‍්‍රල් 06 වැනිදා ප‍්‍රකාශයක් නිකුත් කරමින් ඔහු ඒ බව පවසයි.
ඔහුගේ එම ප‍්‍රකාශයෙන් පාර්ලිමේන්තුව නැවත කැඳවන ලෙස ප‍්‍රකාශ නොකළ නමුත් අතුරු සම්මත ගිණුමක් සම්මත කරගැනීමට නම් පාර්ලිමේන්තුව නැවත රැුස්කළ යුතුය.
මේ අතර මහ බැංකුව දැනට ඉදිරිපත් කර ඇති ආර්ථික වැඩපිළිවෙළ ප‍්‍රමාණවත් නොවන බවද ඔහු පෙන්වාදී තිබේ.
හිටපු අගමැතිවරයාගේ සම්පුර්ණ ප‍්‍රකාශය මෙසේය.
‘මේ වගේ අවස්ථාවක අප අදට වඩා හෙට ගැන හිතා තීරණ ගන්න ඕනෑ. ඒ නිසා මම තවත් වැදගත් කරුණක් පිළිබඳ ඔබෙත් ආණ්ඩුවෙත් අවධානය යොමු කරන්ට කැමතියි. අද අප මෙය දකින්නේ සෞඛ්‍ය ගැටලූවක් ලෙසයි. නමුත් මේ නිසා නොබෝ දිනයකින් මුළු ලෝකයටම ආර්ථික අර්බුදයකට මුහුණදෙන්න සිද්ධ වෙනවා. දැනටමත් සමාජ දූරස්ථකරණය නිසා ආර්ථිකය දුවන්නේ අසීරුවෙන්. නිෂ්පාදනය, මිලදී ගැනීම, බෙදාහැරීම ආදී සියලූ කටයුතුවලට මෙම තත්වය බලපාලා තියෙනවා.
අපි අපේ රටේ තත්වය ගැන හිතමු. අපි විදේශ විනිමය ප‍්‍රධාන වශයෙන් උපයන ඇඟලූම් හා සංචාරක ක්ෂේත‍්‍ර දෙකම කඩා වැටිලා. ඒ නිසා අපේ විදේශ විනිමය සීයට 50කින් පමණ කඩා වැටෙනවා. ආර්ථිකය කඩා වැටීම නිසා රජයේ බදු ආදායම් පහළ වැටෙනවා. මේ නිසා රජයේ ආදායම් සීයට 50ක් පමණ පහළ වැටෙන්න පුළුවන්.
අපේ විදේශ ණය බොහොමයක් විදේශ බැඳුම්කර මත ලබාගත්ත ඒවා. ඒවායින් සහන ලබාගැනීමේ හැකියාවක් තියෙනවාද යන්න විශාල ප‍්‍රශ්නයක්. මුළු ලෝකයම මේ අර්බුදයේ ගිලී ඇති නිසා විදේශ ආධාර ලබාගැනීමත් ලේසි නෑ. තවත් පැත්තකින් ජනතාවගේ ආදායම් පිළිබඳ ගැටලූත් මතු වෙනවා. රජයේ හා සංස්ථා සේවකයින්ට, රජයේ විශ‍්‍රාමිකයන්ට හා සමෘද්ධිලාභීන්ට වැටුප් හා දීමනා ලැබෙනවා. නමුත් පුද්ගලික අංශයේ සේවකයන් හා ආයතන විශාල අර්බුදයකට මුහුණදෙමින් ඉන්නවා. සමහර ආයතනවලට පඩි ගෙවාගන්න ක‍්‍රමයක් නෑ. මේ මාසයේ පඩි ගෙව්වත් ඉදිරියේදි පඩි ගෙවන්න පුලූවන් වේවිද දන්නේ නැහැ.
මේ අතර එදිනෙදා වේල පිරිමසාගන්නා අය, ස්වයං රැකියා කරන අය ඉතා දුක්ඛිත තත්වයකට පත්වි ඇති බව අපි දන්නවා. කිසිදු පිළිසරණක් නැති අයට මාස දෙකක් සඳහා එක් මාසයකට රුපියල් පන්දාහක් බැගින් ගෙවීමට රජය තීරණය කර තිබෙනවා. කිසිදු දේශපාලන භේදයකින් තොරව සුදුස්සන්ට එම මුදල් ගෙවන ලෙස අප ඉල්ලා සිටිනවා. එවැනි පදනමක් දමාගැනීමෙන් පසුව මුදල් සංසරණය පිළිබඳ අලූත් සැලසුම් සකස් කරගැනීමට ආණ්ඩුවට පුළුවන්. එවැනි සැලසුමකදී අවධාරණය කළ යුතු ප‍්‍රධාන කරුණු කිහිපයක් මම පෙන්වාදෙන්නට කැමතියි.
දේශීය ආහාර නිෂ්පාදනය, විදේශීයෙන් ගෙන්වන ආහාර හා ඖෂධ බාධාවකින් තොරව ගෙන්වාගැනීම, ධීවර හා සත්ව නිෂ්පාදන සැපයුම් හා තේ කර්මාන්තය ඇතුළු කර්මාන්ත පවත්වාගෙන යෑම අනිවාර්ය කරුණක් වෙනවා. නමුත් මේ සියල්ල කළ යුත්තේ ඒ ක්ෂේත‍්‍රයන්ට සම්බන්ධ සියලූදෙනාම රෝගයෙන් ආරක්ෂා කරගැනීමට මූලිකත්වය දෙමිනුයි.
ඒ වගේම කඩාවැටී ඇති ඇඟලූම් සංචාරක ආදි ක්ෂේත‍්‍රවලට අදාළ ආයතන ඇතුළු ආයතන මෙම අර්බුදය අවසාන වන තෙක් ආරක්ෂා කරගැනීමත් ඔවුන් මුහුණදෙන ණය ගෙවීම ඇතුළු ගැටලූ ගැන අවධානය යොමුකර ඒවායින් කෙටි කාලයකට නිදහස් කර සහන ලබාදීම වැදගත්.
පුද්ගලික අංශයේ සේවක සේවිකාවන්ට ආධාර ලබාදිමේ වැඩපිළිවෙළවල් වෙනත් රටවල ක‍්‍රියාත්මක වෙනවා. ඒ පිළිබඳ රජයේ අවධානය යොමුවිය යුතුයි. අප අවධානය යොමුකළ යුතු අනෙක් ප‍්‍රධාන ක්ෂේත‍්‍රය වන්නේ බැංකු ක්ෂේත‍්‍රයයි. මේ ක්ෂේත‍්‍රය ආරක්ෂා කරගැනීම ඉතා වැදගත්. බැංකු ක‍්‍රමය කඩා නොවැටී පවත්වාගෙන යා යුතුයි. ඒවාට සම්බන්ධ සේවක සේවිකාවන් ආරක්ෂා කරගත යුත-යි.
ඒ නිසා වඩාත් පුළුල් හා විවෘත ඇසකින් මේ අර්බුදය දෙස බැලිය යුතු බවත් අදට වඩා හෙට ගැන සිතිය යුත- බවත් මම වගකිව යුතු පාර්ශ්වයන්ට පෙන්වාදෙන්න කැමතියි. ඒ නිසා ආර්ථිකය සම්බන්ධ යෝජනා කිහිපයක් මම ඔබ ඉදිරියේ තබනවා.
- සීමාසහිත ආදායම් නිසා කලින් සම්මත කළ අතුරු සම්මත ගිණුම මේ අර්බුදයට සෑහෙන්නේ නැහැ. ඒ නිසා කාලයට ගැළපෙන පරිදි අතුරු සම්මත ගිණුම සම්මත කළ යුතු වෙනවා.
- ජාත්‍යන්තර මූල්‍ය අරමුදල සිය සැලසුම් අපේ‍්‍රල් මාසයේ මැදදී ප‍්‍රකාශයට පත්කිරීමට නියමිතයි. මෙහිදී අපට උපරිම සහයෝගයක් ලබාගත හැකි පසුබිමක් අප සකස් කරගත යුතුයි
- පවත්නා තත්වයත් ඉදිරියේදී මුහුණදිය හැකි තත්වයත් අරමුණු කරගෙන මා ඉහත කී ක්ෂේත‍්‍ර ආවරණය වෙන පරිදි පොදු ආර්ථික සැලැස්මක් සකස් කළ යුතුයි.
මා මේ කරුණු පෙන්වාදෙන්නේ දැනට මහ බැංකුවෙන් පෙන්වාදී ඇති පියවර ප‍්‍රමාණවත් නොවන නිසයි. ඒ නිසා ප‍්‍රමාණවත් පියවර ගන්නා ලෙසත් ඒ පිළිබඳ ජනතාව දැනුවත් කරන ලෙසත් මම ආණ්ඩුවෙන් ඉල්ලා සිටිනවා.
කොරෝනා වෛරසයෙන් පීඩාවට පත් ජනතාවට ආර්ථික වෛරසයෙන් පීඩා විඳින්නට ඉඩදිය යුතු නැති බව මම අදාළ පාර්ශ්වයන්ට කාරුණිකව පෙන්වාදෙන්න කැමතියි.
