ඇමෙරිකා එක්සත් ජනපදයේ ජනතාවට ඉදිරි සතිය අසීරුම සහ කනගාටුදායකම සතිය වනු ඇතැයි ඇමෙරිකානු ශල්‍ය වෛද්‍ය ජෙනරාල් ජෙරම් ඇඩම්ස් එන්.බී.සී. පුවත් ආයතනය සමඟ සම්මුඛ සාකච්ඡුාවකදී ප‍්‍රකාශ කර තිබේ.
ඇමෙරිකාවේ සියලූ ප‍්‍රදේශවලින් විශාල මරණ ප‍්‍රමාණයන් වාර්තා වනු ඇතැයි ඔහු අනුමාන කර තිබේ.
එම සතිය 1941 දී දෙවැනි ලෝක යුද්ධයට ඇමෙරිකාව මැදිහත් වීමට හේතු වූ පර්ල් වරායට පහරදුන් මොහොත හා මැද පෙරදිග යුද්ධ ගණනාවකට මැදි වීමට හේතු වූ 2001 සැප්තැම්බර් 11 ත‍්‍රස්ත ප‍්‍රහාරය යන ඇමෙරිකානු නූතන ඉතිහාසයේ භයානකම අවස්ථා දෙකට ඔහු සමාන කර තිබේ.
ශල්‍ය වෛද්‍ය ජෙනරාල් යනු ඇමෙරිකා එක්සත් ජනපදයේ පොදු සෞඛ්‍ය සේවා පිළිබඳ බලකායේ ප‍්‍රධානියාය. එය ඇමෙරිකා එක්සත් ජනපදයේ පොදු සෞඛ්‍ය සේවය නම් සෞඛ්‍ය පිළිබඳ ප‍්‍රධාන ආයතනයේ ඇති ආයතනයකි.
ෆොක්ස් නිව්ස් ආයතනය සමඟද ඒ පිළිබඳව ශල්‍ය වෛද්‍ය ජෙනරාල්වරයා අදහස් දක්වා තිබුණි. වසංගතය සම්පූර්ණයෙන්ම දේශීයකරණය වනු ඇති බවත්, උච්චස්ථානයකට පත්වනු ඇති බවත් කියා තිබේ. කෙසේ වෙතත් එය අවසානයේදී ආලෝකයක් දකින්නට හැකිවනු ඇති බවද ඔහු පෙන්වාදී ඇත.
මේ අතර ඇමෙරිකාවේ වසංගත රෝග පිළිබඳව ඉහළම විශේෂඥයා ලෙස සැලකෙන වෛද්‍ය ඇන්තනි ෆවුචිද ප‍්‍රකාශ කර ඇත්තේ එළැඹෙන සතියේදී ඇමෙරිකාව කොවිඞ්-19 නිසා භයානකම අත්දැකීමට මුහුණදෙනු ඇති බවයි.
ඇමෙරිකානු ජනාධිපති ඩොනල්ඞ් ට‍්‍රම්ප් පවා මාර්තු-05 වැනිදා කරුණු සමාලෝචනය සඳහා පැවති මාධ්‍ය සාකච්ඡුාවේදී ඉදිරි සතියෙහි භයානක බව ප‍්‍රකාශ කර තිබේ.
අපේ‍්‍රල් 05 වැනිදා වන විට ඇමෙරිකා එක්සත් ජනපදයෙහි කොවිඞ්-19 නිසා සිදුවූ මරණ සංඛ්‍යාව 9626ක් වන අතර තහවුරු වූ රෝගීන් සංඛ්‍යාව 336,958ක් විය.
අනුරංග ජයසිංහ
