පාඨලී චම්පික රණවක
සමගි ජන බලවේගයේ ගොඩනැඟීම ගැන කතාකරමු.
1948 ඉඳලා 1994 දක්වා අවුරුදු 46න් අවුරුදු 32ක් රට පාලනය කළේ එක්සත් ජාතික පක්ෂය. අන්න ඒ එක්සත් ජාතික පක්ෂය ගැන තමයි, ප්‍රෞඪ ඉතිහාසයක් තියෙන ලංකාවේ විශාලතම දේශපාලන ව්‍යාපාරය ආදි විදියට කතාකරන්නේ. 1994න් පස්සේ ඊළඟ තීරණාත්මක ජනාධිපතිවරණය තියෙන්නේ 2024. අවුරුදු 30ක්. පරම්පරාවක්. මේ කාලය ඇතුළත එක්සත් ජාතික පක්ෂය තමන්ගේ නමින් සහ නායකත්වයෙන් එක වරක්වත් ජනාධිපතිවරණයට ඇවිත් නැහැ. අද එක්සත් ජාතික පක්ෂය කියන්නේ ලක්ෂ 25ක පමණ ස්ථාවර ඡුන්ද පදනමක් තිබෙන දේශපාලන ව්‍යාපාරයකට මිසක් අර පරණ දැවැන්ත දේශපාලන ව්‍යාපාරයට නෙවෙයි. දේශපාලන පක්ෂයකට ස්ථාවරව පැවතීම සඳහා දේශපාලන බලය ලබාගැනීම අවශ්‍යයි. ඒකට දැන් අලූත් නායකයෙක්, අලූත් බලාපොරොත්තුවක් පාක්ෂිකයා ඉල්ලනවා.
ජේආර් ජයවර්ධන 1975දී කළා වගේ පක්ෂ අභ්‍යන්තරයේ පරිවර්තනයක් මගින් ඒ බලාපොරොත්තුව ඉටු කරන්න පුළුවන්. එහෙම නැතිනම් පරදින ශ‍්‍රීලනිපයට චන්ද්‍රිකා කුමාරතුංග කළා වගේ, සන්ධානයක් හරහා බලය වෙත යන්න පුළුවන්. ඒ නිසා පරණ අතීතය ගැන වර්ණනා කරමින් ඉන්න කාලයක් නෑ. ලංකාවේ පැරණි ව්‍යාපාරිකයන්ගේ පක්ෂය කියලා තමයි එජාපයට කිව්වේ. අද ව්‍යාපාරික ප‍්‍රජාව, වෘත්තීයවේදීන්, සිංහලයන් එකතුකළ හැකි පක්ෂය එජාපය කිව්වාට අද එහෙම නෑ. මේ ත්ත්වය තුළ තමයි පක්ෂය ප‍්‍රතිසංවිධානය පිළිබඳ සාකච්ඡුාව පක්ෂ අභ්‍යන්තරයෙන් ආවේ. නමුත් ඒ බලාපොරොත්තු වුණ ප‍්‍රතිසංස්කරණය කරන්න ජයවර්ධන මහත්තයා ඉදිරිපත් වුණා වගේ රනිල් වික‍්‍රමසිංහ මහත්තයා ඉදිරිපත් වුණේ නෑ. ඒ වෙනුවට පක්ෂයේ නායකත්වයේ සිටිය යුතුයි කියන තැන සිටියා. ඒක ඇතුළේ තිබුණ විකල්පය, සන්ධානය පමණයි. සන්ධානය කියන්නේ අලූත් දෙයක් නෙවෙයි. ඒක අවුරුදු දෙකක් තිස්සේ ඉස්සරහට ආපු ක‍්‍රියාවලියක්. විවිධ අවස්ථාවල කතාවුණ දෙයක්. ඒ තත්ත්වය ඇතුළේ සන්ධානය පිහිටෙව්වා.
රනිල් වික‍්‍රමසිංහ මහතාගෙන් සජිත් පේ‍්‍රමදාස මහතාට එජාපයේ නායකත්වය හුවමාරු නොවෙන්නේ පන්තිය පිළිබඳ ප‍්‍රශ්නයක් නිසා කියලා බොහෝ දෙනෙක් කියනවා.
සජිත් පේ‍්‍රමදාස කියන්නේ කොළඹ හතේ ඉපදුණ, රාජකීය, ශාන්ත තෝමස් විද්‍යාලවලට ගිය, ජනාධිපතිවරයෙක්ගේ පුතෙක්. එනිසා මෙතන පන්ති ගැටලූවක් නැහැ. නමුත් මේ රටේ ඉතිහාසය පුරාම තිබුණ දෙයක් තමයි එකම සමාජ කණ්ඩායමක්, වංශක්කාර සිතුවිලිවලියක් හරහා ක‍්‍රියාත්මක වීම. ඔය වංශක්කාර සිතුවිලිවලිය නිසා තමයි ඞීබී ජයතිලකට පළවෙනි අගමැතිකම නොලැබෙන්නේ. සීපී ද සිල්වාට ශ‍්‍රිලනිපයෙන් අගමැතිකම නොලැබෙන්නේ. මෛත‍්‍රීපාල සේනානායකට ශ‍්‍රීලනිපයේ නායකත්වය නොලැබෙන්නේ. ඒ වගේම රණසිංහ පේ‍්‍රමදාසට එජාප නායකත්වය ලැබෙන්න ගිය වෙලාවේ පක්ෂය තුළ ගොඩනැගෙන ගැටුම. මේවාට හේතු වුණේ මේ වංශක්කාර සිතුවිලිවලිය. මහින්ද රාජපක්ෂට පවා ශ‍්‍රීලනිපයේ නායකත්වය දෙන්නේ නොදී බැරිකමට. මහින්ද තමන්ට එරෙහිවූ මේ සමාජ බලවේගය අහෝසිකරනවා වෙනුවට මුග්ධ විදියට ඒක තමන්ගේ පවුල්වාදය සඳහා භාවිත කළා. පේ‍්‍රමදාස මහත්තයාට ජීවතුන් අතර සිටියා නම් ඒකට විරුද්ධව සටන් කරන්න ලැබෙයි. නමුත් ඔහු සිටිය කාලයේ සබුද්ධිකව නෙවෙයි ඒ ප‍්‍රශ්නයට පිළිතුරු දුන්නේ. ඔහු මේ කණ්ඩායම සමග හැප්පුණේ හිතේ වේගයට.
එක්සත් ජාතික පක්ෂය වටා එකතුවෙලා ඉන්න වාමාංශිකයෝ, සිවිල් ක‍්‍රියාකාරිකයින් කියන දෙයක් තමයි මේ පක්ෂය සජිත්ට ගියොත්, එජාපයත් ජාතිවාදී වෙයි කියන දේ.
මේ රටේ වාමාංශිකයෝ වමේ පදනම මොකද්ද කියන එක ඉගෙනගන්න ඕනෑ. වමේ පදනම තමයි ආර්ථිකය මූලික කරගෙන සමාජය ගොඩනැගෙනවා කියන කාල් මාක්ස්ගේ න්‍යාය. අද මෙයාලා එකතුවෙලා තියෙන්නේ නව ලිබරල්වාදී ආර්ථික ප‍්‍රතිපත්තියක් පිළිගන්න නායකයෙක් එක්ක. සජිත් පේ‍්‍රමදාස නව ලිබරල්වාදී ආර්ථික ප‍්‍රතිපත්ති පිළිගන්නේ නෑ. නව ලිබරල්වාදය අද වෙනකොට බටහිර ලෝකයේ පරාජයට පත්වුණ චින්තනයක්. මේ වාමාංශිකයෝ පහුගිය කාලයේ සුළු ජාතික අයිතිය කියන කාරණය මත පදනම් වෙලා ඒ මත ක‍්‍රියාත්මක වුණ පිරිසක්. ඇත්තටම ඒක එල්ටීටීඊ සංවිධානයේ යුදමය පරාජය සමග පරාජයට පත්වුණා. මේ තත්ත්වය ඇතුළේ තමයි එජාපය විකෘති වුණේ. මොකද්ද එජාපයේ තියෙන විකෘතිය? එජාපය කියන්නේ සාම්ප‍්‍රදායික කොන්සර්වැටිව් පක්ෂයක්. සාම්ප‍්‍රදායික කොන්සර්වැටිව්වරු ජාතිකවාදීයි. ඔවුන් වෙළඳපොළ ක‍්‍රමය තමයි විශ්වාසය කළේ. ඔවුන් සාම්ප‍්‍රදායික සංස්කෘතික ප‍්‍රවාහයන් විශ්වාස කළා. එජාපයේ ආර්ථික කඳ දක්ෂිණාංශිකයි, දේශපාලන ඔළුව වාමාංශිකයි. මේක තමයි එජාපයේ තියෙන විසංවාදය. මට පෙනෙන විඳිහට මෑත කාලයේ වමට තිබෙන හොඳම උදාහරණය ලෙනින්වත් පිඩෙල් කැස්ත්‍රෝවත් නෙවෙයි. නවදිල්ලියේ අරවින්ද් කෙජ්රිවාල්.
එක්සත් ජාතික පක්ෂයේ ඔබ ඔය කියන විකෘතිය ඇතිවෙන්න රනිල් වික‍්‍රමසිංහගේ දේශපාලන දැක්මත් හේතුවුණා නේද?
රනිල් වික‍්‍රමසිංහ අනෙකුත් සාම්ප‍්‍රදායික දේශපාලකයන් වගේ නෙවෙයි, ඔහු දේශපාලන දර්ශනවාද, ආර්ථික දර්ශනවාද, ලෝක ඉතිහාසය, මෙවැනි කාරණා පිළිබඳව දැනුවත්භාවයකින් යුක්තයි. නමුත් ඔහු දේශපාලන පක්ෂයක් ගොඩනැඟීම පිළිබඳව, බලය ලබා ගැනීමට අරගල කිරීම සහ බලය ලබාගැනීම, එම බලය පවත්වාගෙන යෑම, ආණ්ඩුකරණය කියන අංශවලදී අතිශයින්ම අසාර්ථකයි. බලය ලබාගැනීමේදීත් ඔහු අරගල කළේ නෑ. ඔහු ඒකටත් දේශපාලන සටකපටභාවය තමයි උපයෝගි කරගත්තේ. මේ තත්ත්වය තුළ එජාපයට තිබුණ සිංහල බෞද්ධ මධ්‍යම පන්තික ඡුන්ද පදනම නැතිවෙලා. ව්‍යාපාරික ප‍්‍රජාව අතර එජාපයට තිබුණ පදනම නැතිවෙලා.
රාජපක්ෂවරුන්ට මේ රටේ ආර්ථිකය, සමාජය ගොඩගන්න බෑ, දේශපාලනය ගොඩගන්න බෑ, අන්තර්ජාතිකව ඇතිවෙලා තිබෙන ප‍්‍රශ්නවලට ඔවුන්ට විසඳුම් නෑ. ඒක ගෝඨාභය රාජපක්ගේ ගත්වූ දින සීයෙන් ඔප්පුවෙලා ඉවරයි. ඉතිං මේ තත්ත්වය ඇතුළේ රට මහත්වූ ව්‍යසනයකට ගමන් කරමින් තිබෙනවා. එනිසා වහාම මේ රටට නව දේශපාලන ගමනක් අවශ්‍යයි. ඒකට එජාප පාක්ෂිකයෝ විතරක් නෙවෙයි, වාමාංශිකයෝ, සිවිල් ක‍්‍රියාකාරිකයන් මේ හැමදෙනා එකතුවුණ, මේ හැම දේශපාලන ව්‍යාපාරයකම සාරය උකහා ගත්ත, නමුත් සංගත දේශපාලන ව්‍යාපාරයක් තමයි, දැන් මේ රට ඉල්ලා සිටින්නේ.
නායකයන් නිසි කාලයේදී බලයෙන් බැස යන්න ඕනෑ කියන දේශපාලන සංස්කෘතිය ලංකාවට නෑ. සිරිමාවෝ බලයෙන් බැහැලා ගියේ රෝද පුටුවට ආවාට පස්සේ. චන්ද්‍රිකා අද වෙනකම් බලයෙන් බැහැලා යන්න සූදානම් නෑ. රනිල් බලයෙන් බහින්න කල්පනාවක් නෑ. මහින්ද බලයෙන් බහින්න හිතලාවත් නෑ. ඔහුට තමන්ගේ සොහොයුරාටවත් මේක දීලා යනවා කියන සිතුවිල්ල නෑ. මෙන්න මේ තත්ත්වය නිසා ප‍්‍රජාතන්ත‍්‍රවාදීව පක්ෂ සුද්දවෙලා අලූත් නායකයෝ ඇතිවෙලා, මේ ගමන අලූත් වෙන්නේ නෑ ලංකාවේ.
සමගි ජන බලවේගය පසුගියදා පිහිටෙව්වා. මේ සමග ආ සංඥාව තමයි එජාපය දෙකඩ වුණා කියන දේ. නැවතත් එජාපයේ මේ පාර්ශ්ව දෙක එකතු කරන්න ඕනෑ, අලියා ලකුණින් තරග කරන්න ඕනෑ, කියන සංවාදය කරළියට ඇවිත් තිබෙනවා. මෙවර කරු ජයසූරිය එජාපයේ නායකයා විදියට පත්කරන්න රනිල් වික‍්‍රමසිංහ එකඟවුණා කියන තැනින් තමයි මේ සංවාදය ආරම්භ වෙලා තියෙන්නේ..
දැනට අපේ එහෙම එකඟතාවක් සඳහා හෝ අලියා ලකුණින් තරග කිරීම පිළිබඳ සාකච්ඡුාවක් හෝ නෑ. එජාපයට ඕනෑම තීරණයක් ගන්න පුළුවන්. ඒ සඳහා සාකච්ඡුා කරන්නත් පුළුවන්. හැබැයි මේ දේ කිවයුතුයි. කරු ජයසූරිය මහත්තයා පක්ෂයේ නායකයා කරන්න ඕනෑ කිව්වාම අපි ඒකට එකඟ වුණා. එකඟ වෙලා එජාපය පුළුල් කිරීමේ ඒ වැඩපිළිවෙළට අපි අපේ පූර්ණ සහාය දෙනවා කියලා කිව්වා. අන්තිමට මොකද වුණේ? අන්තිමට කරු ජයසූරිය මහත්තයාට නායකත්වය දුන්නේ නෑ. මේ සේරම දැන් අවුරුදු 15ක් විතර ඉඳලා එනවා, යනවා පන්නයේ සාකච්ඡුා. නායකත්ව මණ්ඩලත් ආවානේ. මේ කිසි දෙයක අලූත්භාවයක් නෑ. ඒ නිසා දැන් ආයිත් සාකච්ඡුාවක් යනවා නම් අපි ඔවුන්ට කියන්නේ ආයි කොළේ වහලා ගහන්න බෑ. කරු ජයසූරිය මහත්තයාට නායකත්වය සමග ඒ සියලූ බලතල දෙනවා නම් ඒ දෙන්නේ කොහොමද කියන එක, සජිත් පේ‍්‍රමදාස මහතාට මේ මැතිවරණය මෙහෙයවන්න සම්පූර්ණ බලය දෙන්නේ කොහොමද, ඔහු අගමැති අපේක්ෂකයා වෙනවාද, කවුද මහා ලේකම්වරයා වෙන්නේ, මේවා නිශ්චිතව පෙන්වන්න. එජාපය ඇතුළේ පුළුල් ප‍්‍රතිසංස්කරණයකට ඉඩකඩ තියෙනවා කියලා පෙනෙනවා නම්, 2015 ජනවරම පාවලා දුන්න දේශපාලන ඞීල්කාරයෝ මෙතැන නැහැ කියලා පෙනෙනවා නම්, ඒ ගැන සලකා බලන්න අපි ලෑස්තියි.
එජාපය වෙන්වෙලා මේ මැතිවරණයට ගියොත් ඇතිවිය හැකි ප‍්‍රතිඵලය ගැන ඔබට තිබෙන තක්සේරුව මොකද්ද ?
මට නම් මෙතැන වැදගත් වෙන්වෙලා තරග කරනවාද, එකතුවෙලා තරග කරනවාද කියන එක නෙවෙයි, අපි අලූත් වෙනවාද, අලූත් දේශපාලන ගමනක් ආරම්භ කරනවාද කියන එකයි. මහින්ද රාජපක්ෂ- ගෝඨාභය රාජපක්ෂ කට්ටුව එක්ක සහයෝගනීය ආණ්ඩුවක් කරන්න එජාපයක් අවශ්‍ය නෑ. ඒකයි ඇත්ත. ගෝඨාභය රාජපක්ෂ ඡුන්දයෙන් දිනපු ගමන් භාරකාර ආණ්ඩුව එජාපයට තියාගෙන පාර්ලිමේන්තුව විසුරුවා හැර මැතිවරණයකට යෑමේ සූදානමක් එජාපයට තිබුණා, ඒක ආවේ කොහෙන්ද? ඊළඟට එජාපයයි පොහොට්ටුවයි එකතුවෙලා ආණ්ඩුවක් පිහිටුවීමේ උත්සාහයක් තිබුණා, ඒවා එහෙම වුණේ කොහොමද? එවැනි උත්සාහයන් දැරූ අය තමයි ගෝඨාභයගේ දිවුරුම් දීමට ගියේ. තවදුරටත් එහෙම සෙල්ලම් කරන්න බෑ. දැන් මේ රටේ ජනතාව ඉන්නේ දුකෙන් සහ කේන්තියෙන්.
අලියා ලකුණ විශාල ප‍්‍රශ්නයක් කරගෙන තිබෙනවා. ඇත්තටම අලියා ලකුණ නැතුව එජාපයට දිනන්න බැරිද?
අලියා ලකුණ ඕනෑ නෑ කියලා එජාපයම සිය මෑත ඉතිහාසයේ පෙන්නලා තියෙනවා. පසුගිය ජනාධිපතිවරණ තුනකටම එජාපය තරග කළේ හංසයා ලකුණින්. ඔය ලකුණ පිළිබඳ කාරණයේ තියෙන්නේ, ලකුණ පෙන්නලා කොහොමද තමන්ගේ බලය ආධිපත්‍යය නාමයෝජනා ලැයිස්තු හදනකොට පාවිච්චි කරන්නේ කියන එක විතරයි. ඕක ඕනෑ වෙන්නේ නායකයාට, නාමයෝජනා දෙනකොට, ජාතික ලැයිස්තු නම් කරනකොට තමන්ගේ බලාධිපත්‍යය පවත්වාගෙන යන්න. තමන්ගේ සුරතලූන් හා ඥාතීන් වෙනුවෙන් තමයි මේ ලකුණක් අල්ලාගෙන සටන් කරන්නේ. කුසලතාවාදයට, නිපුණතාවයට තැන දීමට අපි ගන්න උත්සාහයට විරුද්ධව තමයි මේ ලකුණක් අල්ලාගෙන කෑගහන්නේ. ලකුණට ඔච්චර ආදරේ නම් කරන්න තිබුණේ කරු ජයසූරිය මහත්තයාට නායකත්වය ලබාදීලා බලගතු ප‍්‍රතිසංස්කරණයකට තිබුණ ඉඩ ප‍්‍රයෝජනයට ගන්න එක. එතකොට නමත් රැකෙනවා, පක්ෂයත් රැකෙනවා.
වර්තමාන ආණ්ඩුවේ පසුගිය දින 100 අසාර්ථකයි. මේ තත්ත්වය තුළ මේ මැතිවරණයෙන් විපක්ෂයට ජයග‍්‍රහණය කිරීමේ යම් විභවයක් තියෙනවාද?
පසුගිය ජනාධිපතිවරණය ගත්තොත් ඒ ඡන්ද ලක්ෂ 69 අස්සේ ඡුන්ද ලක්ෂ 25ක් අතර ෆැසිස්ට් මාධ්‍ය කිහිපයක් විසින් රටේ මහා ජාතිය මත තමන්ගේ අනන්‍යතාව නැතිවෙයි කියලා ඇතිකළ බිය නිසා ඡුන්දය දුන් අය, 2015දී අපිට ඡන්දය දීලා ජනාධිපති සහ අගමැති අතර කඹ ඇදීම නිසා එපාවීම මත ඡුන්දය දුන්න අය, ඒ වාගේම බැඳුම්කර වංචාව නිසා අපිට ඡන්දය දීලා කේන්තියෙන් හිටිය අය, ඉන්නවා. ගාල්ල, කළුතර, කුරුණෑගල, කොළඹ සහ ගම්පහ දිස්ත‍්‍රික්ක පහේ රටේ සමස්ත ඡුන්ද ප‍්‍රමාණයෙන් 50%ක් තියෙනවා. එතකොට මේ කියන දිස්ත‍්‍රික්ක පහේ මම ඔය කියන ඡන්දවලින් 70%ක් තිබුණා. මේ ජනතාව අද කලකිරීමෙන් ඉන්නේ. මෙන්න මේ ජනතාවට කතාකරන්න මේ අලූත් සන්ධානයට පුළුවන් නම්, අපිට මේ ඡුන්දයෙන් හොඳ ප‍්‍රතිඵලයක් ගන්න අමාරු නෑ.
මේ වෙනකොට ඡන්දයට ඉදිරිපත්වෙන පුද්ගලයන් ගැන විශාල කතාබහක් සමාජය තුළ ඇතිව තිබෙනවා. පොහොට්ටුව පැත්තෙන් ඉදිරිපත් වෙනවායි කියන නළුනිළියන් වගේ අය ගැන සමාජ අප‍්‍රසාදයකින් තමයි කතාකරන්නේ. මේ තත්ත්වය තුළ සමගි ජන බලවේගයේ නාමයෝජනා ලැයිස්තු කොහොම වෙයිද?
සජිත් පේ‍්‍රමදාස මහතාගේ ප‍්‍රධාන තේමාව තමයි කුසලතාවාදය. කුසලතාවට නිපුණතාවට තැන දීම. ඉතිහාසයේ රාජ්‍යයන්ගේ තිබුණ මේ වංශක්කාරකම වෙනස් කළේ ජින්ගිස් කාන්. ඔහුගේ කාන් අධිරාජ්‍යයේ තිබුණේ වංශක්කාරකම නෙවෙයි කුසලතාව. ලංකාවේ දේශපාලනයේත් වැඩවසම්වාදය, රදලවාදය තුරන් කරන්න අවශ්‍ය දේවල් අපි ඉදිරියේදී කරනවා. ජේවීපී කැරලි, එල්ටීටීඊ සංවිධානය ඇතිවීම මේ හැමදෙයක්ම වුණේ කුසලතාවට තැන අහිමි කිරීම නිසා. කුසලතාවට තැන දෙනවා කියන්නේ සමාජ විප්ලවයක් සඳහා පෙරමුණ ගැනීම. අපි ඒක කරනවා. ඒ නිසා අපේ ලැයිස්තු ගැන සැකසංකා තබාගැනීම අවශ්‍ය නෑ. හොඳම පුද්ගලයා ලැයිස්තුවේ ඉඳියි.
රට මිලිටරිකරණ අනතුරක තිබෙනවා. මේ තත්ත්වය තුළ එජාපය දෙකඩ වීම මේ මිලිටරිවාදයට රුකුලක් කියලා බොහෝ දෙනෙක් කියනවා..
මම ඒ කියන අයගෙන් අහන්න කැමතියි රනිල් වික‍්‍රමසිංහගෙන් අගමැති ධුරය උදුරගත්ත වෙලාවේ සටනට කවුද හිටියේ කියලා. ඔය කට්ටිය හිටියේ මෛත‍්‍රීපාල මහත්තයා එක්ක ඞීල් දාගෙන. අපි සටන දියත් කරලා ටික දුරක් යනකොට තමයි එක එක දේවල් කියාගෙන ආවේ. ඒ නිසා කියන්න කැමතියි ඞීල් නැතුව සටන් කරන්න විභවය තියෙන්නේ සමගි ජන බලවේගය ඇතුළේ විතරයි. ගෝඨාභය රාජපක්ෂගේ මේ කෙරුවාවේ තියෙන භයානකම දේ තමයි පකිස්තානයේ වුණා වගේ හමුදාව කුමන්ත‍්‍රණයකින් බලය ගන්න පුළුවන්.x
