නිසාම් කාරියප්පර්
මුස්ලිම් කොංග‍්‍රසයේ ලේකම්
මුස්ලිම් කොංග‍්‍රසය මඩකළපුව, මන්නාරම ආදි දිස්ත‍්‍රික්කවලට තනිවම තරග කරනවාද?
බොහෝ විට අපි ජාතික මට්ටමෙන් සජිත් පේ‍්‍රමදාස මහතාගේ නායකත්වයෙන් සැදුණු සන්ධානයෙන් තරඟ කරන්න බලාපොරොත්තු වෙනවා. එහෙත් ඔබ කීවා වගේ ඔවුන්ගේ එකගතාව මත යම් යම් ප‍්‍රදේශවල තනිවම තරඟ කරන්නත් සිද්ධවෙනවා. ඒ ඒ ආසනවල දිස්ති‍්‍රක්කවල තිබෙන අවශතාවන් මත තරග කරන්නේ කෙසේද කියලා අපි තීරණය කරනවා. තවමත් තීරණයක් ගත්තේ නැහැ.
මීට කලින් සුළුතර ජනවර්ගවලට අයත් පක්ෂ එකතු වී වෙනම තරග කරන්නට යෝජනාවක් තිබුණා නේද?
අපේ පක්ෂයේ නායක රවුෆ් හකීම් ඒ වගේ ප‍්‍රකාශයක් කළ බව මාධ්‍යවල පළවෙලා තිබුණා. ඒ ප‍්‍රකාශය හකීම් මහත්මයා මැතිවරණය ගැන අදහස් කරලා කරපු ප‍්‍රකාශයක් නෙවෙයි. ඔහු කීවේ රටේ නැවතත් ප‍්‍රජාතන්ත‍්‍රවාදී විරෝධී ක‍්‍රියාවන් සිදුකරන්නට සැලසුම් ඇතැයි ඉගි තිබුණු නිසා ඒ සම්බන්ධයෙන් ජනතා විමුක්ති පෙරමුණ, දෙමළ සන්ධානය හා සිවිල් සමාජ ක‍්‍රියාකාරීන් එක්ව ඒකාබද්ධ වේදිකාවක් නිර්මාණය කරන්න ඕනෑ බව. ප‍්‍රජාතන්ත‍්‍රවාදයට එකඟ වන පුළුල් බලවේගයක අවශ්‍යතාව ගැනයි එහිදී ඉස්මතු කළේ. ප‍්‍රජාතන්ත‍්‍රවාදයට එරෙහිව යන බලවේගවලට විරුද්ධව කටයුතු කරන්නට ඒ වේදිකාව මගින් පුළුවන්. මැතිවරණවලට එක්ව තරග කරන්නේ නැති බලවේගවලට, ප්රජාතන්ත්රවාදය වෙනුවෙන් ජාතික මට්ටමෙන් එක්ව කටයුතු කරන්නට එය අවස්ථාවක් වෙනවා.
රිෂාඞ් බදියුදීන් ඇමතිවරයාගේ පක්ෂය සමඟ ඉදිරි මැතිරණය ආදි කටයුතු ගැන සාකච්ඡුා කළ බව වාර්තා වුණා..
රිෂාඞ් බදියුදීන් අමාත්‍යවරයා සමඟ නායකත්ව මට්ටමෙන් අපි කිසිදු සාකච්ඡුාවකට ගියේ නැහැ. නමුත් රිෂාඞ් බදියුදීන් මහතා සහ මුස්ලිම් කොංග‍්‍රසය එකතු වී සමගි ජන බලවේගය නම් සන්ධානය පිළිබඳව සාකච්ඡුා කළා. අපේ පක්ෂ දෙකම දැනට බලාපොරොත්තුවන්නේ එම සන්ධානය යටතේ ඉදිරි මැතිවරණයේදී තරඟ කරන්න. ඇතැම් ප‍්‍රදේශවල සිටින රිෂාඞ් බදියුදීන් මහතාගේ පක්ෂයේ ප‍්‍රාදේශීය නායකයන් සමහර දිස්ත‍්‍රික්කවල අපේ පක්ෂ දෙක එක්ව, වෙනම තරග කළ යුතු බව ඉල්ලලා තියෙනවා. ඒ සදහා සාකච්ඡුාවක් පාක්ෂිකයන් හා ප‍්‍රාදේශීය නායකයන් අතරේ තියෙනවා. එහෙත් ජාතික මට්ටමේ නායකයන් තවම ඒ ගැන සාකච්ඡුා කරලා නැහැ.
මුස්ලිම් කොංග‍්‍රසයේ නායකයන් පෙබරවාරි 04 වෙනිදා නිදහස් දින උත්සවයට සහභාගි නොවුණේ ඇයි?
නිල වශයෙන් නම් අපේ පක්ෂ නායකත්වය කිසිම විරෝධතාවක් මාධ්‍යවලට ප‍්‍රකාශ කළේ නැහැ. නමුත් ජාතික ගීය දෙමළෙන් ගායනා නොකිරීම සම්බන්ධයෙන් අපිට ලොකු කලකිරීමක් තිබුණා. ඒ කලකිරීම පක්ෂයටත් නායකත්වයටත් එක හා සමානව තියෙනවා. උතුරු නැගෙනහිර පළාතේ සිටින මුස්ලිම් ජනතාව වෙනුවෙන් පෙනී සිටින පක්ෂයක් විධියට ඒ පළාත්වල අපේ ජනතාව දෙමළෙන් තමයි ජාතික ගීය ගායනා කරන්නේ. ඒ නිසා අපට වේදනාවක් තියෙනවා. නමුත් ඒ හේතුව නිසාම නිදහස් උත්සවය වර්ජනය කළා කියලා අපේ පක්ෂය කිසිම නිවේදනයක් නිකුත් කළේ නැහැ. මටත් නිදහස් දිනයට සහභාගි නොවීම ගැන නිල වශයෙන් කිසිවක් කියන්න බැහැ.
සායින්දමරුදු සිද්ධිය සම්බන්ධයෙන් අදහස මොකක්ද?
සායින්දමරුදුවලට වෙනම පළාත් පාලන ආයතනයක් පිළිබඳව දීර්ඝකාලීන ඉල්ලීමක් තිබුණා. ශී‍්‍ර ලංකා මුස්ලිම් කොංග‍්‍රසය පසුගිය රජයේ සාමාජික පක්ෂයක් ලෙස සිටිය කාලෙත් අපි ඒ පිළිබඳව දිගින් දිගටම සාකච්ඡුා කළා. අපි ඒ පිළිබඳව සමීක්ෂණයක් පවා සිදු කළා. ඒ ප‍්‍රදේශයේ හිටපු දෙමළ ජනතාවත් ඔවුන්ට වෙනම ප‍්‍රාදේශීය ලේකම් කාර්යාලයක් ඉල්ලූවා. ඒ නිසා අපි ඒ සම්බන්ධයෙන් අපි සජිත් පේ‍්‍රමදාස මහතා සමග සාකච්ඡුා කළා. ඔහු කීවේ ජනාධිපතිවරණයෙන් පසුව ඒ පළාත්වල සිටින ජනතාව හමුවෙලා සියලූ දෙනාටම එකඟ විය ආකාරයේ විසදුමක් සොයා ගන්න කටයුතු කරමු කියලා. එහෙත් අපිට ජනාධිපතිවරණය ජයග‍්‍රහණය කරන්න ලැබුණේ නැහැ. මේ ආණ්ඩුව තනිකරම දේශපාලන වාසිය තකා සායින්දමරුදුවල ජනතාවට පොරොන්දු ලබා දුන්නා. ඒ ප‍්‍රදේශයේ සිටිනා මුස්ලිම් ජනතාවගේ ප‍්‍රධාන අවශ්‍යතාව දේශපාලන වාසියක් කරගෙන ඡුන්ද ලබා ගැනීමට උත්සාහ කළා. ඇත්තටම මේ දේවල් සිදුවේවි කියලා අපිට සැකයක් තිබුණා. දැන් දුක්වෙන්න දෙයක් නැහැ. මේවා ජනතාවට පාඩම්.
ජනාධිපතිවරණයෙන් පසු ආණ්ඩුව ලබාගැනීම වැරදි තීන්දුවක් බව මහින්ද රාජපක්ෂ මහතා කියා තිබුණා..
ඔව්, නමුත් ඒ අය ආණ්ඩුවේ බලය ගන්නකොට කතා කළේ අපි මේ සියල්ල කරන්නම් කියලා. ඒ අය ගාව ආර්ථික ඔස්තාද්ලා පවා සිටිපු බව කීවා. ඔවුන් කීවේ අපිට ආණ්ඩුව කරන්න පුළුවන් කියලා. එහෙත් ඔවුන් වැඩ කලේ සැලසුම් රහිතව. මුලින්ම ඔවුන් බදු සහන ලබා දුන්නා. ඒ බදු අය කිරීම් සිදු වෙමින් තිබුණේ සාමාන්‍ය ජනතාවගෙන් නෙවෙයි. ඒ නිසා බදු සහන ලබා දීම සාමාන්‍ය ජනතාවට කිසිම ප‍්‍රයෝජනයක් නැතිව ගියා. මම ආර්ථික විද්‍යාව පිළිබඳ විශේෂඥයෙක් නෙවෙයි. මට ඇතුළු ඕනෑම මනුස්සයෙකුට තේරෙනවා අය බදු අය කරගන්නේ නැතිව බදු සහන ලබා දීමෙන් රටේ ආර්ථිකය හිරවෙන බව. තමන්ට සැලසුමක් නැතිකම නිසා විපක්ෂයට චෝදනා කිරීම වැරදියි. සිංහල, දෙමළ අලූත් අවුරුද්ද එන්න නියමිතයි. මිනිසුන් තවත් අසීරු තත්වයන්ට මුහුණ දේවි.
එයාර්බස් ගනුදෙනුව සහ වෝහාරික වාර්තා සම්බන්ධයෙන් ඔබේ අදහස කුමක්ද?
මට ඒ වාර්තා පිළිබඳ විශේෂ දැනුමක් නැහැ. නමුත් මේ රජයේ සිටින සාමාජිකයන් සියලූ දෙනාම බැඳුම්කර වංචාව පිළිබඳව පවසමින් පසුගිය රජය විවේචනය කළා. ¥ෂිතයෝ ඉන්නේ අපේ පැත්තේ කියලා ඔවුන් අපිට දොස් කිව්වා. පසුගිය රජයේ සිදු කරපු විමර්ශනවල ප‍්‍රතිඵල ඇවිත් කියෙන්නේ දැන්. ඒ ප‍්‍රතිඵලය ප‍්‍රමාද වුණා. නමුත් ඒ ප‍්‍රතිඵල ඒ අයටම බලපෑවා. 2015ට කලින් තිබුණ ඒ අයගේම ආණ්ඩුවේ සිදුවුණ ¥ෂණ වංචා මේ වන විට ඒ අයගේ ආණ්ඩුව කාලයේම එළියට ඇවිත් තියෙනවා. රනිල් වික‍්‍රමසිංහ මහත්තයාගේ ආණ්ඩුව කාලේ මේ පරීක්ෂණ වාර්තා එළියට ආවා නම් ඔවුන් කියයි මේ වාර්තා බොරු කියලා. ස්වාධීන කොමිෂන් සභාවලින් හා විදෙස් ආයතනවලින් සිදුකළ විමර්ශන නිසා ලොකුම ¥ෂිතයෝ ඉන්නේ ඒ පැත්තේ කියලා දැන් හෙළි වෙලා තියෙනවා. මේ අය කවුද කියලා දැන් රටේ ජනතාවට ඔප්පුවෙලා ඉවරයි.
