පසුගිය දා ආණ්ඩුව හොඳ වැඩක් කළේ ය. ඒ සයින්දමර්දු ප‍්‍රදේශය නගර සභාවක් බවට පත්කර එයට අදාළ ගැසට් පත‍්‍රය නිකුත් කිරීමය. ආණ්ඩුවේ එම තීරණයත් සමග එම ප‍්‍රදේශයේ ජනතාව රතිඤ්ඤා පත්තුකර සිය සතුට පළ කළෝය. නගර සභාව ප‍්‍රකාශයට පත් කිරීමත් සමග ආණ්ඩුවේම සමහර කොටස් මෙම තීරණයට විරුද්ධව අදහස් දක්වනු පෙනිණි. එම විවේචන නිසා දෝ දැන් ආරංචි වන්නේ ආණ්ඩුව මෙම තීරණය ආපසු හැරවීම පිළිබඳව සිතා බලමින් සිටින බවය.
මෙම ලියුම්කරු මේ පිළිබඳව අදාළ අමාත්‍ය ජනක බණ්ඩාර තෙන්නකෝන්ගෙන් කරුණු විමසීමට උත්සාහ කළත් එය අසාර්ථක විය. කෙසේ වුණත් සයින්දමර්දු ප‍්‍රදේශය නගර සභාවක් බවට පත් කරන්න යන යෝජනාව බොහෝ කලක පටන් සාකච්ඡුා වෙමින් තිබුණ යෝජනාවක් බව කිව යුතුය.
යම් ප‍්‍රදේශයක් නගර සභාවක් බවට පත් කිරීමට තිබිය යුතු සුදුසුකම් සියල්ල එම අධික ජන ඝනත්වයක් සහිත ප‍්‍රදේශය සපුරා ඇතැයි දැනගන්නට ඇත. 99.9%ක් මුස්ලිම් වාසභූමියක් වන මෙම ප‍්‍රදේශය 2019 පාස්කු ප‍්‍රහාරයේ නිර්මාතෘ සහරාන් හෂීම්ගේ ක‍්‍රියාකාරීත්වයේ තිඹිරිගෙය වීම නිසා බොහෝ සිංහල මිනිසුන් මෙම ප‍්‍රදේශය දැක්කේ මුස්ලිම් අන්තවාදයේ අගනුවර ලෙසය. එනිසා සිංහල ඇහැකින් මෙම තීරණය දෙස බැලූ විට එය ප‍්‍රතික්ෂේප කිරීම හැර වෙන දෙයක් කරන්නට හිතෙන්නේ නැත. එහෙත් සහරාන්ලා ක‍්‍රියාත්මක වූ පමණින් එම ප‍්‍රදේශයේ මිනිසුන්ට නගර සභාවක් තුළ ජීවත්වන්නට තිබෙන අයිතියට බාධා කරන්නට අපට හැකියාවක් නැත.
නුවරඑළිය දිස්ත‍්‍රක්කයේ අඹගමුව ප‍්‍රාදේශීය සභාව අඹගමුව, මස්කෙළිය, නෝවුඞ් ලෙස පළාත් පාලන ආයතන තුනකට පසුගිය කාලයේදී බෙදා වෙන්කළ අතර ඒ පිළිබඳව මෙවැනි හාහූවක් පැතිර ගියේ නැත. එහෙත් ශ‍්‍රීපාදය පාලනය පිළිබඳව (දෙමළ ප‍්‍රාදේශීය සභාවක් කොහොමද ශ‍්‍රීපාදය පාලනය කරන්නේ?* යම් මතභේද තත්ත්වයක් ඇතිවිය. එහෙත් මෙලෙස ප‍්‍රාදේශීය සභා බල ප‍්‍රදේශ කැඞීම නව පළාත් පාලන ආයතන බිහි කිරීම අමුතු දෙයක් නොව අවශ්‍යතාව අනුව සිදුවන දෙයක් ය. එහෙත් අවශ්‍යතාව පැමිණියත් යම් යම් වාර්ගික ප‍්‍රශ්න පැමිණි විට එම ආයතන ගැසට් කිරීම ප‍්‍රමාද වෙයි. සයින්දමර්දුවලටද වන්නට ඇත්තේ එයයි.
සයින්දර්මර්දු යන්නේ තේරුම ‘නැමුණු ගස’ යන්නයි. මෙම සුවිශේෂ භූමි කලාපය මෙම ගැසට් කිරීමට ප‍්‍රථම අයත්ව තිබුණේ කල්මුණේ නගර සභාවටය. ඒ ග‍්‍රාම සේවා වසම් 17ක් ලෙසය.
පසුගිය කාලයේ පළාත් පාලන ආයතන බලසීමා නිර්ණයට මෙම ප‍්‍රදේශයට ආගිය එම කොමිසමේ ඉහළ නිලධාරියෙකුගෙන් මේ ලියුම්කරු සයින්දර්මර්දු පිළිබඳව විමසීමේදී ඔහු ප‍්‍රකාශ කළේ, 99%ක් මුස්ලිම් වන මෙම කලාපය සුවිශේෂ බවය. එය කල්මුණෙන් සුවිශේෂ වන්නේ ඇයි? සමහරුන් කියන්නේ කල්මුණේ මුස්ලිම්වරුන් තරමක් හෝ නවීන නම්, මෙහි මුස්ලිම්වරුන් අන්ත ගෝත‍්‍රවාදී බවය. මෙය මේ ලියුම්කරුගේ සමහර මුසල්මානු මිතුරන්ගේද අදහසයි. ‘අපොයි ඕකුන් හරිම අන්තවාදී’යි ඔවුහු කියන්නෝය. මුස්ලිම් රැුඩිකල්කරණය පිළිබඳව කතාකරන විටද මෙම කලාපය සුවිශේෂය. මෙම පුංචි ¥පතක් වන් කෑල්ලේ දේශපාලනය ගත්තත් එයද සුවිශේෂය. එහි දේශපාලන කේවල් කිරීමේ බලය පසුගිය කාලයේ පැවතියේ සහරාන් හෂීම්ට යන්න ඇත්තකි.
පසුගිය වර පළාත් පාලන ඡුන්දයේදී කල්මුණේ මහා නගර සභාව සඳහා සයින්දමර්දු ප‍්‍රදේශයට අදාළ කොට්ඨාස හයම ජයග‍්‍රහණය කළේ ස්වාධීන කණ්ඩායමක් ය. ඔවුන්ගේ මන්ත‍්‍රීවරු 9 දෙනෙක් කල්මුණේ නගර සභාවට තේරී පත්වූහ. ඔවුන්ගේ මැතිවරණ පොරොන්දුව වුණේත් මෙම ප‍්‍රදේශය නගර සභාවක් බවට පත් කිරීමය. බොහෝ දෙනෙකු කියන්නේ මෙම කණ්ඩායම පිටුපස සිටියේ සහරාන් කල්ලිය සහ ඔවුන්ගේ හිතවතුන් බවය. තවත් පිරිසක් කියන්නේ මෙම පිරිසේ දේශපාලන බලය රිෂාඞ් බදියුදීන් බවය. කෙසේ හෝ මෙම කණ්ඩායමේ ඉල්ලීම, දැන් ආණ්ඩුව ඉටුකර ඇත. එය හොඳ දෙයක් ය. එහෙත් මේ හරහා නැගෙනහිර උඩු දුවමින් තිබෙන මුස්ලිම් ප‍්‍රාදේශීයවාදයට උඩගෙඩි නොදිය යුතුය. එය නීතිය බලාත්මක කිරීම මත පාලනය කළ යුතු දෙයක් ය. මෙම තීරණය හරහා නැවත මුස්ලිම් රැුඩිකල්කරණය උඩට පැමිණෙනවා නම් එය පාලනය සඳහා පියවර ගැනීම ආණ්ඩුවේ වගකීමය. අනෙක් පැත්තෙන් නැගෙනහිර ත‍්‍රිකුණාමලයට එක විදිහකට, දිගාමඬුල්ලට තව විදිහකට යැයි කියමින් දෙමළ මුස්ලිම් වාර්ගික ආතතීන් වුණත් මේ ගැසට් කිරීම හරහා උඩට පැමිණිය හැකිය. ඒ පිළිබඳවද ආණ්ඩුව සැලකිලිමත් විය යුතුය. ඒ මන්ද ත‍්‍රිකුණාමලය ප‍්‍රදේශය තුළද දෙමළ ප‍්‍රජාවගෙන් මෙවැනි ඉල්ලීම් ඇත.
මෙම වාර්ගික ආතතිය දිගාමඬුල්ල තුළ සිංහල මුස්ලිම් ප‍්‍රජාවන් දෙක අතර ද ඇත. එයට පරිපාලනමය අවුල් සහගත බවද හේතුවක් වී ඇත. කල්මුණේ අතිරේක දිසාපති කාර්යාලය දිගාමඬුල්ල දිස්ත‍්‍රික්කය කල්මුණේ සහ නොවන ලෙස දෙකට නොනිල වශයෙන් බෙඳන බව බොහෝ දෙනෙක්ගේ මතයයි. මෙවැනි සැකසංකා මිනිසුන් තුළ ඇති නොවෙන ලෙස පරිපාලන ඒක ඇති කිරීම ප‍්‍රතිපත්ති සම්පාදකයන්ගේ වගකීමය.
අනෙක් පැත්තෙන් නැගෙනහිර පළාතේ මුස්ලිම් ජන විවිධත්වය සැලකීමේදී පානම පොතුවිල් සීමාවේ සිට මුලතිව් සීමාවට යන තෙක්ම සිටින මුස්ලිම්වරුන් එක එක අනන්‍යතා සහිත වෙනස් ජන විවිධත්වයක් පෙන්වන ජන ප‍්‍රජාවන් සමූහයක් ය. මෙම සමූහයේ සිතැඟියාවන් අනුව කටයුතු කිරීම බොහෝම සුපරීක්ෂාවෙන් කළ යුතුය. ඒ මන්ද කරනු ලබන සුළු වෙනස්කමකින් එම මහා මුස්ලිම් සමාජය බිඳී යා හැක. ඔවුන් දැනටම ඇඳුමින් පැළඳුමෙන්ද දෙවියන් අදහන ක‍්‍රමයෙන් ද විවාහ සිරිතෙන් ද ආදි වූ ලෙස බොහෝ වෙනස්කම් දරාගෙන එකට ජීවත්වෙන ප‍්‍රජාවක් ය. මෙම ලියුම්කරුද බලය බෙදාහදාගෙන ජීවත්වෙන ලෝකයකට මනාපය. බලය බෙදාගෙන ජීවත්වීම ලංකාව උරුමකරගෙන තිබෙන නූතන ප‍්‍රශ්න ගොඩකට විසඳුමය. එහෙත් වාර්ගික පදනම් අස්සේ තිබෙන පටු ගෝත‍්‍රික සීමාවන් අපගේ බලය බෙදාගැනීමේ ක‍්‍රමය තුළට අප වද්දාගත යුතු නැත. පටු ආගමික හැසිරීම් දරන කුලකයක් යන පදනමින් හෝ පටු කුලවාදී පදනමින් හෝ බලය නොබෙදිය යුතුය. එය ඊට එහාට දියුණු සීමාවකට ගෙන යා යුතුය. කෙසේ හෝ බලය බෙදාහදාගෙන ජීවත්වීම ඒ ඒ ජාතීන්ට තමන්ගේ අයිතීන් ලබාදීම යන පදනමින් සයින්දමර්දු ප‍්‍රදේශය නගර සභාවක් කිරීම යුක්ති යුක්තය. එය බොහෝ හොඳ ආපස්සට නොඇදිය යුතු තීරණයක් ය.
