සාපෙළ නොසමතුන්ට, උසස්පෙළ සමතුන්ට, උපාධිලාභීන්ට ආදි ලෙස නැවත රජයේ රැුකියා ලක්ෂයක් දෙන බව හැම තැනම ආරංචි පැතිරේ. මේ සඳහා දැන් අයදුම්පත‍්‍ර කැඳවා ඇත. මේ වනවිට අයදුම් කළ යුතු අවසාන දිනයද, අයදුම්කරුවන්ගේ අවම වයස් මට්ටම්ද ඈතට ඈතට දමමින් රැුකියා අපේක්ෂකයන්ගේ බලාපොරොත්තු අහසට නැංවීමට ආණ්ඩුව කටයුතු කරමින් තිබේ.
වර්තමානයේ රට වැටී තිබෙන ආර්ථික අර්බුදය හමුවේ මෙම රැුකියා ලබාදීමේ වැඩපිළිවෙළ ඡුන්ද ගුණ්ඩුවක් විය හැකි බව බොහෝ දෙනෙකුගේ අදහසය. තවත් පිරිසක් කියන්නේ අවම වැටුපකට බඳවාගෙන, පුහුණු කාල සීමාවක් ආදි උප්පරවැට්ටි මතින් ආර්ථික අර්බුදයෙන් ගොඩට එන්නට දඟලන මේ කාලය ගෙවාගන්නට ආණ්ඩුව කටයුතු කරනු ඇතැයි කියා ය.
කෙසේ හෝ දැන් පෙනෙන්නට තිබෙන්නේ රස්සා යම් ප‍්‍රමාණයක් දෙන්නට ආණ්ඩුව තීරණයක් ගෙන ඇති බවය. ආණ්ඩුව මෙම තීරණය මෙලෙස ගන්නා විට 5000කට ආසන්න පිරිසගේ රැුකියා අහිමිකර ඇති බව දැනගන්නට ඇත. ඒ පසුගිය ආණ්ඩුව දුන් රස්සා නිසා ය. එහෙත් මෙම දේශපාලන පළිගැනීම් පිළිබඳව මිනිසුන් උද්ඝෝෂණය කරන්නට වූ විට ආණ්ඩුව දින 180ක කාලයක් රැුකියාවේ නිරතවූ පුද්ගලයන් එම තනතුරුවල ස්ථිර කරන්නට කටයුතු කරන බව කීවේය. එම තීරණය ගනු ලැබුවේ පසුගිය පෙබරවාරි 17 දා ය. මේ අනුව පසුගිය ආණ්ඩුව කාලයේ රජයේ පත්වීම් ලැබූ මේ ආණ්ඩුව පැමිණීමත් සමග රැුකියා අහිමිවූ බොහෝ දෙනෙකුට සැනසුම් සුසුම් හෙළන්නට හැකිය.
මෙම රැුකියා අර්බුදය මෙලෙස විසඳෙන විට පසුගිය ආණ්ඩුව කාලයේ පත්වීම් දෙන්නට සියල්ල සූදානම් කර තිබූ අල්ලස් හෝ ¥ෂණ විමර්ශණ කොමිසමේ විමර්ශන නිලධාරී තනතුරු 200ට කුමක්ද වෙන්නේ? ප‍්‍රශ්නයක් ය. මෙම කොමිසමට විමර්ශන නිලධාරීන්ගේ හිඟයක් ඇති බවද, එනිසාම එය විමර්ශන සඳහා බාධාවක් බවද, පසුගිය කාලයේ හඳුනාගෙන තිබුණි. ඒ අනුව පසුගිය ආණ්ඩුව මෙම හිඟය පියවා කොමිසම ශක්තිමත් කරන්නට පියවර ගෙන තිබුණි. ඒ අනුව 2018 වර්ෂයේ අයවැය යෝජනාවලින් ඒ සඳහා මුදල් ද වෙන්විය. උපාධිලාභීන් සහ නීතිඥයන් මෙම විමර්ශන නිලධාරී තනතුරට බඳවා ගන්නා බවට ආණ්ඩුව ගැසට් පත‍්‍රයක් මගින් නිවේදනය කළේ ය. ඒ අනුව ‘අල්ලස් හෝ ¥ෂණ විමර්ශන කොමිසමට විමර්ශන නිලධාරීන් 200ක් බඳවා ගැනීමේ විවෘත තරග විභාගය‘ නම් වූ ගැසට්ටුව 2018 ජුනි 08 වැනි දින පළවිය.
2018.10.27 දින එම විභාගය විභාග දෙපාර්තමේන්තුව පැවැත්වූ අතර එයට දිවයින පුරා අපේක්ෂකයන් 10000කට අධික පිරිසක් සහභාගි වූහ. 2019 මාර්තු 29 වැනි දින අල්ලස් හෝ ¥ෂණ විමර්ශන කොමිසමේ වෙබ් අඩවිය මෙම විභාගයට හිඳගත් අපේක්ෂකයන් අතරින් ඉහළම ලකුණු ලැබූ 407කගේ නම් පළකළේය. ඉන් අනතුරුව මෙම පිරිස අතරින් ඉහත තනතුර සඳහා 200 දෙනෙකු තෝරාගන්නට නැවත ලිඛිත පරීක්ෂණයක් කැඳවන අතර එය කොළඹ විශ්වවිද්‍යාලයේදී පැවැත්වෙන්නේය. මෙම 407 දෙනා ඉහත කොමිසම විසින් සම්මුඛ පරීක්ෂණයකටද ලක්කරන්නේය. ඒ 2019.07.06 දාය.
ඉන් අනතුරුව මෙම පරීක්ෂණ තුනටම අදාළව ඉහත අපේක්ෂකයන් ලබාගත් ලකුණුවල එකතුවට අදාළව ඉහළම ලකුණු ලබාගත් 200 දෙනෙකු මෙම විමර්ශන නිලධාරී තනතුර සඳහා කොමිසම තෝරාගන්නේය. එම 200 දෙනාගේ තොරතුරු 2019.12.12 දින ශ‍්‍රී ලංකා විභාග දෙපාර්තමේන්තුවේ වෙබ් අඩවියේ පළ කරන්නේය. එහි ඊළඟ පියවර ලෙස මෙම 200 දෙනා පිළිබඳව ආරක්ෂක නිෂ්කාෂණ වාර්තා කැඳවන අතර එම සියලූ කටයුතුද 2019.12.20 පමණ වනවිට අවසන්වී ඇත. ඒ අනුව ඉදිරියට තිබී ඇත්තේ මෙම නිලධාරීන් රැුකියාවලට බඳවා ගන්නට ය. එහෙත් එම බඳවා ගැනීම තවදුරටත් වර්තමාන ආණ්ඩුව ප‍්‍රමාද කරමින් සිටී.
මෙම රැුකියා අපේක්ෂකයන් ප‍්‍රකාශ කරන්නේ තමන්ට අදාළ පත්වීම් ලබාදෙන්නට සියල්ල සූදානම් පසුබිමක මැතිවරණය කැඳවුණ බැවින්, පහුගිය අවුරුද්ද තුළ මෙම රැුකියා ලබාගැනීමට නොහැකිවූ බවය. දැන් තමන් මේ පිළිබඳව කොමිසමේ අධ්‍යක්ෂ ජනරාල් පාලන අංශයෙන් විමසීම් කළ විට ඔවුන් එක එක උත්තර ලබාදෙමින් මගහැර යන බවය. මෙම ලියුම්කරු කොමිසමේ නිලධාරියෙකුගෙන් මේ පිළිබඳව විමසීමේදී ඔහු ප‍්‍රකාශ කළේ මේ සඳහා ආණ්ඩුවට මුදල් නැති බවය. එහෙත් ඇත්ත තත්ත්වය පහුගිය ආණ්ඩුව අයවැය මගින් මෙම රැුකියා සඳහා මුදල් වෙන්කර ඇති බවය. තත්ත්වය එසේ නම් රුපියල් 36000ක පමණ අවම වැටුප් ශ්‍රේණියකට බඳවා ගන්නට සියල්ල සූදානම් කළ මෙම අත්‍යවශ්‍ය පත්වීම් නොදෙන්නේ ඇයි යන්නය. එහි අරමුණ අල්ලස් හෝ ¥ෂණ විමර්ශන කොමිසම කිසිදු වැඩකට නැති කොමිසමක් බවට පත්කිරීමද?
එහෙමත් නැතිනම් වර්තමාන ආණ්ඩුව හෝ ජනාධිපතිවරයා අල්ලසට ¥ෂණයට වැටබැඳීමට සූදානම් නැති බවද? මේ හැඟවීම එයද? රැුකියා ලක්ෂයක් දෙන්න අයදුම් පත‍්‍ර කැඳවන්න ආණ්ඩුවට පුළුවන් නම්, සියල්ල අවසන් කර ඇති, මෙම පත්වීම් දෙන්නට ආණ්ඩුව බැරි ඇයි?
