එක්සත් ජාතික පක්ෂය ප‍්‍රමුඛව ගොඩනැගෙන නව දේශපාලන සන්ධානයේ ලකුණ ලෙස හදවත ගන්නවාද, අලියා ගන්නවාද යන්න තීරණය කිරීමට සහ එම සන්ධානයේ නම පිළිබඳව අවසාන තීරණයකට පැමිණීම සඳහා එක්සත් ජාතික පක්ෂයේ රනිල් පාර්ශ්වයේ සහ සජිත් පාර්ශ්වයේ නියෝජිතයන්ගෙන් සමන්විත කමිටුවක් පත්කර ඇතැයි වාර්තා වේ.
පසුගිය පෙබරවාරි 12වැනි දින රනිල් වික‍්‍රමසිංහ මහතා සහ සජිත් පේ‍්‍රමදාස මහතා අතර සිරිකොත පක්ෂ මූලස්ථානයේ පැවති සාකච්ඡුාවක් අතරතුර මෙම තීරණය ගෙන ඇති අතර, ඒ අනුව රනිල් පාර්ශ්වය වෙනුවෙන් සාගල රත්නායක, රවී කරුණානායක, ලක්ෂ්මන් කිරිඇල්ල, නවීන් දිසානායක, අකිල විරාජ් කාරියවසම් යන අයද සජිත් පාර්ශ්වය වෙනුවෙන් සජිත් පේ‍්‍රමදාස, රංජිත් මද්දුම බණ්ඩාර, මංගල සමරවීර, මලික් සමරවික‍්‍රම, කබීර් හෂීම් යන අයද පත්කර ඇත. ඉදිරි දිනකදී මෙම කණ්ඩායම සාකච්ඡුා කර ලකුණ සහ සන්ධානයේ නම පිළිබඳව අවසන් තීරණයකට පැමිණෙනු ඇත.
