එක්සත් ජාතික පක්ෂය තුළ නායකත්ව මණ්ඩලයක් ඇතිකර එම නායකත්ව මණ්ඩලයේ නායකත්වය සහ පක්ෂයේ මහලේකම් තනතුර කරු ජයසූරිය මහතා වෙත ලබාදී එක්සත් ජාතික පක්ෂයේ අර්බුදය විසඳීම සඳහා රනිල් වික‍්‍රමසිංහ මහතා එකඟතාවකට පැමිණ ඇතැයි දැනගන්නට ලැබේ.
නායකත්ව මණ්ඩලයේ නායකත්වයට අමතරව එජාපයේ මහාලේකම් ධුරය කරු ජයසූරිය මහතා වෙත පිරිනැමීම පිළිබඳව සිරිකොත පක්ෂ මූලස්ථානයේ රනිල් වික‍්‍රමසිංහ පාර්ශ්වයේ කිහිප දෙනෙකු සහ රාජිත සේනාරත්න මහතා අතරවූ හමුවකදී සාකච්ඡුා වී ඇත. එම යෝජනාවට රනිල් වික‍්‍රමසිංහ මහතා කැමති බවද දැනගන්නට ලැබේ.
මහලේකම් අකිල විරාජ් කාරියවසම්ද පක්ෂයේ මහලේකම් තනතුර කරු ජයසූරිය මහතාට පිරිනැමීම පිළිබඳව සිය එකඟතාව දක්වා ඇත. මෙම හමුව පසුගිය 12වැනි දින සිරිකොත පක්ෂ මූලස්ථානයේදී සිදුවී ඇති අතර ඉන් අනතුරුව රාජිත සේනාරත්න මහතා සහ කථානායක කරු ජයසූරිය මහතා අතර සාකච්ඡුාවක් කථානායක නිල නිවසේ පවත්වා ඇත. එහිදී මෙම යෝජනාව පිළිබඳව රාජිත සේනාරත්න මහතා කරු ජයසූරිය මහතා දැනුවත් කර ඇත. එහිදී ඔහු ප‍්‍රකාශ කර ඇත්තේ පසුගිය ජනාධිපතිවරණයට පෙරද රනිල් වික‍්‍රමසිංහ මහතා මෙම යෝජනාවලට කැමතිවී සිටි නමුත් අවසන් මොහොතේදී තම ස්ථාවරය වෙනස් කළ බවය. ඒ අනුව මේ යෝජනාව පිළිබඳව කථානායක කරු ජයසූරිය සහ රනිල් වික‍්‍රමසිංහ මහතා අතර සාකච්ඡුාවක් පුවත්පත මුද්‍රණය වෙන පෙබරවාරි 13 වැනි දින සවස පැවැත්වීමට නියමිතව තිබුණි.
මෙම හමුවට පසුව රාජිත සේනාරත්න මහතා සහ සජිත් පේ‍්‍රමදාස මහතා අතර මේ පිළිබඳව තවත් සාකච්ඡුාවක් පැවැත්වෙනු ඇති බව දැනගන්නට ලැබේ. මේ පිළිබඳ අනිද්දා සජිත් පාර්ශ්වයේ ප‍්‍රබලයෙකුගෙන් කරුණු විමසීමේදී ඔහු ප‍්‍රකාශ කළේ කරු ජයසූරිය එජාපයේ නායකයා වන්නේ නම් එයට තම පාර්ශ්වයේ කිසිදු විරෝධයක් නැති බවය. එහෙත් නායකත්ව මණ්ඩලයක් ඇතිකර එහි නායකත්වය සමග පක්ෂයේ මහලේකම් ධුරය පිරිනැමීම රනිල් වික‍්‍රමසිංහගේ කූට උපායක් විය හැකි බවය.
In any case RW should leave the party as he is now branded as a Rouge and a dealer with Rajapassas. UNP will never raise head as far as RW is its Leader.