ශ‍්‍රී ලංකාව සහ ඇමෙරිකාව අතර අත්සන් කර ඇති සෝෆා සහ ඇක්සා ගිවිසුම් අහෝසි කිරීම සඳහා පාර්ලිමේන්තුවට යෝජනාවක් ගෙන ඒමට මැදිහත් වන ලෙසත්, ජනතා විමුක්ති පෙරමුණ එම යෝජනාවට පක්ෂව ඡුන්දය දීමට සූදානම් බවත් ජනතා විමුක්ති පෙරමුණේ පාර්ලිමේන්තු මන්ත්රී බිමල් රත්නායක ලිපියකින් ජනාධිපති ගෝඨාභය රාජපක්ෂ වෙත දන්වා ඇත.
එම ලිපියෙහි සඳහන් කර ඇත්තේ ගෝඨාභය රාජපක්ෂ මහතා ආරක්ෂක අමාත්‍යාංශයේ ලේකම්වරයාව සිටි 2007 වර්ෂයේදී අත්සන් කොට හිටපු අගමැති රනිල් වික‍්‍රමසිංහ 2017 දී කාලය දීර්ඝ කල ඇක්සා ගිවිසුමත්, 1995 දී අත්සන් කළ සෝෆා ගිවිසුමත් රටට අහිතකර බැවින් ඒවා අහෝසි කිරීමට පියවර ගන්නා ලෙසය.
එම ගිවිසුම්වලින් ඇමෙරිකාව සහභාගි වන යුදමය කටයුතුවලදී ඇමෙරිකානු හමුදාවන්ට අවශ්‍ය සේවාවන් ලබාදීමට ශ‍්‍රී ලංකාව බැඳී සිටින නිසා ඉරානය සහ ඇමෙරිකාව අතර වර්ධනය වෙමින් පවතින යුදමය වාතාවරණයෙන් ශ‍්‍රී ලංකාවට බලපෑමක් එල්ලවීමේ අවදානමක් පවතින බව මන්ත‍්‍රීවරයා එම ලිපියෙන් දන්වා තිබේ. ඔහු සඳහන් කරන්නේ එම ගිවිසුම් අනුව ශ‍්‍රී ලංකාව ඇමෙරිකාවට වරායන්, ගුවන්තොටුපොළ, ඉන්ධන හා සන්නිවේදන පහසුම් ලබාදීමට බැඳී සිටින බවයි. මේ වනවිට ඇමෙරිකානු හමුදා ඉරාකයේ රැුඳී සිටින්නේ ඇමෙරිකාව හා ඉරාකය ඇති කරගත් සෝෆා ගිවිසුමෙහි කොන්දේසි අනුව බව එම ලිපියෙහි සඳහන් කර ඇත.
ඇමෙරිකාව මේ වනවිට විදේශ රවල්වල ස්වෛරීත්වය නොතකමින් කටයුතු කරන බව පැහැදිලිි වී තිබෙන බවත්, ඒ නිසා එම ගිවිසුම් අත්සන් කර ඇති රටවල ස්වෛරීත්වයට අවදානමක් එල්ල වී තිබෙන බවත් පෙනී යන බව බිමල් රත්නායක මන්ත‍්‍රීවරයා වැඩිදුරටත් සඳහන් කර තිබේ.
අනුරංග ජයසිංහ
