ආණ්ඩුව ඔය වගේ මෝඩ වැඩ කරන්න හොඳ නෑ

ජනක බණ්ඩාර තෙන්නකෝන්
රාජ්‍ය පරිපාලන හා ස්වදේශ කටයුතු අමාත්‍ය

2020 අවුරුද්ද කියන්නේ අපේ ආර්ථිකයට ලේසි අවුරුද්දක් නෙවෙයි. ණය පොලී වාරිකය විතරක් රුපියල් බිලියන 1000ක් විතර. රාජ්‍ය අංශයේ වැටුප් බිල රුපියල් බිලියන 800ක්. මේ තත්ත්වය ඇතුළේ වර්තමාන ආණ්ඩුව බදු සහනය මගින් ජාතික ආදායමෙන් 30%ක් අහිමි කරගන්නවා. මේ තත්ත්වය තුළ ආණ්ඩුවට වැඩ පිළිවෙළක් තිබෙනවාද මේ මුදල් හොයාගන්න..

මොකක් හරි තියෙන්න ඕනෑ. නැහැ බැහැ කියලා බෑ. කොහොම හරි අපි මේ මුදල් සොයාගන්න ඕනෑ. අපි හිතනවා ඒක අපිට පුළුවන් කියලා කරන්න. මේ දැන් තියෙන ආර්ථිකයට පහුගිය ආණ්ඩුව සම්පූර්ණයෙන්ම වගකියන්න ඕනෑ. ඒත් දැන් අපි ඒවා කියවලා වැඩක් නෑ. අපි බලය ගත්තේ වැඩ පෙන්වන්න. ඒත් ඒ දේවලූත් අපි ඉස්සරහදි හෙළිදරව් කරයි. ඉතිං කොහොම හරි සල්ලි හොයලා මවලා හරි රට ඉස්සරහට අරගෙන යන්න ඕනෑ. බදු කප්පාදුව වුණත් කළේ ඒ සල්ලි සොයාගන්න පුළුවන් නිසානේ. ඒ නිසා බයවෙන්න එපා අපි ආර්ථිකය කඩාවැටෙන්න දෙන්නේ නෑ. අපි කොහොම හරි ජනතාවාදී ආණ්ඩුවක් විදිහට ජනතාව වෙනුවෙනුත් කටයුතු කරන ගමන් මේ ආර්ථිකය ශක්තිමත් කරන්න කටයුතු කරනවා. පසුගිය ආණ්ඩුවේ ආර්ථික ප‍්‍රතිපත්තිය නිසා තමයි අපි අද මෙතනට වැටිලා තිබෙන්නේ. අපි ඒකත් මතකයේ තියාගන්න ඕනෑ.

ඔබ දඹුල්ල ප‍්‍රදේශය නියෝජනය කරන දේශපාලකයෙක්. මේ දවස්වල එළවළු සහ සහල් මිල ගණන් ගැන මම ඔබට අමුතුවෙන් කියන්න දෙයක් නෑ. අපි දැක්කා ජනාධිපතිවරයාත් සහල් අඩුකරන්න කියලා සහල් කඩවලට යනවා. එහෙම ගිහිං පාලන මිලකුත් ගෙනාවා. ඒත් තාම ඒ පාලන මිලටවත් සහල් නෑ ගන්න. ඇත්තටම මේ ජීවන වියදම පාලනය කරන්න ප‍්‍රායෝගික වැඩපිළිවෙළක් නැද්ද?

පාලන මිලක් දැම්මා කියලා එහෙම මිල ගණන් අඩුකරන්න බෑ. ඒක තමයි ඇත්ත. මේකට අපි ස්ථිරසාර විසඳුමක් ගේන්න ඕනෑ. අපි පහුගිය දා (ජනවාරි 8* තිබුණ කැබිනට් එකේදිත් මේ ගැන විශේෂයෙන් කතාකළා. ගොවියා නඟා සිටුවන්න ඕනෑ. ඒක දීර්ඝකාලීන වැඩපිළිවෙළක් මත ඉස්සරහට යන්න ඕනෑ දෙයක්. ඒක මේ එක රැුයකින් කරන්න අමාරුයි. ගොවියා සහ පාරිභෝගිකයා කියන දෙන්නම රැුකෙන්න ඕනෑ. අතරමැදියන් වුණත් රැුකෙන්න එපැයි. එතකොටනේ වෙළඳාම දුවන්නේ. ඒ නිසා මේ හැම පැත්තක් ගැනම හිතලා අපිට ස්ථිරසාර විසඳුමක් මේකට ගේන්න වෙනවා.

මේ වෙනකොට මැදපෙරදිග ගල්ෆ් කලාපයේ යුද උණුසුමක් වර්ධනය වෙමින් තිබෙනවා. මෙම තත්ත්වය යුද්ධයක් දක්වා වර්ධනය වුණොත් ඒක අපේ අපනයන ආර්ථිකයට වගේම ඛනිජ තෙල් සැපයුමටත් බලපාන්න පුළුවන්. අනෙක් පැත්තෙන් මේ තත්ත්වය මත බොරතෙල් බැරලයක මිල ඉහළ යන්න පුළුවන්.. මේ ගොඩනැගෙන තත්ත්වයන්වලට වුණත් මුහුණ දෙන්න වැඩපිළිවෙළක් නෑ කියලා තමයි පෙනෙන්නේ..

ඔව්.. අපි මේ හැම දේකටම ඉක්මනින් වැඩපිළිවෙළක් හදාගන්න ඕනෑ. මේ තත්ත්වයන්වලට අපිට මූණ දෙන්න වෙනවා. මගෑරලා යන්න බෑ. ඛනිජ තෙල් ආනයන ප‍්‍රශ්න ආවොත් විදුලි බල සැපයුමට වුණත් ඒක ලොකු ප‍්‍රශ්නයක් වෙන්න පුළුවන්. මිල ඉහළ යෑම වුණත් ලොකු ප‍්‍රශ්නයක් වෙන්න පුළුවන්. අපි පසුගිය කැබිනට් එකේ මේ ගැනත් කතාකළා. අපේ වර්තමාන ජනාධිපතිවරයාට මේවාට මුහුණ දීමේ ශක්තිය තිබෙනවා. කොහොම වුණත් රට කඩාවැටෙන්න නොදී ඉස්සරහට අරගෙන යන එක තමයි දැන් කරන්න වෙන්නේ. ඒකට අපි ඉක්මන් විය යුතුයි. ඒකට ජනාධිපතිවරයාට සහ අපිට ශක්තිය තිබෙනවා.

ඔබ රාජ්‍ය සේවය භාර අමාත්‍යවරයා. දැන් අපිට වටින්පිටින් ඇහෙනවා, ඕටී කපලා බෝනස් නෑ වගේ කතාන්දර…

නෑථ ඒක වැරදියි. මම වගකීමෙන් කියනවා එහෙම දෙයක් නෑ. මම ජනතාවාදී නායකයෙක්, මම හැමදාම ජනතාව එක්ක හිටියේ. මම දේශපාලනයට එන්නේ ජනතාවාදී පවුලකින්. මගේ තාත්තත් එහෙමයි. මිනිහා කවි කොළකාරයෙක්. ඉතිං මම රාජ්‍ය සේවයේ ප‍්‍රශ්නවලට හැම වෙලාවෙම විවෘතයි. ඔවුන් මොනවද ප‍්‍රශ්න කියන්නේ අපි උත්තර ලබාදෙන්න සූදානම්. ඒ නිසා මම බලාපොරොත්තුවෙනවා ඉදිරියේදී රාජ්‍ය සේවකයෝ එක්ක කතාකරලා ඔවුන්ට හොඳ ජීවිතයක් සහ රැුකියා පරිසරයක් ලබාදෙන්න කටයුතු කරන්න.

මේ දිනවල රංජන් රාමනායක මන්ත‍්‍රීවරයාගේ හඬපට නාටකය බොහොම ජනප‍්‍රියයි. මේ හඬපට පොලිසියට ලැබෙන්නේ නඩු භාණ්ඩ විදිහට. ඒත් ඒවා පසුව සමාජ මාධ්‍යයේ වගේම ප‍්‍රධාන ධාරාවේ මාධ්‍යවලත් විකාශය වෙනවා. මේක ආණ්ඩුව හිතාමතාම කරන දෙයක් කිව්වොත්..

මට දැනගන්න තියෙන විදිහට ඔය හඬපට එළියට ඇවිත් තිබෙන්නේ රංජන් ළඟින්ම හිටපු කෙනෙක් හරහා. ඔහුම මෙම හඬපටවල පිටපත් මාධ්‍යට දුන්නා වෙන්න පුළුවන්. කොහොම වුණත් මේ හඬපටවලින් එළියට එන කරුණු පිළිබඳව අපි පරීක්ෂණ කරන්න ඕනෑ. ඒ පරීක්ෂණ පොලීසිය සාධාරණව කරන්න ඕනෑ කියලා මම හිතනවා. අධිකරණය ගැන වුණත් එහෙමයි. මෙහෙම වුණාම මේ ස්ථාන ගැන ජනතා විශ්වාසය බිඳෙනවා. ඒක රටේ අනාගතයට හොඳ නෑ.

කොහොම වුණත් මේ හඬපට නාඩගම දුමින්ද සිල්වා එළියට ගන්න උප්පරවැට්ටියක් කියලා තමයි විපක්ෂය කියන්නේ..

ඒක උප්පරවැට්ටියක් නම් ඇයි ඒ උප්පරවැට්ටියට අවශ්‍ය බඩු, සම්පත් ලබා දෙන්නේ? කොහොම වුණත් මම මේක කියන්න ඕනෑ, ඒ මිනිහා බොරුවට දේශපාලන අවශ්‍යතාවකට හිරේ යැව්වා නම් ඒකට හෙණ ගහනවා. ඒක අපරාධයක්. මම දැක්කා ඊයේ පෙරේදා සෙල්ලම් පිස්තෝලයක් නිසා පුද්ගලයෙක් මාස ගාණක් රිමාන්ඞ් එකේ ඉඳලා තියෙනවා. එතකොට බලන්න ඒක කොතරම් අපරාධයක් ද? අපේ පොලීසිය එහෙම කරනවා. ඒකට මේක හොඳ නිදර්ශනයක්. පොලිසිය ඉන්නේ ජනතාවට සේවය කරන්න මිසක්, අසාධාරණ විදිහට මිනිස්සු හිරේට දක්කන්න නෙවෙයි. වැරදිකාරයෙක් නිදහස් කරන්න කියලා මම කියන්නේ නෑ. නමුත් වැරැුද්දක් නැති මිනිහෙක් බලපෑම් කරලා හිරේ යවනවා නම් ඒක වැරදියි.

පහුගිය කාලේ මම නිකරුණේ දවස් 58ක් රිමාන්ඞ් බන්ධනාගාරගත කළා. ඒ අවුරුදු 16කට කලින් වුණ මිනීමැරුමකට. මම දන්නෙවත් නෑ. පොලිසිය කියනවා මම මේ ඝාතනය වුණ වෙලාවෙ එතන හිටියා කියලා. සාක්ෂිකාරයෝ කියනවා නෑ ඇමතිතුමා හිටියේ නෑ කියලා. ඒත් පහුගිය යහපාලනය ආවාට පස්සේ සාක්ෂි අලූතින් හදලා තමයි මාව රිමාන්ඞ් කළේ. මම ලක්ෂ ගාණක බිලක් ගෙව්වා ඉස්පිරිතාලයට. ඉතිං බලන්න අපේ පොලිසියේ වැඩ එහෙමයි.

ඔබ කියන ඔය යහපාලනය කාලයේ පටන්ගත්ත සීඅයිඞී පරීක්ෂණ වගේම නඩු කටයුතුත් තවදුරටත් ඒ අදාළ ස්ථානවල තිබෙනවා. මේ සිද්ධිවලට සම්බන්ධ පුද්ගලයන් වර්තමාන ආණ්ඩුවේ ලොක්කන්. මේ තත්ත්වය තුළ වර්තමාන ආණ්ඩුව හිතන්නේ මේවා කුණුකූඩයට දැමිය යුතුයි කියලාද?..

ඔව්. රජයක් විදිහට මේවා ගැන සොයලා බලලා පියවරක් ගන්න ඕනෑ වහාම. අපි හැමෝටම සාධාරණය ඉෂ්ට වෙන්න ඕනෑ. ආණ්ඩුවේ කියලා නෑ එතකොට. අපි එහෙම නොවෙනවා නම් ආණ්ඩුවේ වුණත් දිගට ඉන්න බලාපොරොත්තුවක් නෑ. වැරදිකාරයාට ඒ වැරැුද්දට තරාතිරම නොබලා දඬුවම දෙන්න ඕනෑ. ඒ වාගේම පහුගිය කාලේ අසාධාරණයන් වුණ මිනිස්සු ගැනත් හොඳට හොයලා බලලා, ඒ අසාධාරණයන් නිවැරදි කරන්න කටයුතු කළ යුතුයි.

පසුගිය කාලයේ රාජිත සේනාරත්න හිටපු අමාත්‍යවරයා වගේම පාඨලී චම්පික රණවක හිටපු අමාත්‍යවරයාත් අත්අඩංගුවට ගත්තා. විපක්ෂය කිව්වේ එළඹෙන මැතිවරණයේදී තුනෙන් දෙකක බලයක් ගන්න තමයි මෙහෙම විපක්ෂයේ ක‍්‍රියාකාරිකයන් මර්දනය කරන්නේ කියලා..

අපි තුනෙන් දෙකක් ගන්නවා. ඒක ස්ථිරයි. ඒකට ඔය වගේ වැඩ කරන්න ඕනෑ නෑ. ඔය අත්අඩංගුවට ගැනීම් ගැන කතාකළොත් මම නම් කියන්නේ ඒක බොරු වැඩක් කියලා. නිකං වැඩකට නැති මිනිස්සු වීරයෝ වුණා විතරයි වුණේ. මම නම් කියන්නේ ආණ්ඩුව ඔය වගේ මෝඩ වැඩ කරන්න හොඳ නෑ කියලා. ඔහොම දේවල් කළාම ජනතා අප‍්‍රසාදය එන්නේ ආණ්ඩුවට. වැරැුද්දක් කරලා තියෙනවා නම් දඬුවමක් දෙන්න ඕනෑ. ඒ අනුව අත්අඩංගුවට ගත්තාට වැරැුද්දක් නෑ. ඒකට මේ සිද්ධි සතපහකට වැඩක් නැති දේවල්. ඒකෙන් වුණේ රාජිතයි චම්පිකයි වීරයෝ වුණ එක විතරයි.

ඔබ තුන් දෙකක ජනවරමක් සහිතව එළඹෙන පාර්ලිමේන්තු මැතිවරණය දිනනවා කියලා කිව්වාට උතුරේ සහ නැගෙනහිර දෙමළ මුස්ලිම් ජනතාව ඔබගෙන් වෙන්වුණ ස්රූපයක් තමයි පහුගිය ජනාධිපතිවරණ ප‍්‍රතිඵලය පෙන්නුවේ. ඔවුන් දිනාගන්නේ නැතුව තුනෙන් දෙකක් ගන්න පුළුවන්ද?

ඒ මැතිවරණයේදී සජිත් පේ‍්‍රමදාස ඒ ඡුන්ද ටික ගත්තේ උප්පරවැට්ටියක් කරලානේ. බලන්න කෝ ආර් සම්බන්ධන් මහත්තයාට විපක්ෂ නායකයා විදිහට ගෙයක් දුන්නා. සේවකයෝ දුන්නා. හැබැයි ඒ ආණ්ඩුව දුප්පත් දෙමළ ජනතාවට එහෙම සැලකුවේ නෑ. සම්බන්ධන්ලා එහෙම සලකන්න කියලා ඉල්ලූවෙත් නෑ. දෙමළ ජනතාව අද වෙනකොට මේක තේරුම් අරගෙන තමයි ඉන්නේ. මුස්ලිම් ජනතාවත් එහෙමයි. මුස්ලිම් නායකයෝ ඔවුන්ව රැුවැට්ටුවා කියලා තමයි ඔවුන් අද හිතන්නේ. ඒ නිසා එන ඡුන්දයේදී අපිට මුස්ලිම් සහ දෙමළ සහෝදර ඡුන්දත් ලැබෙයි. ඒ කියන්නේ අපි තුනෙන් දෙකක බලයකින් ඒ ඡුන්දය දිනනවා කියන එක. එහෙම වුණොත් විතරයි, අපිට අපේ ජනාධිපතිවරයා යටතේ, අපි හිතන වැඩකොටස ජනතාව වෙනුවෙන් කරන්න පුළුවන් වෙන්නේ.