පෙර පුහුණුවීම් සිදුකරමින් සිටි මේ නාටකය මුලින්ම ප‍්‍රසිද්ධියේ ප‍්‍රදර්ශනය වූයේ දෙසැම්බර් 13 වැනිදාය. සීසීඞී හෙවත් කොළඹ අපරාධ කොට්ඨාසය එදින කොළඹ අතිරේක මහේස්ත‍්‍රාත් කාංචනා නිරංජනාද සිල්වා හමුවේ කරුණු දක්වමින් දන්වා සිටියේ 2016 වර්ෂයේ පෙබරවාරි මස රාජගිරිය ප‍්‍රදේශයේදී සිදුවූ රිය අනතුරක් සම්බන්ධයෙන් යළි විමර්ශනයක් ආරම්භ කර ඇති බවයි.
ඒ අනුව හිටපු අමාත්‍ය පාඨලී චම්පික රණවකටද එම කාලයේ ඔහුගේ රියදුරකු වශයෙන් කටයුතු කළ තුසිත දිලූම් කුමාරටද එරෙහිව කරුණු වාර්තා කරමින් සීසීඞීය මහේස්ත‍්‍රාත් අධිකරණයෙන් නියෝගයක් ඉල්ලා තිබුණි. ඒ වත්මන් පාර්ලිමේන්තු මන්ත්රී පාඨලී චම්පික රණවක හා තුසිත දිලූම් කුමාර විදේශගත වීම වළක්වමින් නියෝගයක් ලබාදෙන ලෙසය. ඒ අනුව කොළඹ අතිරේක මහේස්ත‍්‍රාත්වරිය පාඨලී චම්පික රණවක මන්ත‍්‍රීවරයා හා තුසිත දිලූම් කුමාර විදේශගත වීම වළක්වමින් නියෝගයක් නිකුත් කර තිබුණි.
දෙසැම්බර් 13 වැනි දින සහිතවම චම්පික රණවක මන්ත‍්‍රීවරයා ජාතික පොලිස් කොමිසමට ඔහුට එරෙහිව සිදුවන කුමන්ත‍්‍රණයක් පිළිබඳව පරීක්ෂණයක් කරන ලෙස ඉල්ලා ලිපියක් යොමු කර තිබුණි.
එම ලිපියේ ඇති කරුණු අනුව පෙනෙන්නේ සීසීඞීය අධිකරණයට කරුණු කිරීමට ප‍්‍රථම එම ලිපිය ලියන්නට ඇති බවය.
චම්පික රණවක මන්ත‍්‍රීවරයා එම ලිපියේ ශීර්ෂය ලෙස සඳහන් කරන්නේ කොළඹ මහේස්ත‍්‍රාත් අධිකරණයේ පැවති බී 791/07 දරන නඩුව විභාග කර අවසන් කර තිබියදී පොලිස් සේවය හා එහි සේවයේ නියුතු පොලිස් නිලධාරීන් භාවිත කරමින් ඉතා අසාධාරණ ලෙස ඔහුට එරෙහිව දේශපාලන පළිගැනීමක් කරමින් සිටින බැවින් ඒ පිළිබඳව විමර්ශනයක් පවත්වන ලෙසයි.
පසුගිය ජනාධිපතිවරණයේදී වත්මන් ජනාධිපති ගෝඨාභය රාජපක්ෂ ජනාධිපතිවරයා ලෙස පත් නොකළ යුත්තේ ඇයිද යන්න පිළිබදව දේශපාලන, සමාජීය හා සංස්කෘතික කරුණු පදනම් කරගනිමින් ප‍්‍රබල මතයක් ඔහු සමාජයට ඉදිරිපත් කළ බවද එය ඔහුගේ සිවිල් හා දේශපාලන අයිතිවාසිකමක් බවද සඳහන් කරන චම්පික රණවක මන්ත‍්‍රීවරයා, තවදුරටත් කියන්නේ ගෝඨාභය රාජපක්ෂ ජනාධිපතිවරයා ලෙස පත්කරන ලද දේශපාලන ප‍්‍රවාහය ඔහු කෙරෙහි පූර්ව ද්‍රෝහීත්වයක්ද, එකී පූර්ව ද්‍රෝහීත්වය පදනම් කොටගෙන ඔහුට එරෙහිව ද්වේශසහගත ලෙස පළිගැනීමේ ප‍්‍රවණතාවක්ද ක‍්‍රියාත්මක කරමින් තිබෙන බවය.
ඒ නිසාම ඉහත සඳහන් කරන ලද නඩුවේ පාර්ශ්වකරුවකු හෝ සාක්ෂිකරුවකු හෝ නොවන ඔහුගෙන් දේශපාලන වශයෙන් පළිගැනීමට පොලිස් දෙපාර්තමේන්තුවේ ඇතැම් නිලධාරීන් යොදවාගෙන කටයුතු කරන බව ඔහු සඳහන් කරයි.
අවසාන වශයෙන් චම්පික රණවක මන්ත‍්‍රීවරයා සඳහන් කරන්නේ පොලිස් කොමිසම මැදිහත්වී එහි මහජන පැමිණිලි ඒකකය මගින් මෙම කරුණ පිළිබඳව සාධාරණ විමර්ශනයක් කිරීම ආරම්භ කිරීම සඳහා නියෝගයක් කරන මෙන්ය.
එම ඉල්ලීම අනුව ජාතික පොලිස් කොමිසම විමර්ශනයක් පැවැත්වීමට තීන්දු කොට ඔහුට දැන්වුවහොත් දියත් වෙමින් පවතින අනීතික කුමන්ත‍්‍රණකාරී වැඩපිළිවෙළ පිළිබඳ නිශ්චිත තොරතුරු අදාළ ඒකකයට ඉදිරිපත් කිරීමට බලාපොරොත්තු වන බවත්, කොළඹ මහේස්ත‍්‍රාත් අධිකරණයේ බී 791/07 දරන නඩු වාර්තාවේ සහතික කළ පිටපතක් ලබාගත් පසු එය කොමිසමට ඉදිරිපත් කරන බවත් එතෙක් එම නඩු වාර්තාවේ පිටු කිහිපයක් ඉදිරිපත් කරන බවත් එහි වැඩිදුරටත් සඳහන් කර ඇත.
කොළඹ අපරාධ කොට්ඨාසය මහේස්ත‍්‍රාත් අධිකරණයට කරුණු වාර්තා කර චම්පික රණවක හා තුසිත කුමාර යන අයට එරෙහිව විදේශ ගමන් තහනමක් ලබාගැනීමෙන් පසු දෙසැම්බර් 14 දින මන්ත‍්‍රීවරයා පුවත්පත් සාකච්ඡුාවක් පවත්වමින් ප‍්‍රකාශ කරන්නෙ තමාට එරෙහිව දේශපාලන පළිගැනීමක් ආරම්භ වී ඇති බවත් තමා නිවැරදි හෙයින් අධිකරණයට ඉදිරිපත්වීමට හා මුහුණදීමට බිය නොවන බවත්ය. එමෙන්ම එකී නඩුවට අදාල 2016 වර්ෂයේදී රාජගිරියේදී සිදුවූ අනතුර පිළිබඳවද මන්ත‍්‍රීවරයා පැහැදිලි කරයි.
මේ සිද්ධි දාමය තවදුරටත් ඉදිරියට යන්නේ දෙසැම්බර් 15 වැනිදාය. එදින රාත‍්‍රියේ කොළඹ අපරාධ කොට්ඨාසයේ පොලිස් පරීක්ෂක අජිත් මෙත්තානන්ද ඇතුළු පිරිසක් ගාල්ල ඉම¥ව හවුපේ පල්ලියද්දිම නම්වූ ග‍්‍රාමයට යති. ඒ එදා එනම් 2016 වර්ෂයේදී ඉහත නඩුවට අදාල විදුලිබල හා බලශක්ති අමාත්‍යාංශයට අයත් වාහනය පැදවූවා යැයි කියනු ලබන රියදුරු තුසිත කුමාර සොයාගෙනය.
පොලීසිය කියන්නේ තුසිත කුමාරගෙන් ප‍්‍රකාශයක් ලබාගැනීමට එහි ගිය බවය. එම රාත‍්‍රියේ තුසිත කුමාරගේ නිවස සොයා යන තෙක් ඔහුගෙන් ප‍්‍රකාශයක් සටහන් කරගැනීමට අවශ්‍ය බවට දැනුම්දීමක් පොලීසිය කර තිබුණේ නැත. අඩුම තරමේ දෙසැම්බර් 13 දින මහේස්ත‍්‍රාත් අධිකරණයට කරුණු දැක්වූ අවස්ථාවේදීවත් පොලීසිය තුසිත කුමාරගෙන් ප‍්‍රකාශයක් ලබාගැනීමට අවශ්‍ය බව කියා තිබුණේ නැත.
සාමාන්‍ය ක‍්‍රමවේදය වන්නේ යම් විමර්ශනයක් සම්බන්ධයෙන් යම් පුද්ගලයෙකුගෙන් පොලීසියට ප‍්‍රකාශයක් සටහන් කරගැනීමට අවශ්‍ය නම් එම පුද්ගලයාට ඒ බව දැනුම් දී පොලිස් ස්ථානයට පැමිණ ප‍්‍රකාශයක් ලබාදෙන ලෙස කීමය. අදාල පුද්ගලයා එය මඟහරී නම් අධිකරණයට ඒ බව දන්වා අධිකරණ නියෝගයක් ලබාගෙන ප‍්‍රකාශයක් ලබාදීමට පැමිණෙන ලෙස ඉන්පසු දැනුම්දීම් සිදුකරන ලබයි.
තවද පොලිස් ස්ථානයට පැමිණ ප‍්‍රකාශයක් ලබාදෙන ලෙස කියනවා මිස ඒ ඒ පුද්ගලයන්ගේ ගෙවල්වලට ගොස් ප‍්‍රකාශ ලබාගැනීමද සාමාන්‍ය ලෙස පොලීසිය සිදු කරන්නේ නැත.
ස්විට්සර්ලන්ත තානාපති කාර්යාල සේවිකාවගේ සිද්ධියේදීද එම තානාපති කාර්යාලය කළ ඉල්ලීම ප‍්‍රතික්ෂේප කරමින් පොලීසිය කීවේ එහි සේවිකා ගානියා බැරිස්ටර් ෆ‍්‍රැන්සිස් අපරාධ පරීක්ෂණ දෙපාර්තමේන්තුවටම පැමිණ ප‍්‍රකාශ ලබාදිය යුතු බවයි.
පෙර දැනුම්දීමක් නොකර ප‍්‍රකාශයක් සටහන් කරගැනීමට යැයි කියා කොළඹ සිට කිලෝමීටර් 100ක් පමණ දුර ගෙවා කොළඹ අපරාධ කොට්ඨාසයේ නිලධාරීන් මහ ? තුසිත කුමාරගේ නිවසට ගියේ ඇයිද යන්න දන්නේ එම මෙහෙයුමට සම්බන්ධ වූ නිලධාරීන් හා ඔවුන්ට උපදෙස් ලබාදුන් අය පමණය.
මෙසේ මහ ? තුසිත කුමාරගේ ගෙදරට ගොස් ඔහු නොමැති නිසා මේ පොලිස් කණ්ඩායම ආපසු කොළඹ ආවා නම් කම් නැතැයි කිව හැක. එහෙත් ඔවුන් කරන්නේ ඊටත් වඩා නීති විරෝධී, නීතියෙන් ඔවුන්ට බලය නොපැවරුණ වැඩකි. ඒ තුසිත කුමාරගේ බිරිඳ වන ඉරේෂා ලක්මාලි, වයස අවුරුදු එකහමාරක් වයසැති දියණිය ලියදි විදීෂා හා මව වන ආර්.එන්. සුමනාවතී පොලිස් භාරයට ගෙන එම මැදියම් රැුයේ කොළඹ රැුගෙන ඒමය.
තුසිත කුමාර ඔහුගේ බිරිඳ මගින් ¥රකථන ඇමතුම් දී ඔවුන් සිටිනා තැනට ගෙන්වාගැනීම කොළඹ අපරාධ කොට්ඨාසයේ නිලධාරීන්ගේ වෑයම වී තිබුණි. මේ සා විශාල වෑයමක් පසුපස සැඟවුණු විශාල දෙයක් තිබූ බවට කිසිදු සැකයක් නැත.
කෙසේ හෝ තුසිත කුමාර බත්තරමුල්ල ජයන්තිපුර පිහිටි චම්පික රණවක මන්ත‍්‍රීවරයාගේ නිවසේ සිටින බවට නිගමනය කරමින් ඔහුගේ බිරිඳ, දියණිය හා මව එම ප‍්‍රදේශයට ගෙනවිත් පොලිස් බාරයේ රඳවාගෙන සිට ඇත.
දෙසැම්බර් 16 වැනිදා උදෑසන මේ බව මුලින්ම තහවුරු කරගෙන ඇත්තේ හිටපු ජනාධිපති සම්බන්ධීකරණ ලේකම් නීතිඥ ශිරාල් ලක්තිලකය. ඔහු ලියුම්කරුට කී ආකාරයට, තුසිත කුමාරගේ නිවැසියන් ඊට පෙරදින රාත‍්‍රියේ කොළඹ රැුගෙන ආ බව ඔහු දැන සිට ඇත.
දෙසැම්බර් 16 වැනිදා උදෑසන චම්පික රණවක මන්ත‍්‍රීවරයාගේ නිවස ආසන්නයේ සෞඛ්‍ය සංගම් කාර්යාලය අසල වාහන කිහිපයක් තිබෙන බව ශිරාල් ලක්තිලක මහතා දැක ඇත. ඒ පිළිබඳව විපරම් කිරීමේදී ඔහුට දැනගන්නට ලැබී ඇත්තේ එම එක් වාහනයක තුසිත කුමාරගේ පවුලේ අය රඳවාගෙන සිටින බවයි. ලක්තිලක මහතා ඒ අසල සිටි පොලිස් පරීක්ෂක මෙත්තානන්දගෙන් ඒ පිළිබඳව විමසා ඇත. මෙත්තානන්ද එම වාහනයේ සිටින්නේ තුසිත කුමාරගේ පවුලේ අය බව පිළිගෙන ඇත. ඉන්පසු ශිරාල් ලක්තිලක මහතා මෙත්තානන්ද මගින් කොළඹ අපරාධ කොට්ඨාසයේ ස්ථානාධිපතිවරයාට කථා කර එම නීති විරෝධී ක‍්‍රියාව ගැන විමසා ඇත.
එහිදී පොලිස් ස්ථානාධිපතිවරයාගෙන් ලැබුණු පිළිතුරු සෑහීමට පත්විය හැකි එකක් නොවූ නිසා, ශිරාල් ලක්තිලක ඇතුළු නීතිඥ පිරිසක් පෙර කී නඩුව මෝසමක් මගින් කැඳවා අධිකරණයට කරුණු වාර්තා කර ඇත. එහිදී කොළඹ අපරාධ කොට්ඨාසය තුසිත කුමාරගේ නිවැසියන් කොළඹ රැුගෙන ආ බව අධිකරණයේදී පිළිගෙන ඇත. නැවත ඔවුන් ගාල්ල ඉම¥ව ප‍්‍රදේශයට ගෙනගොස් ඇති බවද කියා ඇත. එම නිවැසියන් පොලීසිය සමඟ කොළඹ ආවේ තුසිත කුමාර සම්බන්ධ කරදීමට බවත්, නිවැසියන් එසේ කොළඹ ආවේ ස්වෙච්ඡුාවෙන් බවත්, පොලීසිය අධිකරණයට කියා ඇත.
මෝසමක් මගින් මෙම නඩුව කැඳවූ අවස්ථාවේදී අගතියට පත් පාර්ශ්වයේ නීතිඥවරුන්ගේ කරුණු දැක්වීම් හමුවේ කොළඹ අතිරේක මහේස්ත‍්‍රාත් කාංචනා නිරංජනා ද සිල්වා ප‍්‍රකාශ කර ඇත්තේ චම්පික රණවක මන්ත‍්‍රීවරයාට හා තුසිත කුමාර යන අයට විදේශ ගතවීමට අවශ්‍ය නම් අධිකරණයට දන්වා විදේශගත විය හැකි බවය.
චම්පික රණවකගේ හා තුසිත කුමාර ඇතුළු කිහිප දෙනෙකුගේ ජංගම ¥රකථන විශ්ලේෂණ වාර්තා ලබාදෙන ලෙස ¥රකථන සමාගම්වලට නියෝග ලබාදී ඇති අතිරේක මහේස්ත‍්‍රාත්වරිය මෙම නඩුව නැවත පෙබරවාරි 14 වැනිදා කැඳවීමටත්, විමර්ශනවල ප‍්‍රගතිය අධිකරණයට වාර්තා කරන ලෙසත් නියෝග කර ඇත.
කෙසේ හෝ බිරිඳ, දියණිය හා මව ස්වෙච්ඡුාවෙන් කොළඹ රැුගෙන ඒම පිළිබඳව තුසිත කුමාර මහතා වෙනුවෙන් ඔහුගේ නීතිඥයා ශ‍්‍රී ලංකා මානව හිමිකම් කොමිසමට පැමිණිලි කර ඇත. එම පැමිණිල්ල ඉදිරිපත් කර ඇත්තේ දෙසැම්බර් 16 වැනිදාය.
ඒ තුසිත කුමාරගේ බිරිඳ, දියණිය හා මව පොලිස් පරීක්ෂක අජිත් මෙත්තානන්ද ඇතුළු පිරිසක් නීතියේ නොමැති ආකාරයට අත්අඩංගුවට ගැනීම, රඳවා තබාගැනීම හා කොළඹ රැුගෙන යෑම පිළිබඳවය. එය ආණ්ඩුක‍්‍රම ව්‍යවස්ථාවේ ඇති ප‍්‍රතිපාදනයන්ට එරෙහිව පොලීසිය කටයුතු කිරීමක් බවත්, ඒ නිසා පැමිණිලිකරුගේ හා පැමිණිල්ලේ සඳහන් අයගේ (පැහැරගෙන රැුගෙන ආ පවුලේ උදවිය* මානව හිමිකම් කඩවීමක් බවත් පැමිණිල්ලේ සඳහන් කර තිබේ.
මේ මානව හිමිකම් කඩවීමට අදාලව වගකිවයුත්තන් ලෙස එම පැමිණිල්ලේ සඳහන් කර ඇත්තේ පොලිස් පරීක්ෂක අජිත් මෙත්තානන්ද, කොළඹ අපරාධ කොට්ඨාසයේ අධ්‍යක්ෂ හා නීතිපතිවරයාය.
එමෙන්ම එම මානව හිමිකම් පැමිණිල්ලෙන් තුසිත කුමාර තවදුරටත් සඳහන් කරන්නේ නව රජය බලයට පත්වීමත් සමඟම පාර්ලිමේන්තු මන්ත්රී විමල් වීරවංශ 2016 අවසන් වූ රිය අනතුරු නඩුව නැවත විමර්ශනය කරන බව මාධ්‍යයට පැවසූ බවයි. ඒ අනුව දේශපාලන හේතූන් මත මෙම අයුතු පැහැරගැනීම, රඳවා ගැනීම සිදුවී ඇති බව ඔහු සඳහන් කරයි.
මේ නාටකයේ මෙතෙක් දිගහැරුණු කොටස් එයාකාරය. පෙන්වන්නට බලාපොරොත්තුවෙන් සිටින කොටස් මොනවාදැයි දන්නේ එහි තිර රචකයන්ය. පුහුණු වූ එහෙත් රඟපෑමේදී කරගන්නට බැරිවූ දේවල්ද තිබුණා විය හැකිය. ගාල්ල ඉම¥වේ තුසිත කුමාරගේ නිවසට යෑමත්, ඔහුගේ බිරිඳ ඇතුළු පිරිස කොළඹට රැුගෙන ඒමත්, නැවත එම පිරිස ගාල්ලට ගොස් දැමීමත් යන සිදුවීම් මාලාව තුළ සමහර විට පිටපතේ වැරදුණු අවස්ථාද තිබිය හැකිය.
ඉහත කී සිදුවිම් පිටපත අනුව සිදුවූ සිදුවීම් නම් එය ඉතා භයානකය. මේ රටේ ප්රජාතන්ත්රවාදය අගයන, මානව හිමිකම් ගැන කථා කරන, ¥ෂණ වංචාවලට හා අපරාධවලට එරෙහි නීතිගරුක යුක්තිගරුක මිනිසුන්ට කරන අනතුරු හැඟවීමකි. නරක සංඥාවකි.
ඒ ප‍්‍රකාශ ලබාගන්නයැයි කියා පෙර දැනුම්දීම් නොකර ඕනෑම මොහොතක මැදියම් රැුයේ හෝ පොලීසිය නිවෙස්වලට පැමිණිය හැකි බැවිනි. ප‍්‍රකාශ ලබාගත යුතු තැනැත්තා නොසිටියේ නම් නිවැසියන් ප‍්‍රකාශ ලබාදිය යුත්තා එනතෙක් ‘ස්වේච්ඡුාවෙන්’ රැුගෙන ගොස් රඳවා තබාගෙන සිට ආපසු එවිය හැකි බැවිනි. (අනාවරණය නොවුණහොත් සමහරවිට ආපසු නොඑන්නටද පුළුවන.*
මේ සිදුවීම් අපට මතක් කරන්නේ නීතියේ හා යුක්තියේ ආධිපත්‍යය බිඳවැටුණ අනීතික හා අයුක්ති සහගත පසුගිය රාජපක්ෂ යුගය නොවේද?
