අතීතයේ සිට උතුරු නැගෙනහිර ප‍්‍රදේශවල දෙමළ භාෂාව කතා කළ අය සිටියේයැයි තමන් මාධ්‍යයට කළ ප‍්‍රකාශයෙහි අසත්‍යතාවක් ඇත්නම් ඕනෑම කෙනෙකුට ඒ බව පෙන්වා දෙමින් තමන්ගේ මතය වැරදියැයි ඔප්පු කළ හැකි බව උතුරු පළාත් හිටපු මහ ඇමති සී.වි. විග්නේෂ්වරන් අනිද්දාට පැවසීය.
එවිට තමන්ගේ වැරද්ද තේරුම් ගනිමින් එය පිළිගන්නා බවත් මෙසේ තමන් සිදු කළ ප‍්‍රකාශයක් මුල් කරගනිමින් තමන් අත්අඩංගුවට ගන්න යැයි ඉල්ලීම මානුෂීය කාරණයක් නොවන බවත් ඒ මහතා පැවසීය.
තමන්ගේ අදහස් ඉදිරිපත් කළ පමණින් තමන් ජාතිවාදියෙකු ලෙස නම් කරන බව ඒ මහතා පැවසීය. එසේ වුව තමන්ට සිංහල ජනතාව සමඟ කිසිම ආරවුලක් නැති බව ඒ මහතා පැවසීය
