අධිකරණ අමාත්‍ය නිමල් සිරිපාල ද සිල්වාගේ ප‍්‍රධානත්වයෙන් මැතිවරණ දෙපාර්තමේන්තුවේ නිලධාරීන් පිරිසක් සමග මැතිවරණ ප‍්‍රචාරණ වියදම් සීමා කිරීමට නීති සංශෝධනය කළ යුතු බවට කර ඇති ඉල්ලීම අධිකරණ අමාත්‍යවරයා මඟහැර ඇතැයි වාර්තා වේ.
අධිකරණ අමාත්‍යාංශයේදී මැතිවරණ පැවැත්වීමට අදාල නීතිරීතිවල කඩිනමින් කළ යුතු සංශෝධන මොනවාදැයි සාකච්ඡුා කිරීම සඳහා රැුස්වීමක් දෙසැම්බර් 17 වැනිදා පවත්වා ඇති අතර එහිදී මෙසේ සිදුවී ඇත. එම සාකච්ඡුාව අධිකරණ අමාත්‍ය නිමල් සිරිපාල ද සිල්වාගේ ප‍්‍රධානත්වයෙන් පවත්වා ඇත. ඊට අමතරව නීතිපති දෙපාර්තමේන්තුවේ නිලධාරීන්, නීති කෙටුම්පත් දෙපාර්තමේන්තුවේ නිලධාරීන් හා මැතිවරණ දෙපාර්තමේන්තුවේ නිලධාරීන් පිරිසක් සහභාගි වී තිබේ.
මැතිවරණ දෙපාර්තමේන්තුවේ නිලධාරීන්ගෙන් ක්ෂණිකව කළ යුතු නීති වෙනස්කම් පිළිබඳව අමාත්‍යවරයා විමසා ඇති අතර එම නිලධාරීන් යෝජනා කිහිපයක් ඉදිරිපත් කර තිබේ. මැතිවරණ ප‍්‍රචාරණ වියදම් සඳහා නීතිරීති හඳුන්වාදීම, වයස අවුරුදු 18ට ලැබීමට නියමිත ඡුන්දදායකයන් ඡුන්දහිමි නාමලේඛනයෙහි ලියාපදිංචි කිරීමේදී අවුරුදු 18 පිරුණු දිනයේ සිට ඡුන්දය පාවිච්චි කළ හැකි අන්දමට නිතිරීති වෙනස් කිරිම, මාධ්‍ය උපමාන උල්ලංඝනය පිළිබඳව පෞද්ගලික මාධ්‍ය ආයතනවලට අදාලව පියවර ගත හැකි වීම, පළාත් සභා මැතිවරණ පනතේ ගැටලූ විසඳීම, ඡුන්දපොළෙන් පිටතදී ඡුන්දය පාවිච්චි කළ හැකි පරිදි නීති වෙනස් කිරීම ආදි යෝජනා කිහිපයක් එහිදී මැතිවරණ දෙපාර්තමේන්තුවේ නිලධාරීන් ඉදිරිපත් කර තිබේ.
එසේ ඉදිරිපත් කර ඇති යෝජනා අතරින් මැතිවරණ ප‍්‍රචාරක වියදම් පිළිබඳ නීතිරීති වෙනස් කිරීම කඩිනම් අවශ්‍යතාවක් නොවන බව දක්වමින් එය මඟහැර, අනෙක් නීතිරීති වෙනස් කිරීම පිළිබඳව සාකච්ඡුා කර ඇති බවත් එම සාකච්ඡුාවට සහභාගි වූ නිලධාරියෙක් අනිද්දා සමග ප‍්‍රකාශ කළේය.
මැතිවරණයකට ඉදිරිපත් වන අපේක්ෂකයන්ගේ ප‍්‍රචාරක වියදම් පිළිබඳ සීමා පැනවීම, ඔවුන්ගේ වියදම් පිළිබඳව ගිණුම් වාර්තා අධීක්ෂණය කිරීම හා සීමාව ඉක්මවමින් වියදම් කරන අපේක්ෂකයන් සම්බන්ධයෙන් නීතිමය පියවර ගැනීම එම නීතිරීතිවල අරමුණ වේ.
