දැන් දකුණේ බොහෝ නගරවල, හන්දිවල, තාප්ප ග‍්‍රැෆිටි චිත‍්‍රයෙන් නැතිනම් වීදි කලාවෙන් හැඩවෙමින් යන රැුල්ලක් ඇවිත්. මේ රැුල්ල පටන් ගත්තේ දක්ෂිණ අධිවේගී මාර්ගයට සවිය දෙන කුරුඳුගහහැතැක්මේ පාලම යට ඇන්ද චිත‍්‍රවලින් කිව්වොත් හරියටම හරි. ඉතිං මේ රැුල්ලට මුල පිරූ තරුණයෝ කණ්ඩායම ගැන සෙවිල්ලෙන් ඉන්නකොට තමයි දැක්කේ දක්ෂිණ අධිවේගී මාර්ගයේම තවත් පාලමක් වුණ (කුරුඳුගහට ආසන්න* අලූත්ගම ඇල්පිටිය මාර්ගයේ නවඳගල අටකොහොට මංසන්දියේ පාලම යට චිත‍්‍ර අඳින පිරිස. ගිහිං ටිකක් කතාබහ කරනකොට තමයි තේරුණේ නවඳගල ගමේ තරුණයෝ කණ්ඩායමක් එක්ක කුරුඳුගහ චිත‍්‍ර ඇඳපු කණ්ඩායමත් මෙතන වැඩ කියලා.
අලූත්ගම ඉඳලා ඇල්පිටිය පැත්තට යනකොට දකුණු අත පැත්තේ බිතුසිතුවමින් හැඩ කරන්නේ නවඳගල ගමේ තරුණයින් පිරිසක්. වම්පස බිතු සිතුවම් කරන්නේ කුරුඳුගහ චිත‍්‍ර ඇඳපු කණ්ඩායමමයි. ඉතිං මම කතාවට වැටුණා. තවමත් වැඩ නිම නොවුණ මෙම ස්ථානයේ චිත‍්‍ර ගැන මේ වෙනකොට ෆෙස්බුක් වගේ සමාජ මාධ්‍යවල ලොකු කතාබහක් ආරම්භ වෙලා තිබෙනවා. ඒ මෙම පාලම යට දකුණු පස බිත්තිය රණවිරුවන් වෙනුවෙන් සම්පූර්ණයෙන්ම වෙන්වීම හේතු කරගෙන සහ සමහර සිතුවම්වල තිබෙන චිත‍්‍රමය අඩුපාඩු නිසා! කොහොම වුණත් අපි රටේ ලොකු කතාබහකට හේතුවෙලා තියෙන මේ ග‍්‍රැෆිටි කලාව නැතිනම් වීදි චිත‍්‍ර කලාව ගැන කතාව පටන්ගත්තා.
අපි ලොකු රැල්ලක් හැදුවා
‘අපි කුරුඳුගහ පාලම යට චිත‍්‍ර අඳින්න පටන්ගත්තේ මේ අවුරුද්දේ ඔක්තෝබර් මාසේ පළවෙනි දා. අපි දවස් 27ක් ඇතුළත ඒ වැඬේ සම්පූර්ණයෙන්ම ඉවර කළා. වෙළඳ සංගමය තමයි අපිට සහාය දුන්නේ. මේක ලොකු ටේරන්ඞ් එකක් වුණා. ඇත්තම කියනවා නම් අපි ඒක, සෝෂල් මීඩියාවල ඒ ටේරන්ඞ් එක හැදුවා. අපේ අරමුණ වෙන මොකවත් නෙවෙයි අපේ රට ලස්සන කිරීම. අපි මේ වගේ දේවල් දියුණු රටවලට ගියාම දකිනවා. ඉතිං අපිට ඕනෑ වුණා ඒ තත්ත්වය ලංකාවට ගේන්න. මෙහෙම ලස්සන චිත‍්‍ර ඇඳලා නගරයක් පාරක් ලස්සන කළාම මිනිස්සුන්ට පෝස්ටර් ගහන්න, බුලත් කෙළ ගහන්න, ටොෆී කොළයක් චොකලට් කොළයක් පාරට දාන්න හිතෙන්නේ නෑ. ඒ ආකල්පමය වෙනස හදන්න තමයි අපි මේ වැඬේ පටන් ගත්තේ. කියන්න සන්තෝෂයි දැන් ඒක ලංකාව පුරා පැතිරෙමින් යනවා.’
ලක්ෂාන් තමයි කුරුඳුගහ සිතුවමින් හැඩකළ වැඬේ ප‍්‍රමුඛයා. ලක්ෂාන් කියන විදිහට සිත්තර බාසුන්නැහේලා එක්ක සම්පූර්ණ කණ්ඩායම 150ක් විතර ඒ වැඬේට වෙහෙසෙලා තිබෙනවා. ප‍්‍රදේශයේ ජනතාවත් මේ වීදි සිත්තරුන්ට ලොකු සහායක් දීලා තිබෙනවා.
මොකද්ද මේ වීදි චිත‍්‍රය
මොකද්ද මේ වීදි චිත‍්‍රය කියලා ඒ ගැන ලෝක තත්වය කොහොමද කියලා ටිකක් හෙව්වා නම්, ලංකාවේ දැන් මේ ඇතිවෙලා තියෙන රැුල්ල ගැන අපිට තේරුම් ගන්න පොඩි කවුළුවක් හදාගන්න පුළුවන්. අටකොහොට අධිවේගී මාර්ගය යට මේ කොටසේ චිත‍්‍ර අඳින්න අද ගැහැනු ළමයි තුන්දෙනෙකුත් එකතුවෙලා ඉන්නවා. එක්කෙනෙක් පලංචියක් උඩ නැගගෙන සිතුවමක් සායම් මතින් මතුකරගනිමිනුයි ඉන්නේ. මේ තරුණ උද්යෝගයට හේතුව මොකද්ද? මේ අලූත් පරපුරට මේ රට වෙනස් කරන්න තියෙන උවමනාව තමයි මෙතන තියෙන්නේ. ඒ නිසා කොරැුහෙත් කිඹුල්ලූ නොදැක අපි මේ රැුල්ල දිහා මැදහත්ව බලන්න ඕනෑ. මේ රැුල්ලේ අඩුපාඩු, නොවිය යුතු දේවල් එමට තියෙනවා. හොඳ සංවාදයක් අස්සේ අපිට පුළුවන් වෙයි ඒ නරක අහක්කරලා හොඳ වීදි චිත‍්‍ර කලාවක් මතුකරලා ගන්න.
ස්ටී‍්‍රට් ආට් කියන්නෙ පොදු ස්ථානවල නිර්මාණය කරන ලද දෘශ්‍ය කලාවට. ලෝකෙ හැම රටකින්ම වගේ හොයාගන්න පුළුවන් කලාවක් මේක. මේ කලාවටත් අරමුණක් තියෙනවා. මේ ඇඳීම්, ස්පේ‍්‍ර කිරීම් කරන්නේ දැනුවත් කරන්න. ප‍්‍රචාරණය මූලික අරමුණක් මේ කලාව එක්ක බැඳුණු. ඒකෙන් කියවෙන්නේ නෑ සෞන්දර්යාත්මක අරමුණු මේ කලාවට නැහැ කියලා. උත්තුංග ප‍්‍රචාරණ අරමුණක් එක්ක උත්තුංග සෞන්දර්යාත්මක අරමුණක් බැඳුණාම හොඳ ස්ටී‍්‍රට් ආට් එකක් බිහිවෙනවා. ග‍්‍රැෆිටි, මූර්ති කලාව, පෝස්ටර් කලාව, ත‍්‍රිමාන බිත්ති ග‍්‍රැෆිටි, ස්ටිකර් විදී චිත‍්‍ර, ස්පේ‍්‍ර පේන්ට් මියුරල්ස්, මොස් ආට් වගේ අනුශාඛා ගොඩකට මේ කලාව කඩන්න පුළුවන්. ඉතිං කෙටියෙන් කියන්න ඕනෑ වුණේ අද වෙනකොට ලෝකයේ බොහෝ නගරවල දියුණු නාගරික කලාවක් වෙලා මේක, කියන එකයි.
ඒ බොහෝ තැනක මේ කලාවේ නිරත සිත්තරුන් මේ කලාව පාවිච්චි කරන්නෙම ලොකු අරමුණක් ඇතිව. ඇමරිකාවෙ කල්ලෝ තමන්ට වර්ණ වෙනස නිසා විඳින්න වෙලා තියෙන ගැහැටට මේ වීදි චිත‍්‍රය හරහා විරෝධයක් ඇවිළෙව්වා. යුරෝපයේ වීදි සිත්තරුන් අද දේශගුණික වෙනස නිසා ලෝකයේ පැවැත්ම අනතුරේ කියලා, අපි වහාම වෙනස් වෙන්න ඕනෑ කියලා පණිවිඩ දෙන්න ගොඩාක් වෙලාවට මේ කලා මාධ්‍ය භාවිත කරනවා.. ඇත්තටම කියනවා නම් නිතරම ඇහැ අස්සෙන් ඔළුව පසාරු කරන උණ්ඩයක් වගේ තමයි නිතරම මේ කලාව වැඩ කරන්නේ. ඒ නිසාම අපි සමාජයක් විදිහට මේ දෙන පණිවිඩය ගැන හිතන්න ඕනෑ. අපි තනි තනියෙන් හිතලා අපිට ඕනෑ හැම එකම අඳින්න ගියොත් ජාතියම කම්බස්..!
රණවිරු වන්දනය
අපි මේ කතාකරන පාලම යට ඇඳලා තියෙන රණවිරුවෙක් ඔසවාගෙන යන කාන්තාවගේ චිත‍්‍රය, ජනරාල් කොබ්බෑකඩුවගේ චිත‍්‍රය, සිංහයා, දැනට ඇඳගෙන යමින් සිටින රණවිරු නීරෝගේ සිතුවම නිසා සමාජ මාධ්‍යයේ ලොකු කතාබහක් ඇති වෙලා. ගොඩාක් දෙනෙක් මේක අපේ සාමූහික සමාජ පැවැත්ම සහ සිතීම ජාතිවාදයෙන් අන්ධ කරන්න හේතුවෙනවා කියලා කියනවා. ඒක ඇත්ත. යුද්ධය නිසා ලොකු හානියක් කරගත්ත ජාතියක් අපි. අපි කවුරුවත් නැවත යුද්ධයක් අරමුණු කරන්නේ නෑ. මේ යුද්ධය එකම රටක් ඇතුළේ සහෝදර ජනවර්ග දෙකක් ඇතුළේ හටගත් යුද්ධයක් නිසා මෙවැනි චිත‍්‍රණයන් ගැන අපි ටිකක් ගැඹුරට හිතන්න ඕනෑ කියන එකයි මගේ අදහස.
උතුරත් මේ චිත‍්‍ර ආභාසයට අරගෙන ඔවුන්ගේ වීරයෝ වුණ ප‍්‍රභාකරන්, තිලීපන්, පොට්ටු අම්මාන් වගේ අයගේ චිත‍්‍ර මේ විදිහට අඳින්න ගත්තොත් අපි ඒක බාර ගන්නේ කොහොමද? මම හිතන්නේ අපි ඒක හිතන්න ඕනෑ.
වීරකැප්පෙට්ටිපොළ ඇන්දාට ඒක ලොකු ප‍්‍රශ්නයක් නෙවෙයි, මොකද ඔවුන් සටන් කළේ යටත් විජිතවාදයට විරුද්ධව. එතකොට ඒක සිංහල දෙමළ මුස්ලිම් සමාජ තුනටම බාර ගන්න අමාරු නෑ. බොහෝ තැනක මම දැක්කා මේ කාන්තාවක් වඩාගෙන ඉන්න හමුදා සෙබලාගේ සිතුවම ප්‍රොපෝෂන්ස් වරද්දගෙන කැතට ඇඳපු එකක් කියලා නොයෙක් විදිහේ විවේචන එල්ලකරනවා. ඔව්, වැරදි පරිමාණවලට ඇඳීම ඇසට ප‍්‍රිය නැහැ. ඒ ගැනත් මේ සිත්තරුන් සහ මේ වැඬේ පිටුපස ඉන්න අය කල්පනා කරන්න ඕනෑ. කොහොම වුණත් මේ රණවිරුවන් ඇඳීම ගැන එල්ලවෙන විවේචනය ගැන මම ලක්ෂාන්ගෙන් ඇහුවා. ඔහු දුන්නේ මේ වාගේ පිළිතුරක්..
‘අපි හැමෝටම අතීතයක් තියෙනවා. අතීතය අමතක කරපු ජාතියකට පැවැත්මක් නැහැ. ඉතිං මම ඒ විවේචනය ගැන එච්චර හිතන්නේ නෑ.’ මේක ටිකක් සැර ප‍්‍රකාශයක්. මට නම් හිතෙන්නේ අපි මීට වඩා ටිකක් මැදහත්ව මේ ප‍්‍රශ්නය දිහා බලන්න ඕනෑ.
මූල්‍ය අනුග‍්‍රහය
‘අපිට කුරුඳුගහ චිත‍්‍ර දැක්කාම තමයි මෙතනත් එහෙම අඳින්න ඕනෑ කියලා හිතුණේ. ඇල්පිටියේ ප‍්‍රදේශීය සභා ඡුන්දය ඉවරවුණ ගමන් අපි මෙතන ගහලා තිබුණ පෝස්ටර් ගලවලා වැඬේ පටන් ගත්තා. අපිට මේ වැඬේට කොරියාවෙ ඉන්න ලංකාවේ මිනිස්සු සෑහෙන්න උදව් කරනවා. කැලණියේ ඉඳලා ආ උදිත කියලා මහත්තයෙක් අපිට තීන්ත පින්සල් ගෙනල්ලා දුන්නා. ගමේ අයත් මාර උනන්දුයි. අපේ එකම අරමුණ පෝස්ටර්වලින් තොරව මේක ලස්සනට පවත්වාගෙන යෑම.‘ මේ හඬ නවඳගල මේ වැඬේ කරට අරගෙන කරගෙන යන චාමරගේ. ඔවුන් සැමට තියෙන්නේ පෝස්ටර්වලින් හැඩි නොවුණ ලස්සන ලංකාවක් ගැන හීනයක්..!
කියන විදිහට ඔවුන්ට දේශපාලනික අරමුණක් නෑ. ඒත් ඇඳෙන ගොඩාක් චිත‍්‍රවලට දේශපාලනයක් තියෙනවා. ඒක ගැන අපි හැමෝම නැවත සිතන්න ඕනෑ. ලස්සන වීදියක් කියන්නේ බෝම්බ තවානක් වෙන්න බෑ. ඒ නිසා මේ ලස්සන වැඬේ තවත් ලස්සන කරගන්න මේ තරුණයන්ට දැනුම පහළ වෙන්න ඕනෑ.
කුරුල්ලන්ගේ අසූචි නිසා චිත‍්‍රවලට වෙන හානිය අවම කරන්න තහඩු ආවරණයක් හදලා. ඊට අමතරව මේ චිත‍්‍ර හැම එකක්ම ජල ආරක්ෂිත රසායනිකයකින් ආරක්ෂා වෙනවා. වැඬේ එහෙමයි යන්නේ.
පාසලේ ඉඳලා චිත‍්‍ර ඇන්දා
ඇල්පිටිය නවඳගල ක‍්‍රිෂාන් සංජය තමයි මේ රණවිරුවන් චිත‍්‍රයට නඟන සිත්තරා. ඔහු අනිද්දා සමග කතා කළා. ‘මම පාසල් යන කාලේ ඉඳලාම චිත‍්‍ර ඇන්දා. මම දැනට රස්සාව විදිහට කරන්නේ මංගල සැරසිලි කර්මාන්තය. ගමේ කට්ටිය කිව්වාට පස්සේ මම අඳින්න පටන්ගත්තා. ගමේ අය උනන්දුයි. අපිට ඕනෑ හැම දෙයක්ම දෙනවා. මමත් ඉතිං හිතන්නේ, මේ චිත‍්‍රවලින් ලංකාව ලස්සන කරන්න ඕනෑ කියලා.’
ගමේ මිනිස්සු දහපහළොවක් හැම වෙලාවෙම වටවෙලා බලාගෙන ඉන්නවා. ඔවුන් කන්න බොන්න හැම අවශ්‍යතාවක්ම සොයලා බලලා කරලා දෙනවා. ග‍්‍රැෆිටි කිව්වාට මේ සමහර චිත‍්‍රවල තියෙන්නේ අපේ පැරණි තොරන් චිත‍්‍ර. වර්ණ භාවිතාවන් වුණත් එහෙමයි. ඇල්පිටිය, කරන්දෙණිය, බොරකන්ද, අවිත්තාව, ඌරගහ වගේ ප‍්‍රදේශවලින් සිත්තර තරුණ තරුණියන් මේ වැඬේට බැහැලා ඉන්නවා.
‘මම දැනට එන්එස්බීඑම් යුනිවර්සිටි එකේ ඉගෙන ගන්නවා. අපි තමයි කුරුඳුගහ පාලම යට චිත‍්‍ර ඇඳලා මේ වැඬේ රැුල්ල හැදුවේ. ඉතිං සංතෝෂයි. මිනිස්සු වෙනස් වෙලා. මේ රට පිරිසිදුවට තියාගන්න හිතනවා නම් ඒක තමයි මේක හරහා වෙන්න ඕනෑ.’ කුරුඳුගහ පාලම යට සිතුවම් ඇන්ද ප‍්‍රධාන සිත්තර බාසුන්නැහේ, පසිඳු විශ්වජිත්ගේ හඬ තමයි ඒ.
මම මේ ස්ථානයට යනකොට ඔහු සහ ක‍්‍රිෂාන් එක්ක තවත් ගැහැනු ළමයි තුන් දෙනෙක් චිත‍්‍ර අඳිමින් සිටියා. ඔවුන් බොහෝ දෙනෙක් කීවේ මුල ඉඳලාම මේ වැඬේ එක්ක එකතුවෙන්න පුදුම ආසාවකින් හිටියා කියලා. ඉතිං ඔන්නොහොම තරුණ උනන්දුවකින් තමයි වැඬේ යන්නේ. ඉතිං වැඬේ මරු කියලා කියන ගමන් කියන්නේ අපි දෙන්න හදන මැසේජ් එක ගැනත් හිතන්න කියලායි. මල් හිටෙව්වාට වැඩක් නෑ ඒ මල් ගස්වල මුල්වලින් ග්‍රෙනේඞ් අල බහිනවා නම්..!!
ඒ නිසා අන්තිමට මෙහෙම කියන්නම්. ලෝකයේ ඉන්න මේ කලාවේ මුදුනා නැත්තං කප්පිත්තා තමයි ‘බැන්ස්කි’. ස්ටෙන්සිල් කපාගෙන ඇවිත් ස්පේ‍්‍ර කෑන්වලින් පාට ස්පේ‍්‍ර කරලා තමයි ඔහු වීදි චිත‍්‍ර අඳින්නේ. ඒවා සුටුස් ගාලා පොලිසියට හොරා කෙරෙන වැඩ. ‘බැන්ස්කි’ කියන්නේ කවුද කියලා ලෝකය තාම හරියට අඳුරන්නේ නෑ. ඒ මිනිහා තමන්ගේ කලාව සැඟවෙලා කරන නිසා. ඇන්දා පැන්නා. ඒකයි ඔහුගේ තියරිය. මොකද තාප්පවල චිත‍්‍ර ඇඳීම බටහිර රටවල අනීතිකයි. ඒ නිසාම බැන්ස්කි කිහිප සැරයක් අත්අඩංගුවට පත්වුණා කියලාත් කියනවා. ඒ කොහොම වුණත් අද බැන්ස්කිගේ ආර්ට් එකක් මිලියන ගනින් අලෙවි වෙනවා. ඔහු එච්චර ලෝකයට වටින්නේ ඇයි? ඒ ඔහු තමන්ගේ ආර්ට් එක අස්සේ දෙන මැසේජ් එක නැතිනම් පණිවිඩය නිසා. ඒක සිල්ලර නෑ..!! ඍ්ටැ ත්‍කදඇර ඔයරදඇර, ඊ්කකදදබ ටසරක, ඨසරක ීැ්රජයසබට ීදකසාැර, භ්නැා ඵ්බ වගේ ‘බැන්ස්කි‘ගේ ලෝක ප‍්‍රසිද්ධ ග‍්‍රැෆිටි පොඞ්ඩක් ඉන්ටර්නෙට් එකේ සර්ච් කළා නම් ඒ පණිවිඩය කොහොමද කියලා හොයාගන්න අමාරු නෑ.
මේ වීදි කලාකරුවන් ඒ දැනුමින් සන්නද්ධ වෙන්න ඕනෑ. ඔවුන් ලෝකය දිහා පටු කෝණයකින් නොබලා පුළුල් කෝණයකින් බලලා මේ රැුල්ල පොඞ්ඩක් වෙනස් පැත්තකට හැරෙව්වොත් මේ රැුල්ල අවසානයේ ඇත්තටම මේ වීදිවල මල් පිපෙයි. එහෙම නැතිවුණොත් වර්ගවාදය ආගම්වාදය වීදි පුරා සැරිසරනවා ඇති.
