කුරුණෑගල ශික්ෂණ රෝහලේ වෛද්‍යවරයෙකු ලෙස සේවය කරමින් මව්වරුන්ට වඳ සැත්කම් කළ බව කියන වෛද්‍ය මොහොමඞ් සාෆි පිළිබඳව අපරාධ පරීක්ෂණ දෙපාර්තමේන්තුව කටයුතු කළ ආකාරය අසාධාරණ බවත්, එම සිදුවීම පිළිබඳව පැහැදිලි විමර්ශනයක් සිදුකරන ලෙසත් ඉල්ලමින් යුක්තිය උදෙසා මව්වරු නම් සංවිධානයක් පෙරටු කරගත් නීතිඥයන් පිරිසක් දෙසැම්බර් 03 වැනිදා ජාතික පොලිස් කොමිෂන් සභාවට පැමිණිල්ලක් ඉදිරිපත් කර තිබුණි.
මූලික වශයෙන් එම පැමිණිල්ලෙන් චෝදනා එල්ල කර තිබුණේ අපරාධ පරීක්ෂණ දෙපාර්තමේන්තුවේ හිටපු අධ්‍යක්ෂ ශානි අබේසේකර, සමූහ මංකොල්ල අංශයේ හිටපු ස්ථානාධිපති නිශාන්ත ද සිල්වා, අපරාධ පරීක්ෂණ දෙපාර්තමේන්තුවේ සහකාර පොලිස් අධිකාරි බී. තිසේරා ඇතුළු නිලධාරීන් පිරිසක් වෛද්‍ය සාෆිට පක්ෂපාතීව කටයුතු කළ බවය.
එම පැමිණිල්ලෙහි කරුණු 14ක් සීඅයිඞී නිලධාරීන්ට එරෙහිව ඉදිරිපත් කර ඇත. ඒ අතර තිබෙන්නේ සීඅයිඞී නිලධාරීන් පිළිබඳව විත්ති පාර්ශ්වයේ නීතිඥවරුන් ඇගයීමට ලක් කළ බවය. ඒ කරුණු කිසිවකින් සීඅයිඞී නිලධාරීන් අගතිගාමී ආකාරයට ක‍්‍රියා කරන බව තහවුරු කළ නොහැකිය. අප ඒ කරුණු එකිනෙක ගැන මෙහි සාකච්ඡුා කරන්නේ නැත. කෙසේ වෙතත් ඒ කරුණු අතර ඇති පළවැනි කාරණය වන්නේ එස්.එච්.ජී. පරීක්ෂණ ගැනය.
වෛද්‍ය සාෆි පිළිබඳ කුරුණෑගල මහේස්ත‍්‍රාත් අධිකරණයේ විභාගය දෙසැම්බර් 12 වැනිදා කැඳවීමට නියමිතව ඇත. මේ වෙද්දි සීඅයිඞීයේ නිලධාරීන් සම්පූර්ණයෙන්ම වෙනස් වී ඇති නිසා නඩුව පිළිබඳව සීඅයිඞීයේ ප‍්‍රවේශය සම්පූර්ණයෙන්ම වෙනස් විය හැකිය. ඉහත කී පැමිණිල්ල ඉදිරිපත් වෙන්නේ ඒ අතරය. ඒ පැමිණිල්ලේදී එස්.එච්.ජී. පරීක්ෂණ ගැන ඉදිරියෙන්ම සඳහන් කර තිබීම අහම්බයක් නොවේ. වෛද්‍ය සාෆිට එරෙහි ඇති චෝදනාවලට අදාල ඇත්ත නැත්ත සෙවීමේ මාර්ගය වන්නේ එම පරීක්ෂණයයි.
‘ප‍්‍රජනන පද්ධතියේ අවයවවල ක‍්‍රියාකාරීත්වය අඩපණ කිරීම තහවුරු කළ හැකි නිවැරදිම ක‍්‍රමය එස්.එච්.ජී. බව හඳුනාගැනීමකින් හා විශේෂඥ උපදෙස් ලබාගැනීමකින් තොරව අපරාධ පරීක්ෂණ දෙපාර්තමේන්තුවේ වෛද්‍ය සාෆිගේ ඉල්ලීම වන එකී පරීක්ෂණය පැවැත්වීම සඳහා දිගින් දිගටම ඉල්ලා සිටීම හා එකී පරීක්ෂණය තාවකාලිකව නවතා තිබියදී කිහිප අවස්ථාවකම ගරු අධිකරණයට මෝසම් ගොනු කරමින් එස්.එච්.ජී. පරීක්ෂණය පැවැත්වීම සඳහා අවසර ඉල්ලා සිටීම.‘ එම පැමිණිල්ලෙහි පළවැනි චෝදනාව ලෙස එසේ සඳහන්ය. මෙම කරුණෙන් වෛද්‍ය සාෆිට චෝදනා එල්ලකරන පාර්ශ්වයන්ගේ සැබෑ නිරුවත හෙළිවෙයි. ඔවුන් මේ උත්සාහ කරන්නේ වෛද්‍ය සාෆිට එල්ලකරන චෝදනා ඇත්තද බොරුද යන්න දැනගැනීමට ඇති මාර්ගය ගැන සමාජය තුළ සැකයක් ඇති කිරීමය.
මේ පරීක්ෂණය පැලෝපීය නාලය අවහිර කළාද නැද්ද යන්න සොයාගැනීම සඳහා කළ හැකි පරීක්ෂණයයි. ලංකාවේදී ඒ පරීක්ෂණය කළ හැකිය. පරීක්ෂණයෙන් පසුව පැලෝපීය නාල අවහිර වී ඇති බව ඔප්පු වුණොත්, කතාව අහවරය. සාෆි වැරදිකරුවෙකි. එහෙත් ඒ පරීක්ෂණයෙන් පැලෝපීය නාල අවහරි වී නැති බව ඔප්පු වුණොත් වෛද්‍ය සාෆිට එරෙහිව ජාතිවාදී චෝදනා එල්ලකළ සියල්ලන්ගේ සැබෑ ස්වරූපය හෙලිවෙයි.
අපේ තර්ක බුද්ධිය මෙන්ම වෛද්‍ය සාෆි පිළිබඳ නඩුවේ මෙතෙක් ඉදිරිපත් වූ සාක්ෂි අනුව අපගේ අදහස නම් වෛද්‍ය සාෆිට එල්ලකර තිබෙන චෝදනාව සැබෑවක් විය නොහැකි බවයි. කොහොම වුණත්, අපේ විශ්වාසය ඇත්තක්ද බොරුවක්ද යන්න තේරුම් ගන්නට නම් අප කලින් කී එස්එච්ජී පරීක්ෂණය කර ඇත්ත නැත්ත සොයාගත යුතුය. එතැනින් මේ කතාවට සරල විසඳුමක් ලැබෙනු ඇත. ඉහත කී මව්වරුන්ගේ සහ නීතිඥවරුන්ගේ පැමිණිල්ලෙන් බාධා කරන්නේ එම විසඳුමටය.
මේ පරීක්ෂණය සිදුකිරීම නැවැත්වීමට ගත් පළවැනි උත්සාහය මෙය නොවේ. මීට පෙර කිහිප වතාවක්ම එස්.එච්.ජී. පරීක්ෂණ නැවැත්වීමට ඉහත කී කණ්ඩායම උත්සාහ ගෙන තිබුණි. ජුනි 27 වැනිදා අධිකරණයේදී කරුණු දක්වමින් කුරුණෑගල රෝහල් අධ්‍යක්ෂ සරත් වීරබණ්ඩාර මහතාද එස්.එච්.ජී. පරීක්ෂනවලට විරුද්ධව කතාකර තිබුණි. ඉන්පසුව ජුනි 30 වැනිදා කරන්නට නියමිතව තිබුණු එස්.එච්.ජී. පරීක්ෂණ කල්දැමීමට අධිකරණය කටයුතු කර තිබුණි. එදා ඒ පරීක්ෂණ කළා නම් කතාවේ ඇත්ත නැත්ත අදටත් හෙළිදරව් වී හමාරය.
එස්.එච්.ජී. පරීක්ෂණ භයානක බව ජුලි 6 වැනිදා උදෑසන 9ට කුරුණෑගල ඇත්කඳ විහාරයේ පැවති රැුස්වීමකදී මව්වරුන්ව කැඳවා රැුස්වීමක් පැවැත්වී නීතිඥවරුන් පිරිසක්ද කියා තිබුණි. එස්එච්ජී පරීක්ෂණයට ඉදිරිපත් නොවන ලෙසත්, එය මාරාන්තික පරීක්ෂණයක් බවත් කියමින් නීතිඥවරුන් එහිදී මව්වරුන් බිය ගන්වා ඇත. ඒ ගැන සීඅයිඞීය අධිකරණයට කරුණු ඉදිරිපත් කර තිබුණි.
ඒ ආකාරයට එස්.එච්.ජී. පරීක්ෂණවලට එරෙහිව බිය නිර්මාණය කරද්දී සීඅයිඞීය ඒ පිළිබඳව විශේෂඥ මතය විමසා තිබුණි. පොලිස් කොමිසමට ඉදිරිපත් කළ පැමිණිල්ලේ ඇති පරිදි, ඒ පිළිබඳ විශේෂඥ මතය නොවිමසා සිටීමට සීඅයිඞී නිලධාරීන් උත්සාහ කර තිබුණේ නැත.
එස්එච්ජී පරීක්ෂණයෙන් ආසාත්මිකතා ඇතිවන්නේද නැද්ද යන්න ගැන පසුගිය වසර පහක තොරතුරු ලබා දෙන ලෙස ප‍්‍රධාන රෝහල් කිහිපයකින් සීඅයිඞීය ඉල්ලීමක් කර ඇත. රජයේ ශික්ෂණ රෝහල් 6කින් හා පුද්ගලික රෝහල් 3කින් උත්තර ලැබී තිබුණි. ඒ සියල්ලම ලංකාවේ ප‍්‍රධානතම රෝහල්ය. කළුබෝවිල දකුණ, ගාල්ල, අනුරාධපුර, ගම්පහ, රාගම, ලංකා හොස්පිට්ල්, ආසිරි සෙන්ට‍්‍රල්, ඩර්ඩන්ස්, පේරාදෙණිය යන රජයේ හා පෞද්ගලික රෝහල්වලින් ඒ කරුණු ඉදිරිපත් කර තිබුණි.
ඒ රෝහල් සියල්ලේම නිල දත්ත අනුව මෑත කාලයේ එස්එච්ජී පරීක්ෂණ 12,000කට වඩා සිදුකර ඇත. ඒ සියල්ලෙන්ම පසුව සිදුව ඇති මරණ සංඛ්‍යාව බිංදුවකි. රෝහල් සියල්ලම එස්එච්ජී පරීක්ෂණවලින් මියයෑම් සිදුව නැති බව දැනුම්දී ඇත.
ඊට අමතරව එස්එච්ජී පරීක්ෂණය ගැන ප‍්‍රසව හා නාරිවේද විශේෂඥ වෛද්‍යවරුන් තිදෙනෙකු වන කුලියාපිටිය රෝහලේ වෛද්‍ය දංගල්ලගේ පේෂල රංගජීව දංගල්ල, කුරුණැගල ශික්ෂණ රෝහලේ වෛද්‍ය පතිනිසේකර මුදියන්සේලාගේ සුදත් සිරිකාන්ත පතිනිසේකර හා මාතර මහ රෝහලේ වෛද්‍ය මොහොමඕ ඉස්මත් කබීර් නයීම්ගෙන් සීඅයිඤූුය ප‍්‍රකාශ සටහන් කරගෙන තිබුණි.
මෙම පරීක්ෂණයේදී කරන්නේ එක්ස්රේ හරහා නිරීක්ෂණය කළ හැකි ඩයි වර්ගයක් ගැබ්ගෙල හරහා යවා එය පැලෝපීය නාලය දිගේ යන අන්දම නිරීක්ෂණය කිරීම බව වෛද්‍ය පේෂල රංගජීව ප‍්‍රකාශ කර ඇත. වසරක් හෝ දෙකක් දරු පිළිසිඳ ගැනීමක් සඳහා උත්සාහ කළ ද එම කාන්තාවන්ට දරුපල ප‍්‍රමාද වීම මත කාන්තාවන්ගේ පැලෝපීය නාල අවහිරවීදැයි බලාගැනීමට මෙම පරීක්ෂණය සාමාන්‍යයෙන් කරන බව එම වෛද්‍යවරයා කියා තිබේ. මෙය සංකූලතා අඩුම පරීක්ෂණයක් බවද එම වෛද්‍යවරයා කියා ඇත.
වෛද්‍ය සිරිකාන්ත පතිනිසේකරද කියා තිබුණේ සිය සේවා කාලය තුල එස්එච්ජී පරීක්ෂණවලදී කිසිදු රෝගියෙකු මියගිය බව හෝ සංකූලතා ඇතිවූ බව අසා නැති බවයි. ඒ කතාවම වෛද්‍ය කබීර් නයිම්ද කියා තිබේ. ඒ කරුණු සීඅයිඞීයෙන් ජුලි 11 වැනිදා අධිකරණයට ඉදිරිපත් කර වාර්තාවේ සඳහන්ව ඇත.
ඉහත කී පැමිණිලි හා මාධ්‍ය සංදර්ශනවලින් පසුව, වෛද්‍ය සාෆිට එරෙහි පරීක්ෂණය කෙබඳු මාවතක ගමන් කරනු ඇතිදැයි විමසිල්ලෙන් බලා සිටීම වැදගත් වනු ඇත.
අනුරංග ජයසිංහ
https://news.gettopten.com/%e0%b7%83%e0%b7%8f%e0%b7%86%e0%b7%92-%e0%b6%85%e0%b6%ad%e0%b7%8a%e0%b6%85%e0%b6%a9%e0%b6%82%e0%b6%9c%e0%b7%94%e0%b7%80%e0%b6%a7-%e0%b6%9c%e0%b6%ad%e0%b7%8a%e0%b6%ad%e0%b7%9a-%e0%b6%b8%e0%b7%99/ https://news.gettopten.com/%e0%b7%80%e0%b7%9b%e0%b6%af%e0%b7%8a%e2%80%8d%e0%b6%ba-%e0%b7%83%e0%b7%8f%e0%b7%86%e0%b7%92%e0%b6%9c%e0%b7%9a-%e0%b6%af%e0%b7%9a%e0%b6%b4%e0%b7%85/ https://news.gettopten.com/%e0%b6%85%e0%b6%b0%e0%b7%92%e0%b6%9a%e0%b6%bb%e0%b6%ab-%e0%b6%9a%e0%b7%9c%e0%b6%b8%e0%b7%92%e0%b7%83%e0%b6%b8%e0%b7%99%e0%b6%b1%e0%b7%8a-%e0%b6%b8%e0%b7%84%e0%b7%9a%e0%b7%83%e0%b7%8a%e0%b6%ad%e2%80%8d/ https://news.gettopten.com/%e0%b6%b4%e0%b6%bb%e0%b7%93%e0%b6%9a%e0%b7%8a%e0%b7%82%e0%b6%ab-%e0%b6%b1%e0%b7%80%e0%b6%ad%e0%b7%8a%e0%b7%80%e0%b6%b1%e0%b7%8a%e0%b6%b1-%e0%b6%85%e0%b6%b8%e0%b7%8a%e0%b6%b8%e0%b6%bd%e0%b7%8f/ https://news.gettopten.com/%e0%b7%80%e0%b7%9b%e0%b6%af%e0%b7%8a%e2%80%8d%e0%b6%ba-%e0%b7%83%e0%b7%8f%e0%b7%86%e0%b7%92-%e0%b6%bb%e0%b7%90%e0%b7%94%e0%b6%b3%e0%b7%80%e0%b7%94%e0%b6%b8%e0%b7%8a-%e0%b6%b1%e0%b7%92%e0%b6%ba/ https://news.gettopten.com/tag/%E0%B7%80%E0%B7%9B%E0%B6%AF%E0%B7%8A%E2%80%8D%E0%B6%BA-%E0%B7%83%E0%B7%8F%E0%B7%86%E0%B7%92/
