ජාතික බුද්ධි ප‍්‍රධානී තනතුර සඳහා හා ජනාධිපතිවරයාගේ ආරක්ෂක ප‍්‍රධානී තනතුර සඳහා හිටපු හා වත්මන් ගජබා රෙජිමේන්තු සාමාජිකයන් දෙදෙනෙකු පත් කර ඇත.
ජාතික බුද්ධි ප‍්‍රධානී තනතුර සඳහා ගජබා රෙජිමේන්තුව නියෝජනය කළ විශ‍්‍රාමික මේජර් ජෙනරාල් ජගත් ද අල්විස් පත්කර ඇත. ජනාධිපතිවරයාගේ ආරක්ෂක ප‍්‍රධානියා ලෙස ගජබා රෙජිමේන්තු බි‍්‍රගේඩියර් සෙනරත් නිවුන්හැල්ල පත්කර තිබේ.
ජනාධිපති ආරක්ෂක අංශය ලෙස සිටි පොලිස් නිලධාරීන් රැුසක් මේ වනවිට ඉන් ඉවත් කර පොලිස් දෙපාර්තමේන්තුවට අනුයුක්ත කර ඇති අතර යුධ හමුදා සාමාජිකයන් ඒ වෙනුවට ජනාධිපති ආරක්ෂක අංශයට අනුයුක්ත කර තිබේ.
ජනාධිපති ගෝඨාභය රාජපක්ෂ ගජබා රෙජිමේන්තුවේ හිටපු සාමාජිකයෙකු වන අතර ආරක්ෂක අමාත්‍යාංශ ලේකම් විශ‍්‍රාමික මේජර් ජෙනරාල් කමල් ගුණරත්නද ගජබා රෙජිමේන්තුවේ හිටපු සාමාජිකයෙකි. එමෙන්ම යුධ හමුදාපති ශවේන්ද්‍ර සිල්වාද ගජබා රෙජිමේන්තු සාමාජිකයෙකි.
