මෙවර ජනාධිපතිවරණයේ ජයග‍්‍රාහකයා ලෙස ගෝඨාභය රාජපක්ෂ පත් වුණේ අපේක්ෂක සජිත් පේ‍්‍රමදාසගේ ජයග‍්‍රහණය විශ්වාසයෙන් යුතුව පුරෝකථනය කළ පාර්ශ්ව කිහිපයක් බොරු කරමින්. එක් පාර්ශ්වයක් ‘නක්ෂත‍්‍ර‘කරුවන්. සෞරග‍්‍රහ මණ්ඩලයේ ග‍්‍රහ පිහිටීම මහපොළොවේ මිනිස් ජීවිත මත පෞද්ගලිකව වෙන වෙනම බලපාන බව විශ්වාස කරන ඔවුන්ගේ පුරෝකථන කියා සිටියේ යෙදී ඇති රාජ යෝගයට අනුව සහසුද්දෙන්ම සජිත් ජයග‍්‍රහණය කරන බවයි. එසේ නොවුණහොත් නක්ෂත‍්‍ර විද්‍යාව බොරුවක් බවත් තවදුරටත් තමන් එය විශ්වාස නොකරන බවත් කියා සිටියා. දැන් උදේ පාන්දර රූපවාහිනී නාලිකාවලට ඔවුන් කැඳවීම අවශ්‍ය වන්නේ නැහැ. එයම අපට නම් සහනයක්.
දේශපාලන විචාරක, ජනමාධ්‍යවේදී වික්ටර් අයිවන් සහෝදරයාද විශ්වාසයෙන් යුතුව කියා සිටියේ සජිත් පේ‍්‍රමදාස ජයග‍්‍රහණය කරන බවයි. ඔහුගේ පුරෝකථනය, සමාජ සහ දේශපාලන ගතිකයන් පිළිබඳ ඔහුගේ අත්දැකීම් සහ හැදෑරීම් පාදක කරගනයි. ආර් පේ‍්‍රමදාසගෙන් පසුව යූඑන්පියෙන් ඈත්වී සිටි විශාල ඡුන්ද ප‍්‍රමාණයක් මහින්ද රාජපක්ෂ වටා ගොනු වී තිබුණු අතර ඒ ඡුන්දවලින් වැඩි ප‍්‍රතිශතයක් මෙවර සජිත් සමඟ එකතු වනු ඇති බව ඔහු විශ්වාස කළා. උතුරු නැගෙනහිරින් වැටෙන ඡුන්ද ප‍්‍රමාණයත් සමඟ එකතුව සජිත්ට එකතුවන ප‍්‍රමාණය අබිබවන්න නම් ගෝඨාභය දකුණේ හැම ප‍්‍රදේශයකින් ම වගේ සියයට හැටපහ-හැත්තෑව වගේ ප‍්‍රතිශතයක් ගත යුතු බව ඔහු කියා සිටියා. පසුගිය මැතිවරණවල ඡුන්ද බෙදී ගිය ආකාරය අනුව එය කිසිසේත් සිදුවිය නොහැක්කක් බවයි ඔහුගේ අදහස වුණේ. එහෙත් ඒ විය නොහැකි ප‍්‍රාතිහාර්යය මෙවර සිදු වුණා.
ගෝඨා වැඩි ඡුන්ද ලක්ෂ දහයක් දොළහක් අතර ප‍්‍රමාණයකින් ජයග‍්‍රහණය කරන බව පුරෝකථනය කළේ බැසිල් රාජපක්ෂයි. එය ඡුන්ද කොට්ඨාස මට්ටමට බැස කළ අධ්‍යයනයක් ඇසුරින් කළ පුරෝකථනයක්. පුරෝකථන තරගයේ ජයග‍්‍රාහකයා ඔහුයි.
කොහොමින් හරි දැන් ඡුන්දය අවසන්. ශ‍්‍රී ලංකා ප‍්‍රජාතාන්ත‍්‍රික සමාජවාදී ජනරජයේ අභිනව ජනාධිපති ලෙස ගෝඨාභය රාජපක්ෂ රුවන්වැලි සෑය අබියස දිවුරුම් දුන්නා. ජනමාධ්‍යවල ජඩ හැසිරීම හැරෙන්නට, සමස්තයක් ලෙස මැතිවරණ ක‍්‍රියාවලිය සාමකාමීව සිදුවුණා. හොර ඡුන්ද දැමීම්, ප‍්‍රචණ්ඩ ක‍්‍රියා, මැතිවරණ නීති උල්ලංඝනය කිරීම් වාර්තා වුණේ ඉතාම අවමව. මේ සටහන ලියන මොහොත වන විට දේශපාලන බල හුවමාරුවද සුමට ආකාරයට සිදුවන ලකුණු පෙනෙමින් තිබෙනවා. එය ලංකාවේ දේශපාලන සංස්කෘතියේ යහපත් වෙනසක්. මේ වෙනස ඇරඹුණේ 2015 ජනවාරි 8 මැතිවරණයෙන් පසුව ජයග‍්‍රහණය කළ පාර්ශ්වයේ පූර්වාදර්ශය අනුව යමින් කියන එකයි මගේ තක්සේරුව. මෙවර එය ඊටත් වඩා දුරට සංවර්ධනය වී තිබෙනවා.
නොවැම්බර් 18 සඳුදා උදෙන්ම, මහාචාර්ය නලින් ද සිල්වාගේ ‘කාලය’ වෙබ් තීරුව කියෙවුවා. ගෝඨාභය රාජපක්ෂගේ ජනාධිපති පදවි ප‍්‍රාප්තියට සුබ පතමින් ආරම්භ කරන තම අදහස් දැක්වීම ඔහු අවසන් කරන්නේ මෙහෙම,
”අද දින සිට ඔහු වචනයේ පරිසමාප්තාර්ථයෙන් ම ජාතික ජනාධිපති.
ජාතික ජනාධිපතිට මෙරට ජාතියක් ගොඩ නැගීමේ ප‍්‍රශ්නයක් නැහැ. එය පළමුවැනි ගෝඨාභය රජුගේ මුණුබුරකු වූ ගැමුණු රජු විසින් කෙරී අවුරුදු දෙදහසකට වැඩියි. ගැමුණු රජු මෙරට සිංහල බෞද්ධ රාජ්‍යයක් ගොඩ නැගුවා. ගෝඨාභය රාජපක්ෂට ඇත්තේ ඒ සිංහල බෞද්ධ රාජ්‍යය යළි ගොඩ නැගීමේ කාර්යයට මුල පිරීමයි. තමාට ඡුන්දය නුදුන්නත් ගෝඨාභය දෙමළ කතා කරන ජනයාත් මුස්ලිම් ජනයාත් තම දරුවන් සේ රකීවි. ඔවුන්ට ආරක්ෂාව ඇත්තේ සිංහල බෞද්ධ රාජ්‍යයක පමණයි. ඒ ගැනත් අනෙක් ප‍්‍රශ්න ගැනත් අපි පසුව සාකච්ඡුා කරමු.’’
මේ මල්ඵල ගැන්වී ඇත්තේ ගුණදාස අමරසේකර, නලින් ද සිල්වා පෙරටු කරගත් ගෙවිඳු කුමාරතුංග ද ඇතුළු ජාතික චින්තන බලකාය විසින් අසූව දශකයේ සිට දකිමින් සිටි දේශපාලන සිහිනයයි. එය හුදු සිහින දැකීම ඉක්මවා ගිය දේශපාලන අරගලයක්. ඒ අරගලය දැන් ජයග‍්‍රහණයකින් කෙළවර වී තිබෙනවා. ඔවුන්ගේ දැක්මට අනුව, මේ රට ගොඩ නැගිය හැක්කේ සිංහල-බෞද්ධ හෙජමොනියක් තුළයි. මේ සඳහා බහුතර ජනමතය ගොනුකර ගැනීමට ඔවුන් කළ මතවාදීමය මැදිහත් වීම වෙහෙසකර අභ්‍යාසයක්. එය ජයග‍්‍රහණය කර තිබෙයි. නලින් තම සටහනේ ලියන්නේ ”තමාට ඡුන්දය නුදුන්නත් ගෝඨාභය දෙමළ කතා කරන ජනයාත් මුස්ලිම් ජනයාත් තම දරුවන් සේ රකීවි” කියායි. මැතිවරණ ජයග‍්‍රහණයෙන් පසු නව ජනාධිපති ගෝඨාභය රාජපක්ෂ මැතිතුමාද ද ප‍්‍රකාශ කර සිටියේ ”මම සියලූ ශ‍්‍රී ලාංකිකයින්ට ජනාධිපති” වන බවයි. මෙය සුබවාදී අස්ථානයක්.
සිංහල බහුතර ජනයා ද අපේක්ෂා කළේ අසිංහල ජාතීන්ගෙන් කිලිටු නොවුණු ශුද්ධ සිංහල ආණ්ඩුවක්. ජනතාවට ද දැන් තමන් බලාපොරොත්තු වුණු ආණ්ඩුව ගොඩ නගා ගන්නට හැකි තත්වයක් උදා වී තිබෙනවා. ඊළඟ පාර්ලිමේන්තු මැතිවරණය පැවැත්වෙන තෙක් රජය ගෙනයාමට ඉඩ සලසමින්, අගමැතිතුමාද ඇතුළු ප‍්‍රධාන ඇමති මණ්ඩලය දැනටමත් ඉල්ලා අස්වී තිබෙනවා. නව ජනාධිපතිතුමාට ගැටුමකින් තොරව තමාට අවශ්‍ය සුදුසු පුද්ගලයන්ගෙන් අලූත් ඇමති මණ්ඩලයක් පත් කරගන්නට පුළුවන්. තම වැඩපිළිවෙළ ක‍්‍රියාත්මක කිරීමට තම බලය තවදුරටත් තමන් වටා ගොනුකර ගැනීමට ඉක්මනින් පාර්ලිමේන්තු මැතිවරණයකට යාමේ අවශ්‍යතාවක් අලූත් ආණ්ඩුවට ඇතිවන්නේ ඔවුන් විසින් යෝජනා කෙරෙන වැඩපිළිවෙළකට පවතින පාර්ලිමේන්තු බහුතරය විරුද්ධ වුණොත් ය. එසේ විරුද්ධ වීමේ අවශ්‍යතාවක් නැත්තේ බහුතර ජනතාවක් අලූත් ජනාධිපතිවරයාට තම වැඩපිළිවෙළ ඉදිරියට ගෙනයාමට බලය දී ඇති නිසායි.
රජය මූල්‍ය අර්බුදයකට මුහුණ දී තියෙන තත්වයක් තුළ, තවත් මුදල් නාස්තිකෙරෙන ඡුන්දයකට නොයා පවතින පාර්ලිමේන්තුව ම එහි උපරිම කාලය තෙක් පවත්වාගන යන්නට අලූත් ජනාධිපතිට හැකිවන්නේ, ඔහුගේ ප‍්‍රතිපත්ති ක‍්‍රියාවට නංවන්නට පවතින පාර්ලිමේන්තුව ඉඩ දුන්නොත් ය. ජනතාව ඔහුට බලය දී ඇත්තේ ඒ ප‍්‍රතිපත්ති ක‍්‍රියාවට නංවන්නටයි. පසුගිය ආණ්ඩුව බලයට පත් වූ දා පටන් එහි කකුලෙන් ඇද්දා වැනි තත්වයකට පත්වීම රට තවත් අගාධයකට ඇදගන යාමක් විතරයි. දොස්තර සංගමයට තවදුරටත් ජනතාව ප‍්‍රාණ ඇපයට තබා වැඩ වර්ජන කිරීමට අවශ්‍යතාවක් නැහැ. අන්තරේ මල්ලිලාට ද සරසවියට වී තම අධ්‍යයන කටයුතු කෙරෙහි අවධානය යොමු කර සිටිය හැකියි.
ද්විත්ව පුරවැසියෙකුට ඡුන්දය හිමි වුවත්, රටේ ජනාධිපති වන්නට ඉඩක් ව්‍යවස්ථාවෙන් නැහැ. ඒ නිසා එවැන්නෙකුට ජනාධිපතිවරණයට ඉදිරිපත් වන්නට ද හැකියාවක් නැහැ. ගාමිණී වියන්ගොඩ, චන්ද්‍රගුප්ත තේනුවර අධිකරණයට ගියේ ගෝඨාභය රාජපක්ෂ නම් ජනාධිපති අපේක්ෂකයාගේ ශ‍්‍රී ලාංකික පුරවැසිභාවය ප‍්‍රශ්න කරමින්. ඒ ගැටලූව එසේම තිබියදී හත්වෙනි විධායක ජනාධිපති ලෙස ගෝඨාභය රාජපක්ෂ බහුතර ඡුන්දයෙන් පත් වී තිබෙනවා. ජනතාව තම පරමාධිපත්‍ය බලය පාවිච්චි කරන ප‍්‍රධානම වේදිකාව මැතිවරණයයි. බහුතරයක් ජනතාව ගෝඨාභය ජනාධිපති ලෙස තොරාගන ඇති තත්වයක් තුළ තවදුරටත් එය ප‍්‍රශ්න කිරීම අවශ්‍ය නොවෙයි. එක්සත් ජනපද රජයේ තානාපතිවරිය ද ගෝඨාභය රාජපක්ෂ නව ජනාධිපතිතුමාට ඇමෙරිකානු රජයේ සහයෝගය ලැබෙන බව ප‍්‍රකාශ කර සිටීමෙන් පෙනෙන්නේ ඇමෙරිකාවට ද තම පුරවැසියෙකු තව රටක ජනාධිපති වීම ගැටලූවක් නොවන බවයි. ඇමෙරිකානු රජයට ද තම පරමාධිපත්‍යය අභ්‍යාස කළ ලංකාවේ ජනතාවට ද ගැටලූවක් නොවන යමක් තවදුරටත් ප‍්‍රශ්නයක් කරගත යුතු නැහැ. ඒ වෙනුවට කළ යුතුව ඇත්තේ ව්‍යවස්ථාවේ අදාළ වගන්තිය සංශෝධනය කිරීමයි. වියන්ගොඩ සහ තේනුවර අධිකරණයට ගියේ ව්‍යවස්ථාවට පටහැනි සේ පෙනුණු කිසියම් ගැටලූවක් සඳහා අර්ථ නිරූපණයක් ලබා ගැනීමටයි. එය පුරවැසියෙකුගේ මූලික අයිතියකි. එසේ කළ නිසා ඔවුන් දෙදෙනා ගිලටීනයක ගෙල සිඳවන්නට යෝජනා කිරීම ශිෂ්ට සම්පන්න නොවෙයි.
මැතිවරණ ප‍්‍රතිඵල නිකුත් වෙන අතරවාරයේත්, ඉන් පසුවත් සමාජ ජලයේ පැතිරුණු සමහර මත ඇඟ හිරිවට්ටන තරම් භයන්කාරයි. ඉංග‍්‍රීසියෙන් පළවුණු එක් පෝස්ටුවක සිංහල තේරුම ”දයාබර මහත්මයාණෙනි, ඔබගේ දෙවැනි රාජකාරිය විය යුත්තේ උතුරේ දෙමළුන් විනාශ කර සිංහලයන් එහි පදිංචි කරවීමයි. ඔබත් සමඟ අප ඉන්නවා” යන්නයි. ‘මීගමුවේ ගෙයක් ගෙයක් ගානේ බෝම්බ තියන්න ඕනෑ‘, ‘මීගමුවේ තොපිට බෝම්බ ගහලා මදි‘ ‘පිරිසිදු සිංහල බෞද්ධ ඡුන්ද‘ කියාද පෝස්ටු සැරිසැරෙමින් තිබුණා.
මේ පෝස්ටු මගින් හෙළිදරවු වන්නේ මැතිවරණ ජයග‍්‍රහණයක් වෙනුවෙන් අන්තවාදය පැතිරවීමේ භයානකකමයි. ගෝඨාභයට ජනාධිපති වන්නට ඡුන්දය නොදුන් දෙමළ සහ මුස්ලිම් ජනයාට අමතරව ‘කතෝලිකයන්‘ ද සිටිනා වගයි මේ අය මතක් කර සිටින්නේ. දෙමළුන්ට එරෙහිව, තම්බින්ට එරෙහිව මුදාහැරුණු ප‍්‍රචණ්ඩත්වය කුරුසකාරයන්ට එරෙහිවද මුදා හැරිය යුතු බවට කෙරෙන පළමු ඉඟිය මේ විය හැකියි. අන්තවාදයට බ්‍රේක් නැත. ජනාධිපති ගෝඨාභය රාජපක්ෂ මුහුණ දෙන ප‍්‍රධාන අභියෝගය තමාට බලයට ඒමට සහයෝගය දැක්වූ ජනමාධ්‍ය සහ ඇතැම් පිරිස් විසින් පැතිරවු අන්තවාදයට තමා තිරිංග යොදන්නේ කෙසේද කියන එකයි. නලින්ගේ අනුමාන ය වන, ‘දෙමළ සහ මුස්ලිම් මෙන්ම කතෝලික ජනතාවද ගෝඨාභය රැුකගනීවි’ යන්න යථාර්ථයක් කරගත හැකි වන්නේ ගෝඨාභයට මේ තිරිංග යෙදීම කළ හැකි නම් විතරයි. වෙනස යහපතක් වේවා කියන සුබවාදී ප‍්‍රාර්ථනාවෙන් යුතුව අපි බලා සිටිමු.
අශෝක හඳගම
