පාර්ලිමේන්තු මන්ත්රී නාමල් රාජපක්ෂගේ ට්විටර් ගිණුමෙහි හැඳින්වීම ලෙස ඇත්තේ, ‘මම ශ‍්‍රී ලාංකිකයෙක්, ශ‍්‍රී ලංකාව වෙනුවෙන්.‘ කියාය. එම හැඳින්වීම බැලූ බැල්මට ලියුම්කරුට පෙනුණේ, සිය මාමණ්ඩියට උපහාස කිරීම පිණිස යෙ¥ එකක් ලෙසය. නාමල් රාජපක්ෂ මහතාගේ ට්විටර් ගිණුමට ගොස් බැලූවේ ගෝඨාභය රාජපක්ෂ මහතාගේ පුරවැසිභාවය ඉවත් කරගැනීමට අදාලව එහි පළ කර තිබෙන පුරවැසිභාවය ඉවත් කරගැනීමේ සහතිකය හා ගුවන් බලපත‍්‍රය බැලීමටය. නාමල් රාජපක්ෂ මහතා තම ගිණුමෙහි එම ලියකියවිලි පළ කර තිබුණේ ජනාධිපතිවරණයට සතියක් තිබියදී නැවතත් ගෝඨාභය රාජපක්ෂ මහතාගේ පුරවැසිභාවය පිළිබඳ ප‍්‍රශ්නය මතුවූ නිසාය. ඔහුගේ පුරවැසිභාවය පිළිබඳව නැවතත් කතාකරන්නට සිදුවී තිබේ. එහෙත් මෙවර ප‍්‍රශ්නය බරපතළය. ජනාධිපතිවරණයට දින කිහිපයකි. ඔහු තවමත් ඇමෙරිකානුවෙකු නම්, ලංකාවේ ජනාධිපතිධුරයට ඇමෙරිකානුවෙකු පත්වීමේ ඉඩක් ඇත.
වැරදීමකින් හෝ ඔහු ජනාධිපතිවරණය ජයගෙන, ඉන්පසුව ඔහු ඇමෙරිකානුවෙකු බව ශ්‍රේෂ්ඨාධිකරණය ඉදිරියේ තහවුරු වුණොත් ඉන්පසුව ඔහුගේ ජනාධිපතිධුරය අහෝසි වීමේ අවදානමක්ද ඇත. එසේ වුණොත්, ඔහුට ඡුන්දය දුන් ලංකාවේ බහුතර ජනතාවගේ ඡුන්දයත් අපතේ යනු ඇත.
මැතිවරණ කොමිසම
මෙම සිදුවීම ගැන ගෝඨාභය රාජපක්ෂ මහතා වෙනුවෙන් පෙනී සිටිමින් ජනාධිපති නීතිඥ අලි සබ්රි කියූ ව්‍යාජ ප‍්‍රකාශයක ඇත්ත නැත්ත ගැන මුලින් කිව යුතුය.
ගෝඨාභය රාජපක්ෂ මහතාගේ පුරවැසිභාවය ගැන මාධ්‍ය සාකච්ඡුාවක් පවත්වමින් අලි සබ්රි මහතා කියා තිබුණේ පුරවැසිභාවයට අදාල සියලූ ලේඛන මැතිවරණ කොමිෂන් සභාවේ සාමාජිකයන් තුන්දෙනාටම ඉදිරිපත් කළ බවයි. එහිදී මහාචාර්ය හූල්ද සිටි බව ඔහු උපහාසයෙන් මෙන් කීය. ඇත්තටම සිදුවුණේ කුමක්දැයි අප කළ විමසීමකදී මැතිවරණ කොමිෂන් සභාවේ සභාපති මහින්ද දේශප‍්‍රිය මෙසේ පැහැදිළි කළේය.
‘කොමිෂන් සභාව කිසිම අපේක්ෂකයෙකුගෙන් පුරවැසිභාවය ගැන සහතිකයක් ඉල්ලලාත් නැහැ. ඉල්ලන්නේත් නැහැ. ඒ ගැන අපි උනන්දු වුණේ නැහැ. කොමිෂන් සභාව සැලකිලිමත් වුණේ ඔහුගේ නාමයෝජනා ප‍්‍රතික්ෂේප කිරීමට අදාල කාරණා විතරයි. ඊට අමතරව ඔහු නුසුදුසුකම්වලට යටත් නැති බවට දිවුරුම් ප‍්‍රකාශයක් ගත්තා පමණයි.
ඇත්තටම අගෝස්තු මාසයේ සඳුදා දවසක සවස 2ට පමණ ගෝඨාභය රාජපක්ෂ මහතාත්, නීතිඥ අලි සබ්රි මහතාත්, තවත් නීතිඥයෙකුත් කොමිසමේ සාමාජිකයන්ව මුණගැහුණා. සාමාන්‍යයෙන් අපි කියලා තියෙන්නේ සඳුදා දවසක ඕනෑ කෙනෙකුට අපව මුණගැහෙන්න පුළුවන් කියලයි. ඒ අනුවයි ඔහු ආවේ. විශේෂ හමුවකට නෙවෙයි.
එහිදී ඔවුන් සමඟ අපි විවිධ කරුණු සාකච්ඡුා කළා. පළාත් සභා ක‍්‍රමය. මැතිවරණ අපේක්ෂකයන්ට අදාල කාරණා. විවිධ කරුණු සාකච්ඡුා කළා. ඒ අතරමැද්දේ ඔවුන් කීවා පුරවැසිභාවය ඉවත් කරගත් බව. එහෙම කියලා මොකක්දෝ කඩදාසියක් පෙන්නුවා. අපි එය බාරගත්තේ නැහැ. මොකද අපට ඒක අවශ්‍ය නැහැ. ඒ නිසා අපට පෙන්වූ කඩදාසිය පිළිගත හැකි සහතිකයක්ද, නැද්ද කියා අපි දන්නේ නැහැ. එහි සත්‍ය අසත්‍යතාවය අපට පිළිගන්න හෝ ප‍්‍රතික්ෂේප කරන්න බැහැ. මොකද අප එය බාරගත්තේ නැහැ.‘
මැතිවරණ කොමිසමට බාරදුන් බවට ව්‍යාජ ප‍්‍රකාශ කරමින්, පුරවැසිභාවය පිළිබඳ ප‍්‍රශ්නය ගැන සමාජ මතයක් හදන්නට රාජපක්ෂවරුන් උත්සාහ කිරීම සැක මතු කරයි.
ෆෙඩරල් රෙජිස්ටර්
පුරවැසිභාවය පිළිබඳ කතාව නැවත මතුවුණේ ඇමෙරිකානු ආණ්ඩුව වසරේ තෙවැනි කාර්තුවට අදාලව පුරවැසිභාවය ඉවත් කරගත් පුද්ගලයන්ගේ නම් ලැයිස්තුව ෆෙඩරල් රෙජිස්ටර් වෙබ් අඩවියෙන් ප‍්‍රසිද්ධ කළ නිසාත්, ඉන්පසුව හිමිනමක් නිදහස් චතුරස‍්‍රයේදී ගෝඨාභය රාජපක්ෂ මහතාගේ පුරවැසිභාවය පිළිබඳ තහවුරු කරන ලෙස ඉල්ලමින් මාරාන්තික උපවාසයක් ආරම්භ කළ නිසාත්ය.
වසරේ තුන්වැනි කාර්තුව ඇතුළත පුරවැසිභාවය ඉවත් කරගත් පුද්ගලයන්ගේ නම් ලැයිස්තුව නොවැම්බර් 12 දින ෆෙඩරල් රෙජිස්ටර් නම් ඇමෙරිකානු රජයේ නිල ප‍්‍රවෘත්ති වෙබ් අඩවියෙහි ප‍්‍රසිද්ධ කර තිබුණි. මෙම නම් ලැයිස්තුව ඇමෙරිකානු පුරවැසිභාවයෙන් ඉවත් කළ පුද්ගලයන්ගේ නම් ඇතුළත් කරමින් ඇමෙරිකානු භාණ්ඩාගාර දෙපාර්තමේන්තුව හා ඇමෙරිකානු දේශීය ආදායම් සේවය එක්ව සකස් කරන ලැයිස්තුවකි. එය කාර්තුවකට වතාවක් නිකුත් කරනු ලබයි. යම් පුරවැසියෙකු ඇමෙරිකානු පුරවැසිභාවය ඉවත් කරගැනීමේ ක‍්‍රියාවලියෙහි අවසන් පියවර ලෙස සලකන්නේ මෙයයි. ඒ අනුව ගෝඨාභය රාජපක්ෂ මහතාගේ පුරවැසිභාවය ඉවත් කරගැනීමේ ක‍්‍රියාවලිය තවමත් සම්පූර්ණ නැත.
සහතික
එහෙත් අප ඉහත කී පරිදි නාමල් රාජපක්ෂ මහතාගේ ට්විටර් ගිණුමෙනුත්, අලි සබ්රි මහතා මාධ්‍ය සාකච්ඡුාවක් පවත්වමිනුත්, ගෝඨාභය රාජපක්ෂ මහතා දෙරණ 360 වැඩසටහනේදීත් සහතික පත‍්‍ර සහ ‘කැන්සල්‘ යැයි සඳහන් ගුවන් බලපත‍්‍ර පෙන්වා තිබුණි. ඒ ලියකියවිලිවල වලංගුභාවය තේරුම් ගැනීමට නම්, ඇමෙරිකානු පුරවැසිභාවය ඉවත් කරගැනීමේ ක‍්‍රියාවලිය තේරුම් ගත යුතුය.
ඇමෙරිකාව තමන්ගේ රටේ පුරවැසියෙකුට, කැමති මොහොතක පුරවැසිභාවයෙන් ඉවත්වීමට ඇති අයිතිය දැඩිව පිළිගන්නා රටකි. පුරවැසිභාවය ඉවත් කරගැනීමේ ක‍්‍රියාවලිය සකස් කර ඇත්තේ ඒ අයිතියට වටිනාකමක් ලැබෙන පරිදිය.
ඇමෙරිකානු පුරවැසියෙකු සිය පුරවැසිභාවය ඉවත් කරගැනීමේදී ඕනෑම ඇමෙරිකානු තානාපති කාර්යාලයකදී සම්මුඛ සාකච්ඡුා දෙකකට ඉදිරිපත් විය යුතුය. දෙවැනි සම්මුඛ සාකච්ඡුාවට සහභාගි වන අවස්ථාවේදී ඔහු ඞීඑස් 4080 හා ඞීඑස් 4081 යන අංක දරන පෝරම දෙක පුරවා ඉදිරිපත් කළ යුතුය. එක් පෝරමයක් ඉල්ලීමකි. දෙවැනි පෝරමය දිවුරුමකි. ඒ සමගම තම ඇමෙරිකානු ගුවන් බලපත‍්‍රයද ඉදිරිපත් කළ යුතුය. ඒ අතරින් දෙවැනි පෝරමයෙහි සඳහන් වන දිනය අදාල පුද්ගලයා පුරවැසිභාවය ඉවත් කරගත් දිනය ලෙස නිල වශයෙන් සලකනු ලබයි.
ගෝඨාභය රාජපක්ෂ මහතා 2019 අපේ‍්‍රල් 17වැනිදා දෙවැනි සම්මුඛ සාකච්ඡුාවට සහභාගී වී තිබුණි. ඔහුගේ ගුවන් බලපත‍්‍රයෙහි ‘කැන්සල්‘ යැයි සීල් තබන්නේ එදිනය. එහි ‘කැන්සල්ඞ්‘ හෙවත් ‘අවලංගු කළා’ වෙනුවට ‘කැන්සල්’ හෙවත් අවලංගු කරන්න හෝ අවලංගු කරනවා යන අර්ථය ඇතිව සීල් තබන්නට හේතුවක් ඇත. ඒ අපේ‍්‍රල් 17 වැනිදා පෝරම දෙක බාරදුන් විගස පුරවැසිභාවය අහෝසි කරගැනීම සම්පූර්ණ නොවන නිසාය. එදින සිදුවන්නේ පුරවැසියාගේ පැත්තෙන් පුරවැසිභාවය ඉවත් කරගැනීම පමණි. එම ඉවත් කරගැනීම පිළිබඳ ලියවිලි ඇමෙරිකාවට යවනු ලබයි. ඇමෙරිකානු රාජ්‍ය දෙපාර්තමේන්තුවෙන් එම ලියවිලි සහතික කරමින් පුරවැසිභාවය ඉවත් කරගැනීමේ සහතිකයක් නිකුත් කරයි. මැයි 3 දිනැතිව රාජපක්ෂවරුන් ප‍්‍රසිද්ධ කර ඇත්තේ එම සහතිකයයි. එම සහතිකය පසුව නිකුත් කළත් එහි පුරවැසිභාවය ඉවත් කරගත් දිනය ලෙස සඳහන් කරන්නේ අපේ‍්‍රල් 17 වැනිදා යන පෙර දාතමයි. එයට හේතුව වන්නේ පුරවැසිභාවය තමන් කැමති මොහොතක ඉවත් කරගැනීමට ඇමෙරිකානු පුරවැසියෙකුට තියෙන අයිතිය තහවුරු කිරීමයි.
කෙසේ වෙතත් පුරවැසිභාවය ඉවත් කරගැනීමේ ක‍්‍රියාවලිය සම්පූර්ණ වන්නේ ඇමෙරිකානු රාජ්‍ය දෙපාර්තමේන්තුව, දේශීය ආදායම් සේවය හා භාණ්ඩාගාර දෙපාර්තමේන්තුව අනුමත කිරීමෙන් පසුවය.
දවස් 15යි
කිසිම පුරවැසියෙකුට තමන්ගේ බදු ගෙවීම් මඟහැරීමේ අරමුණෙන් හෝ ඇමෙරිකාවේ අපරාධ චෝදනාවකින් ගැලවීමේ අරමුණෙන් පුරවැසිභාවය ඉවත් කරගැනීමට ඉඩ නොතැබිය යුතුය. ඒ කරුණු ගැන තහවුරු කරගත යුතුය.
ගෝඨාභය රාජපක්ෂ මහතා පුරවැසිභාවය ඉවත් කරගැනීමට අදාල දිවුරුම දුන්නේ අපේ‍්‍රල් 17 වැනිදාය. ඉහත කී සහතිකය නිකුත් කළේ මැයි 3 වැනිදාය. පුරවැසියාගේ පුරවැසිභාවය ඉවත් කරගැනීමට අදාල සියලූ කටයුතු ඒ දවස් 15 ඇතුළත සම්පූර්ණ වන්නේ නැත. ඇත්තටම අපේ‍්‍රල් 3 වැනිදා එම සහතිකය නිකුත් වෙන්නේ ලංකාවෙන් තොරතුරු ලැබී, හැකි ඉක්මනින් එම සහතිකය නිකුත් කිරීමේ පදනම මතය. රටක පුරවැසියෙකු එලෙස ඉවත් කිරීම කජු කනවා තරම් පහසු නැත. එලෙස හදිසියේ පුරවැසිභාවය ඉවත් කොට, සම්පූර්ණයෙන්ම තම රටෙන් නිදහස් වී යන්නට පුරවැසියෙකුට ඉඩ තැබීම සරල තර්ක බුද්ධියට අනුව පවා වටහාගත නොහැකිය. පුරවැසියෙකු සතු වගකීම් ඇත. ඒවා කඩා ඇතිදැයි සොයාබැලිය යුතුය.
කෙසේ වෙතත් පුරවැසියෙකුට ක්ෂණිකව රටක පුරවැසිභාවය ඉවත් කරගැනීමට ඇති අයිතිය පිළිගන්නා නිසා ඇමෙරිකානු රජය යම් පුරවැසියෙක් ඇමෙරිකාවෙන් ඉවත් වෙන්නට කැමති බව කීවාට පසුව දින කිහිපයක් ඇතුළත ඉහත කී සහතිකය පෙර දාතමක් සමඟ නිකුත් කරයි. ඔබේ ඉවත්වීම අපි බාරගත්තා. ඇමෙරිකාව එසේ කියයි. එහෙත් බාරගැනීම හා පිළිගැනීම යනු දෙකකි. බාරගැනීමෙන් පසුවත් ප‍්‍රතික්ෂේප කළ හැකිය. (මැතිවරණවලට ඉදිරිපත් කරන නාමයෝජනා බාරගැනීමෙන් පසුව ප‍්‍රතික්ෂේප කරන අවස්ථා උදාහරණයක් ලෙස සැලකිය හැකිය.*
එහෙත් ගෝඨාභය රාජපක්ෂ මහතා වැනි පුරවැසියන් ඇමෙරිකාවෙන් ඉවත්වෙද්දී ලබාදෙන දිවුරුමේත් ඇති පරිදි එම සහතිකය නිකුත් වූ විගස ඔහු පුරවැසිභාවයෙන් නිදහස් වන්නේ නැත. ඒ සඳහා යම්කිසි කාලසීමාවක් ගතවෙන ක‍්‍රියාකාරීත්වයක් ඇත. ෆෙඩරල් රෙජිස්ටරයේ පළවෙන ලැයිස්තුවට නම යන්නේ ඒ ක‍්‍රියාකාරීත්වය අවසන් වූ පසුවය. ඇමෙරිකානු රජය පැත්තෙන් පුරවැසිභාවය ඉවත් කරගැනීම පිළිගන්නේ එම ලැයිස්තුවෙන්ය.
හදිසියේවත් ගෝඨාභය රාජපක්ෂ මහතා බදු ගෙවීමකට හෝ අපරාධ වරදකට අදාලව දඬුවම් ලැබිය යුතු වුණොත්, ‘ඔබගේ පුරවැසිභාවය ඉවත් කරගැනීම ඇමෙරිකානු රජය ප‍්‍රතික්ෂේප කරන‘ බව කියා ඔහුට ඇමෙරිකාවේ සිර දඬුවම් ලබාදීමට පවා ඉඩ ඇත.
දිවුරුම
ගෝඨාභය රාජපක්ෂ මහතා ඇමෙරිකන් පුරවැසිභාවය ඉවත් කරගැනීමේදී ලබාදුන් දිවුරුමෙහි ඇති කරුණු ගැනත් යළි සිහිපත් කළ යුතුය. දිවුරුමේ 8, 9, 10 කරුණු අනුව ඔහු ඇමෙරිකාවට බැඳී සිටියි. අටවැනි කාරණයේදී ඔහු දිවුරුම් දෙන්නේ ‘මාගේ පුරවැසිභාවය ඉවත් කර ගැනීමෙන් මා මීට පෙර කළ හෝ මින් ඉදිරියේදී කරන ලද ඇමෙරිකානු නීතිය කඩකරන වරදක් සම්බන්ධයෙන් ඇමෙරිකානු නීතිය ක‍්‍රියාත්මක කිරීම පිළිබඳ වගකීම්වලින් මා නිදහස් වන්නේ නැති බවට එකඟ වෙමි‘ යනාදි ලෙසයි.
නවවැනි කරුණෙන් ඔහු දිවුරුම දෙන්නේ ‘මාගේ පුරවැසිභාවය ඉවත් කර ගැනීමෙන් මාව ඇමෙරිකාවට උදර්පණය කිරීමට අවශ්‍ය වුවහොත් එය පිළිගැනීමට ඇති වගකීමෙන් මා නිදහස් වන්නේ නැත‘ යන්නටය. දසවැනි කරුණේන් ඔහු ඇමෙරිකාවේ ආදායම් බදු ගෙවීමට ඇත්නම්, ඒ බදු අයකරගැනීමට අදාළ වගකීමට තමා යටත් වන බව දිවුරා ඇත.
ඒ කරුණු අනුව ගෝඨාභය රාජපක්ෂට අනාගතයේදී වුව ඇමෙරිකාවේ නීතියෙන් පලායන පුද්ගලයෙකු වීමට සිදුවිය හැකිය. වැරදීමකින් ඔහු ශ‍්‍රී ලංකාවේ ජනාධිපතිධුරයට පත්ව ඉන්පසුව ඔහු ඇමෙරිකානු අධිකරණයකදී වරදකරුවෙකු වුවහොත් නීතියෙන් හැංගෙන ජනාධිපතිවරයෙකු අපට ලැබෙනු ඇත.
ලංකාවේ බලපත‍්‍රය
ගෝඨාභය රාජපක්ෂ මහතාගේ පුරවැසිභාවය ඉවත් කරගැනීම පිළිබඳ ගැටලූවට අමතරව ඔහුගේ හැඳුනුම්පත් අංක පිළිබඳව හා ඔහුගේ වත්මන් ලාංකික ගුවන් ගමන් බලපත‍්‍රය ලබාගැනීමේ ක‍්‍රියාවලියත් ගැටලූ සහගතය. ඔහු ලාංකික ගුවන් ගමන් බලපත‍්‍රය ලබාගෙන තිබුණේ මැයි 7 වැනිදාය. ඒ සාමාන්‍ය ක‍්‍රමවේදයට පිටින්ය. මැයි 3 වැනිදා නිකුත් කර තිබූ ඇමෙරිකානු පුරවැසිභාවය ඉවත් කරගැනීමේ සහතිකය ලංකාවට එන්නත් පෙර ඔහු ද්විත්ව පුරවැසිභාවය ගැන සඳහන් නොවන ගුවන් බලපතයක් ලබාගෙන තිබුණි. ඒ නව හැඳුනුම්පත් අංකයක් පාවිච්චි කරමින්ය.
විවිධ කතා
දැන් පුරවැසිභාවය ඉවත් කරගැනීමේ සහතිකය පෙන්වුවද, අගෝස්තු මාසයට පෙර පුරවැසිභාවය ඉවත් කරගැනීම ගැන විමසූ කල ගෝඨාභය රාජපක්ෂ මහතා ප‍්‍රමුඛ පිරිස දුන්නේ වෙන උත්තරයකි. ‘මගේ පුරවැසිභාවය ගැටලූවක් නැහැ. මට ලංකාවේ ගුවන් බලපත‍්‍රයකුත් ලැබුණා‘ යැයි ඔහු එකල කියා තිබුණි.
ඉන්පසුව පුරවැසිභාවය ඉවත් කරගැනීමේ සහතිකය ලැබුණු නිසා ඔහු එමගින් පුරවැසිභාවය ඉවත් වූ බව කියන්නට පටන්ගත්තේය. එහෙත් ඇත්තටම ඔහු ගුවන් බලපත‍්‍රය ගත්තේ වෙනත් කූට ක‍්‍රමයකින්ය. පුරවැසිභාවය ඉවත් කරගැනීමේ සහතිකය ප‍්‍රසිද්ධ කරන තුරුම ඔවුහු ඒ කතාව කීහ.
එම සහතිකය මුලින්ම ඉදිරිපත් කළේ සැප්තැම්බර් මාසයේදී ‘මව්බිම’ පුවත්පතෙන්ය. එය ඉදිරිපත් කළේත්, දිලිත් ජයවීර මහතාගේ ෆෙස්බුක් පිටුවෙහි ව්‍යාජ සහතියකයක් හුවමාරු වී, දැවැන්ත ආන්දෝලනයක් ඇතිවූ පසුබිමකය. ඒ අවුල නිරවුල් කිරීම සඳහාය. මේ කියන සහතිකයෙන් පුරවැසිභාවය ඉවත් කරගත් බව ඔප්පු කළ හැකිනම්, එය ලංකාවට පැමිණි කාලයේදීම එය ඉදිරිපත් නොකළේ ඇයි.
ඔවුන් එය ඉදිරිපත් නොකර බලා සිටියේ ක‍්‍රියාවලිය සම්පූර්ණ වී ෆෙඩරල් රෙජිස්ටර්හි දෙවැනි කාර්තුවට අදාල නාමලේඛනය ප‍්‍රසිද්ධ වනතුරුය. ඔවුන් අනුමාන කළේ ඒ ලැයිස්තුවට ගෝඨාභය රාජපක්ෂගේ නම ඇතුළත් වනු ඇති බවයි. එහි ගෝඨාභය රාජපක්ෂ මහතාගේ නම ඇතැයි දැනගන්නට ලැබෙන බව උදය ගම්මන්පිළ මහතා මාධ්‍ය සාකච්ඡුාවක් පවත්වමින්ද කීවේය. මාධ්‍යවලින්ද ඔහුගේ නම එහි තිබෙන බවට වාර්තා පළවිය. මේ ලැයිස්තුවේ නම තිබිය යුතු බව ඔවුන් දැන සිටියේය. දැන් වෙන වෙන කතා කියන්නේ එහි නම නොතිබුණු නිසාය.
වැරැුද්ද මහින්දගේ?
රාජපක්ෂවරුන් මේ වෙද්දී කතාකරන්නේ ගෝඨාභය රාජපක්ෂ මහතාගේ පුරවැසිභාවය ගැන ප‍්‍රශ්න කිරීම අප වැනි මාධ්‍යවේදීන් ඇතුළු පිරිසගේත්, වෙනත් දේශපාලන පක්ෂවල සාමාජිකයන්ගේත්, පුරවැසියන්ගේත් වැරැුද්දක් ලෙස ඉස්මතු කරමිනි.
පුරවැසිභාවය පිළිබඳ ප‍්‍රශ්නය මතුවන හැම අවස්ථාවකදීම ඔවුන්ගේ ආතතිය වැඩිවන බව පෙනෙන්නට තිබේ. ඇමෙරිකන් පුරවැසිභාවය ගැන සඳහන් කරන හැම වතාවකදීම ඉස්මතු වන්නේ ගෝඨාභය රාජපක්ෂ මෑතක් වනතුරුම ඇමෙරිකානුවෙක්ය යන කාරණයයි. පුරවැසිභාවය මේ වෙද්දී ඉවත් කරගත්තත්, නැතත් ඒ කාරණය යළි යළිත් මතුවෙද්දී ඔවුන් ආතතියට පත්වීම පුදුමයක් නොවේ. ඇමෙරිකන් විරෝධය ඔවුන්ගේ දේශපාලනයෙහි එක් ප‍්‍රධාන අංගයකි. එහෙත් වැරැුද්ද ඇත්තේ අප අතේ නොවේ. පුරවැසිභාවය පිළිබඳ ප‍්‍රශ්නය අන්තිම මොහොත දක්වාම නිරාකරණය කර නොගත් ඔවුන්ගේය.
2006දී ලංකාවට පැමිණ, මහින්ද රාජපක්ෂ මහතා යටතේ ආරක්ෂක අමාත්‍යාංශ ලේකම්ධුරයට පත්වූ ඔහු, තවදුරටත් ඇමෙරිකානු දේපළ සහ ඇමෙරිකාවේ පුරවැසිභාවය තබාගන්නට කල්පනා කළේ ඇයි? ඔහු තුළ ඔය කියන තරම් දේශපේ‍්‍රමයක් තිබේ නම්, එදාම ඔහුට පුරවැසිභාවය ඉවත් කරගැනීමේ හැකියාව තිබුණි. එහෙත් ඔහු එයද කර තිබුණේ නැත. ඔහුට ඇමෙරිකානු පුරවැසිභාවය එතරම් වටින්නේය.
ඉන්පසුව 2017 වසර මැද වෙද්දී ගෝඨාභය රාජපක්ෂ මහතා මීළඟ ජනාධිපතිවරණ අපේක්ෂකයා ලෙස යෝජනා විය. එකලම පුරවැසිභාවය ඉවත් කරගත්තා නම් උපරිම වශයෙන් අවුරුද්දක් ගතවී ෆෙඩරල් රෙජිස්ටරයෙහි නම පළවුණත්, ඒ සඳහා කාලය තිබුණි. එසේ නම් පුරවැසිභාවය පිළිබඳ කිසිදු සංශයක් නැත. අඩු තරමේ 2018 වර්ෂයේ මැද වනවිටවත් එය කළා නම් මේ වෙද්දී සියලූ සැක හැරගැනීමට අවස්ථාව තිබුණි. එහෙත් ගෝඨාභය රාජපක්ෂ මහතා ශ‍්‍රී ලංකාවේ ඇමෙරිකානු තානාපති කාර්යාලයේදී පුරවැසිභාවය ඉවත් කරගන්නා බවටත්, ඉන්පසුවද ක්ෂේත‍්‍ර කිහිපයකට අදාළව ඇමෙරිකාවට ගැතිව කටයුතු කරන බවටත් දිවුරුම ලබාදුන්නේ 2019 අපේ‍්‍රල් 17 වැනිදාය.
ඔහුට එතෙක් කල් බලා ඉන්නට සිදුවී තිබුණේ මහින්ද රාජපක්ෂ ඇතුළු රාජපක්ෂ පවුලේ සාමාජිකයන් ඔහුගේ අපේක්ෂකත්වයට අනුමැතිය නොදී කල් මැරූ නිසාය. ඒ නිසා එක් අතකින් ගෝඨාභය රාජපක්ෂ මහතා පුරවැසිභාවය ඉවත් කරගන්නට ප‍්‍රමාද වීම ගැන මහින්ද රාජපක්ෂ මහතාත් වගකිව යුතු බව ගෝඨාභය මහතාගේ පැත්තෙන් කිව හැකිය.
ගෝඨාභය රාජපක්ෂ මහතාට අපේක්ෂකත්වය ලබාදීම ස්ථීර වී තිබුණේ 2019 මාර්තු 15 වැනිදා මහින්ද රාජපක්ෂ මහතාගේ නිවසේ තිබුණු සාකච්ඡුාවකදීය. ගෝඨාභය රාජපක්ෂ මහතා තමන්ට අතිශයින් වටිනා ඇමෙරිකන් පුරවැසිභාවය අත්හරින්නට තීරණය කළේ ඒ තීන්දුව ලැබුණාට පසුවය. එනම්, ඇමෙරිකන් පුරවැසිභාවය ඔහුට වටිනාකමින් දෙවැනි වන්නේ ජනාධිපතිධුරයට පමණි. ආරක්ෂක අමාත්‍යාංශ ලේකම්ධුරයේ ස්වාධීනත්වයවත් ඔහුට එතරම් වටිනා දෙයක් නොවීය.
අනිවාර්යයෙන්ම ජනාධිපතිවරණයෙන් පසුව ඔහුගේ පුරවැසිභාවය පිළිබඳ ප‍්‍රශ්නය අධිකරණය ඉදිරියට නැගෙනු ඇත. අප ඉහතින් සටහන් කළේ ඔහුගේ පුරවැසි ප‍්‍රශ්නයේ එක් පැත්තක් පමණි. ද්විත්ව පුරවැසිභාවය ලබාගැනීමේ ප‍්‍රශ්නයද තවමත් ශ්‍රේෂ්ඨාධිකරණය ඉදිරියට ගෙනයෑමේ හැකියාව ඇත. ඒ නිසා ගෝඨාභය රාජපක්ෂ මහතා ජනාධිපතිධුරයට පත්වූ පසුව වුව, පුරවැසිභාවය පිළිබඳ ප‍්‍රශ්නය නිසා ධුරය අහෝසි වීමේ අවදානමක් ඇත.
