පොදු හතුරාට එරෙහිව පෙළ ගැසීමේ අභ්‍යාසය අනුර කුමාර දිසානායකලාට පන්ති පැවැත්විය යුතුද? මෙම මැතිවරණයේ හතුරා කවුදැයි ළදරුවන් පවා හඳුනති. ජනතා විමුක්ති පෙරමුණ මේ කරන්නේ කුමක්ද? ඔවුන්ට හුදෙකලා වී වෙනම දේශපාලනය කිරීමේ තහනමක් නැත. 1982 ජනාධිපති මැතිවරණයට ඉදිරිපත්වූ විජේවීරගේ පක්‍ෂය 1988 ජනාධිපති මැතිවරණයට වෙඩි තැබූහ. එසේ නො කළා නම් බණ්ඩාරනායක මැතිනිය ජනාධිපති ක‍්‍රමය අවසන් කරනවා සිකුරුය. අනුර කුමාරලා සිය පක්‍ෂයේ නම සහ ලකුණ හංගා කරන මේ සෙල්ලම ප‍්‍රජාතන්ත‍්‍ර වාදයට එරෙහි කුමන්ත‍්‍රණයකි. ජනාධිපති ක‍්‍රමයට ජිවය දීමකි. ජවිපෙට එක්කෝ වළිගයක් නැත. එක්කෝ හිසක් නැත. දෙපැත්තම එක වගේය. මේ අර ගමේ කියන දෙපැත්තම එක වාගේ ය කතාවට ගෞරවනීය උදාහරණයකි.
2019 තීරණාත්මක ඡුන්දයට කරන මේ බලපෑම ඉතිහාසය කෙසේ නම් විග‍්‍රහ කරත් ද? ඔවුන් 1988 වෙනත් නමකින් පෙනි සිට ගෙවල් ගානේ යමින් මිනිස් ඝාතන කළහ. ඡුන්ද පොලට එන මුල් දස දෙනාට වෙඩි තබා මරණ බවටද තර්ජනය කළහ. අද ඔවුන් ඒ තමන් නොවේ යයි කියති. මේ මැතිවරණයට වෙනත් නමකින් ලකුණකින් පෙනි සිට කරන්නේත් අනාගතයට විත්ති වාචකයම සපයා දීමටය. ආරේ ගුණ නෑරේද? 2005දී මහින්ද වෙනුවෙන් ප‍්‍රභාකරන් උතුරු නැගෙනහිර පාවිච්චි කළේ ජනතා විමුක්ති පෙරමුණ 1988දී දකුණේ පාචච්චි කළ තුවක්කුවමය. 88දී කවුරු ආවත් අවදානමක් නොවිය. එදා ජනතාවට මරණ බිය ඇති කළ ජනතා විමුක්ති පෙරමුණ 2019 මේ කරන්නේද ඒ ටිකම නොවේද? වර්තමානයේ මිනිසුන් ඉල්ලන්නේ වෙනසක් නොවේ. 2015 ඉතිරි වෙනස කිරිමේ අවස්ථාවකි. ජනතා විමුක්ති පෙරමුණට මේ ඡුන්දය දිනා ඒ ටික කළ හැකිද? මේ වැනි චූන් වලට ගම්වල කියන්නේ ලාමක ටිං ටිං ය.
මේ මැතිවරණයේ ඉලිප්පෙන පංචස්කන්ධ දෙකටම හිසක් මොළයක් බඩක් කඳක් නැත. තනිව ඇවිදිය නොහැකි ඛවන්දව වෙති. යන්නේ එක එකාගේ දෙපයිනි. කියන්නේ පිස්සු කතා ය. ඊට සාපේක්‍ෂව ජවිපෙට රටේ හිස විය නොහැකිය. දෙපය විය නොහැකිය. එහෙත් ජනතා විමුක්ති පෙරමුණ අනුර කුමාර දිසානායක මේ කරන්නේ ගිනි ගත් රැුවුළෙන් සුරුට්ටු පත්තු කිරිමකි. අයිවෝ ඩෙනිස් කී පරිදි අනුර කුමාර දිසානායකලාට මහේෂ් සේනානායකලාට කළ යුත්තේ ජනතාවගේ නෙතු ස`ගල වෙමින් රට දෙස බැලීමය. ජනතාවගේ යුග සවන වෙමින් කන්දීමය. කාට කාටත් විවිධ මතවාද සටන් පාඨ තිබිය හැකිය. 71 තුවක්කු ගත්හ. අසාර්ථක විය. 88-89 තුවක්කු ගත්හ. සාර්ථක වීද? නැත. 1994 කුමක් සිදුවිද? 2004 පරිවාස ආණ්ඩු ගැසීය. ජය ගත්තේ ජන මතය නොවේ. 2005 මහින්ද වෙනුවෙන් දකුණේ ජවිපෙය පෙනි සිටින විට උතුර භාරව සිටියේ ප‍්‍රභාකරන්ය. මේ සාරාංශ කළ ඉතිහාසය විප්ලවවාදිද?
නම්බුකාරද? විපර්යකාරකද? සමාවන්න. මේ විග‍්‍රහය ඡුන්දය පමණක් දී ගෙදර යන මිනිසෙකුගේ කල්පනාවකි. එ් මිනිසා එදා වේල හොයා ගෙන ජීවත් වන්නෙකි. ඔහු කියැවූ පොතක ඓතිහාසික සිද්ධියක් මෙසේ සටහන් වී ඇත.
සීීසර් ඝාතනයෙන් පසුව රෝම පුර වැසියන් අමතන බෲටස් මෙසේ කියයි. :භදඑ එය්එ ෂ කදඩැා ක්‍්ැි්ර කැිිල ඉමඑ එය්එ ෂ කදඩැා ඍදපැ පදරු* සීසර් ඝාතනය කළේ ‘‘සීසර්ට අඩුවෙන් ආදරය කළ නිසා නොවේ. රෝමයට වැඩියෙන් ආදරය කළ නිසාය.’’ 2020 සුදු වෑන් එනවිට, ගැහැනුන් ¥ෂණය වන විට, උසාවි වැසෙන විට අනුර කුමාර උඹලාත් හිටියාදැයි ඉතිිහාසය අසනවාට ජවිපෙය කැමතිද? අප මෙහිදි වැදගත් වන්නේ බ‍්‍රෑටස් නොවේ. ඔහුගේ ප‍්‍රකාශය පමණකි. එනම් මාතෘ භූමියට අප වඩාත් ආදරේ කළ යුතු වේ. රටේ බහුතර මිනිස්සු යුද්ධය නිමා කළ අධීවේග මාර්ග තැනූ වැඩියෙන් සොරා කෑ ¥ෂණය රජ කරවූ අධීකරණය විනාස කළ නෙල්ලි රසකිඳ වදකහ මිශ‍්‍ර මැදමුලන රාජපක්ෂ පවුල ජනවරියේ පළවා හැරියාහ.
ඔවුන් නැවත බෙලෙක්කයක් සහ හැරමිටියක් රැුගෙන ගෙයින් ගෙට යමින් සිටිති. ඔවුන් කියන්නේ 2015න් පසුව හෙළිිකළ ¥ෂණ වංචා මිනි මැරම් දේශපාලන පළිගැනීම් බවය. මිග් ගණුදෙනුව හෙළි කළ ලසන්ත වික‍්‍රමතුංග මරා දැම්මේ රජය විසින් බව ගෝටාබය අමෙරිකාවට කියා ඇත. එහි තේරුම 2015 රාජපක්ෂලා පළවා හැරිම සාධාරණ ය යන්නය. ඒ මෙහෙයුමට අනුර කුමාරලාත් ඈත සිට උදව් කළෙහිය. තවමත් ඒ මෙහෙයුම අවසන් නැති බව ජනතා විමුක්ති පෙරමුණ නොදනිත්ද? ඔවුන්ගේ සැබෑ අරමුණ කුමක්ද?
ජනතා විමුක්ති පෙරමුණ අධිරාජ්‍ය විරෝධී ධනපතීන් නැති භංගස්ථාන කරන ආස්ථානයක සිට දේශපාලන ආරම්භ කළ බව රහසක් නොවේ. හරි හෝ වරද වටේම ඇවිදින විට ඊට වඩා ප‍්‍රබල ඇදහීමක් ආගමක් දැකිය නො හැකිය. පනස් වසරකට ආසන්න කාලයක් ජවිපෙය ලංකා දේශපාලනය තුළ විවිධ අත්හදා බැලීම් සිදු කළ බව රහසක් නොවේ. එකී ඉතිහාසයේ 1971 සිට 1989 තෙක් කාලයේ වරින් වර විප්ලවයේ නාමයෙන් ජවිපෙ නාමයෙන් නඩු නැතිව ගස් යට මියගිය සහෝදර සහෝදරියන් දහස් ගණනාවකගේ නිහඬ බලවේග කුමන හේතුවක් නිසා හෝ මේ රටේ ජීවක්වන කිසිවෙකුට එවන් මරණයක් යළි ප‍්‍රාර්ථනා නොකරති. ඒ විශිෂ්ඨ මළවුන්ට අනුර කුමාර දිසානායකලා ඇහුන්කම් දෙනවාද? නැද්ද? එකී දහස් ගණන අතර අනුර කුමාර දිසානායකගේ ලේ නෑයන්ද සිටි බව ඔහුට මතක ඇතැයි අප විශ්වාස කරන්නෙමු. උදාවී ඇත්තේ ධනවාදයට එරෙහි සටනක් නොවේ. මේ යක්‍ෂයා පිළිසිඳ ගන්නා මොහොත වේ. අංගුලිමාල වීදි බසින මොහොත විය හැකිය.
17 වෙනි ආණ්ඩු ක‍්‍රම ව්‍යවස්ථා සංශෝධනයෙහි හරය කුමක්ද? රටේ යහ පාලනය සහතික කිරිමය. මැතිවරණ කොමිෂම හරහා පවිත‍්‍ර ජනමතයක් සනිටුහන් වීම අපේක්‍ෂා කළහ. පොලිස් කොමිෂම හරහා රටේ සිවිල් පාලනය ආරවුලකින් තොරව පවත්වා ගෙයාමට පොලිසියට සීමා ඇති කළහ. අල්ලස් හෝ ¥ෂණ කොමිසම හරහා රටේ රාජ්‍ය සේවයෙහි පවිත‍්‍ර භාවය අපේක්‍ෂා කළහ. එහෙත් 18 වෙනි සංශොධනය හරහා ඒ සියල්ල යකාට නැතිනම් කාගේ හෝ පාලනයට සෙරෙප්පුවට යට කොට මහා විනාශයකට දොරටු විවර කළහ. අප නැවත 17ට වෙච්ච දේ 19ට වන තෙක් බලා සිටිනවාද? 2015 ජනවාරියේ දිනුවේත් මේ පෙළ ගැසෙන්නේත් එකම අරමුණක් අදහස මිනිසුන් බව ජනතා විමුක්ති පෙරමුණ නොදන්නේහිද?
2014 ජූලියේ කුරුණෑගල අඹකොටේ ග‍්‍රාම නිලධාරි වරයාට පහර දුන් පාර්ලිමේන්තුු මන්තී‍්‍රට එරෙහිව පළාතක ග‍්‍රාම නිලධාරින්ට පාරට බැස්සාහ. පොලිසිය උසාවි දැමූ කුරුණෑගල මන්තී‍්‍රට නියම කළ ඇපය රුපියල් 15000/-කි. ඒ කාලයේම කයිට්ස්හී 11 හැවිරිදි දැරියක සමූහ ¥ෂණයකට ලක්කළ සැක කාර නාවික භටයන් 6 දෙනාගෙන් නාවික භටයෙකුට නියම වූ ඇපය රුපියල් 250/-කි. ඒ එදා පැවති පොලිසියේ අධිකරණයේ මට්ටමය. එහෙම වුණේ උතුර අතු ගෑ හමුදා කොස්ස දකුණ සුද්ද කිරිමට යොදා ගත් නිසාය. 2015 ජනවාරියේ එය නතර විය. 2019 නොවැම්බරයෙන් එය නැවත පටන් ගන්න ඉඩ දිය යුතුද? විධායක ක‍්‍රමය අහෝසි කිරිම යන මේ සටනේ තේමාව තුළ දෙවන රාජපක්ෂ හේත්තු කිරිම කළ හැක්කේ අනුර කුමාරට මිස සජිත් පේ‍්‍රමදාසට නොවේ.
අරක්කු බෝතලේට රුපියල් දාහට අනුන්ගේ කොඩි කපන පෝස්ටර් ඉරන පාරේ ලියන මහ ගෙදර දන්සල් දෙන ජාතියේ ඡුන්ද කෙරුවාව අද නැත. සිල් රෙදි බෙදන්න බැරිය. ලිත් ගහන්න බැරිය. පත්වීම් දෙන්න බැරිය. ආණ්ඩුවේ මාධ්‍යට පිස්සු කෙළින්න බැරිය. ජනාධිපතිට පොලිස් කාරයෙකු හෝ මාරු කරන්න බැරිය. පාස්කු ප‍්‍රහාරයට ජනාධිපති අගමැති වගකිව යුතු බවට තේරීම් කාරක සභාව තිරණය කළාය. ඒ සියල්ල හරහා විධායක ජනාධිපතිගේ තටු කැපුණ බව සහතික කෙරෙයි. තනිව තරග කර ජනතා විමුක්ති පෙරමුණට ඒ ජයග‍්‍රහණ රාජපක්‍ෂලාගෙන් රැුකගත හැකිද? ඔවුන්ගේ මේ සටන පාර්ලිමේන්තුවේ ජවිපෙ මන්තී‍්‍ර ප‍්‍රමාණය වැඩිකර ගැනීමට වැඩි යමක් නොවේ. මහා පක්‍ෂ දෙක බහු ජාතික සමාගම් නම් ජවිපෙය සුරුට්ටු කඩයක් වැනිය. 6.25%වූ ජවිපෙය 51% කරා යන්නේ කෙසේද?
යුද ජයග‍්‍රහණය හරහා රාජපක්ෂලා රටම බිය වැද්¥හ. සිංහල දෙමළ භේදයෙන් තොරව මිනිසුන් තැථෑහ. පෙථෑහ. ඝාතනය කළහ. අධිකරණ බිය වැද්¥හ. ඊට එරෙහිව නව මිනිසෙකු බිහි කිරිමට 2014 ජූලි මස 12 වෙනි දින නාරාහේන්පිට අභයාරාම විහාරස්ථානයේ මහ සමු`ථවක් පැවැත්විණ. ඒ සඳහා ආචාර්ය ඉත්තෑපානේ ධම්මාලංකාර හිමිපාණන්ද, කෝට්ටේ නාගවිහාරාමාධිපති මාදුළුවාවේ සෝභිත ඇතුළු ස්වාමීන් වහන්සේලා කිහිප නමක් මෙන්ම අගරදගුරු අති උතුම් මැල්කම් කාදිනල් රංජිත් හිමිපාණන් ද හින්දු ආගමික පූජකවරුන්, ඉස්ලාම් මවුලවිතුමන්ලා ද, දෙමළ ජාතික සන්ධානයේ නායක ආර්.සම්බන්ධන් සහ සුමන්තිරන් මන්ත්රීවරුන් ද, ආණ්ඩුවේ ජ්‍යෙෂ්ඨ අමාත්‍යවරුන් වන තිස්ස විතාරණ සහ ඩිව් ගුණසේකර ද, ජාතික හෙළ උරුමයද, ප‍්‍රජාතන්ත‍්‍රවාදී පක්ෂයද, එජාප නායකත්ව මණ්ඩල ප‍්‍රධානී කරු ජයසූරිය ද එක්ව සිටියහ. එහි ප‍්‍රතිපලය 2015 ජනවාරිය යි. එදා අභයාරාමයට පැමිණි සමහරු අද රාජපක්‍ෂලාට කඬේ යති. එහෙත් ඒ මතවාදය තවමත් ශක්තිමත්ය. අද රට යම් තරමකට සුරක්‍ෂිතය. එදා රාජකාරි කරන අතර, පොලිස් නිලධාරින් පවා බල්ලන් සේ පහර කෑහ. අනවසර වැලි කැනීමක් වැටලූ පොලිස් නිලධාරියෙකුගේ දත් කැඩෙන තෙක් වැලි පැටවූ සවලකින් පහර දී තිබිණ. ඒ නිලධාරියා අධිකරණයේ සාක්කි දෙමින් මහ හඬින් වැළපුනා යයි මාධ්‍ය වාර්තා කර තිබිණ.
‘‘මොකද යකෝ පිරිමියෙක් වෙලාත් අඬන්නේ යයි ‘‘පිරිමියෙක් හඬන විට සමහරු අසති. එහෙත් එදා අධිකරණයේ හඬා වැළපුනේ නිකම් පිරිමියෙක් නොවේ. රාජකාරියකට නිල ඇඳුම් ඇඳ පැළඳ ගොස් නො සෑහෙන්න ගුටි කා කඩාගත් පොලිස් පරීක්‍ෂකයෙකි. උසාවියෙන් නැගුණ ඒ විලාපය එක් මිනිසෙකුගේ විලාපයක් ද? නැත. එය ජාතියක් අසරණව උනුන් බදාගෙන හඬා වැටෙමින් සිටින බව කියන අසුබ පණිවිඩයක් රැුගත් විලාපයක් විය. අප ඒ රාජපක්ෂ භිෂණය ජනවාරියේ වෙනස් කළාට සටන තවමත් අවසන්ව නැත. ඒ අවදානම යළිත් උදා වේද?
සජිත් කොටුකර ගත් සමහරු තමුසෙගෙ අගමැති රනිල්ද කියා අසති. ජනාධිපතිට අගමැති තෝරන්න බැරි බව කී උසාවි නියෝගය ආර්.පේ‍්‍රමදාසගේ පුතා දන්නේ නැත. එක පිලක සිට ඒ අඩුව පිරවිය යුතු අනුර කුමාරලා ලාල් කාන්තලා දවල් හීන දකිමින් සිටිති. ඔක්තෝබරයේදී ජවිපෙ මැදිහත්වීම විශිෂ්ඨය. ජනාධිපති සිරිසේනගේ ඒ තුච්ඡු පාවදීම ශී‍්‍රලනිපය පවා පිළිකුලෙන් හෙළා දකිති. කාට කාටත් විවිධ මතවාද සටන් පාඨ තිබිය හැකිය. 71දී තුවක්කු ගත්හ. අසාර්ථක විය. 88-89දී තුවක්කු ගත්හ.
සාර්ථක වීද? නැත. 1994දී කුමක් සිදුවිද? 2004 පරිවාස ආණ්ඩු ගැසීය. එය ජවිපෙ මිස එජාපයේ අවසානය නොවීය. 2005 මහින්ද වෙනුවෙන් දකුණෙහි ජවිපෙයද උතුරෙහි ප‍්‍රභාකරන්ද අත්වැල් බැඳ සිට ගත්හ. මේ සාරාංශ කළ ඉතිහාසය විප්ලවවාදිද? නම්බුකාරද? විපර්යකාරකද? සෝවියට් ක‍්‍රමයට එරෙහිව සටන් කළ ඉමර් නාගිලා, ඇලෙක්සන්ඩර් ඩුබ්සෙක්ලා, ලෙඞ් වැලෙන්සලා නිවැරදි බව ඉතිහාසය තීින්දු කළාහ. දෙකට බෙදුණ ජයම්පති වික‍්‍රමරත්න ලාල් විජේනායක දෙදෙනාගෙන් නිවැරදි කවුද යන්න ඒ ආකාරයන්ම ඉතිහාසය තීරණය කරනු ඇත. අනුර කුමාරලාට ලාල් කාන්තලාට තවම කල් තිබේ.
නීතිඥ චන්ද්‍රසිරි සෙනෙවිරත්න
