ආරක්ෂක අමාත්‍යාංශයේ ලේකම්ධුරය දරද්දී තමා කළ වැඩ ගැන ශ‍්‍රී ලංකා පොදුජන පෙරමුණේ ජනාධිපති අපේක්ෂක ගෝඨාභය රාජපක්ෂ උජාරුවෙන් කියමින් රට වටේ යයි.
එම වැඩවල කළු පැල්ලම්, ලේ පැල්ලම් ගැන අසන විට මම නෙවේ අහවලා යැයි අනෙක් අය පාවාදෙයි.
ඊට හොඳම උදාහරණය උතුරේ සිවිල් වැසියන් හා එල්ටීටීඊ සාමාජිකයන් හමුදාවට බාරවීමෙන් පසු අතුරුදහන්වීමේ සිද්ධ පිළිබඳ විමසූ විට ඔහු දුන් උත්තරයය. යුද්ධයට නායකත්වය දුන්නේ ඔහු නොව ෆීල්ඞ් මාෂල් සරත් ෆොන්සේකා බව එහිදී ඔහු කීවේය.
ඝාතනය කරන ලද සන්ඬේ ලීඩර් කර්තෘ ලසන්ත වික‍්‍රමතුංග දියණි අහිම්සා වික‍්‍රමතුංග සිය පියාගේ ඝාතනයට ගෝඨාභය රාජපක්ෂ වගකිවයුතු බවට ඇමෙරිකාවේ කැලිෆෝනියා ප‍්‍රාන්තයේ පවරන ලද නඩුවේදී ගෝඨාභය රාජපක්ෂ අනුගමනය කළේ මේ පාවාදීමේ න්‍යායය. ඔහු එහිදී කීවේ ලසන්ත වික‍්‍රමතුංග ඝාතනය සම්බන්ධයෙන් ඔහුට මුක්තිය තිබෙන බවයි. ඔහු එම සමයේ ශ‍්‍රී ලංකා රජයේ නිලධාරියෙකු වශයෙන් කටයුතු කළ බවත් එම නිසා එම ඝාතනයට ඔහු පෞද්ගලිකවම වගකිව යුතු නැති බවත්, ශ‍්‍රී ලංකා රජය ඊට වගකිවයුතු බවත් ඔහු කීය.
ගෝඨාභය රාජපක්ෂ සිවිල් ආරක්ෂක දෙපාර්තමේන්තුව ගැනද සිය මැතිවරණ වේදිකාවකදී කථා කර තිබේ. සිවිල් ආරක්ෂකයන්ට අභිමානයක් ගෙන දුන්නේ ඔහු බව කියා ඇත. ඔවුන්ට නිල ඇඳුමක් දුන්නේද ඔහු බව කියා ඇත.
සිවිල් ආරක්ෂක බලකාය රාජපක්ෂ සමයේදී දෙපාර්තමේන්තුවක් බවට පත්කරනු ලැබීය. එහෙත් එම දෙපාර්තමේන්තුව පිහිටුවීමට අදාල නීතිය හා තුළ රජයේ දෙපාර්තමේන්තුවක සේවකයන්ට හිමිවිය යුතු වරප‍්‍රසාද හා අයිතීන් සිවිල් ආරක්ෂක දෙපාර්තමේන්තුවේ සේවකයන්ට රාජපක්ෂ පාලනය ලබාදුන්නේ නැත.
වෘත්තීය සමිති පිහිටුවීම, වෘත්තීය අයිතිවාසිකම් සඳහා සංවිධානය වීම, ඒ සඳහා අරගල කිරීම යන අයිතිවාසිකම් නැත්තේ යුද, ගුවන් හා නාවික යන හමුදාවලට පමණය. පොලිස් දෙපාර්තමේන්තුවටද ඉහත කී අයිතිවාසිකම් තිබේ. එහෙත් සිවිල් ආරක්ෂක දෙපාර්තමේන්තුවට රාජපක්ෂවරුන් ඉහත කී අයිතිවාසිකම් ලබාදුන්නේ නැත. නමට දෙපාර්තමේන්තුවක් වුවද එහි සාමාජිකයෝ තවත් හමුදාවක සාමාජිකයන් මෙන් ඉහත කි අයිතිවාසිකම් නොලද අය වූහ.
රටේ යුදමය වාතාවරණයක් පවතිද්දී සිය පවුලට තිබූ දේශපාලන සබඳතා පාවිච්චි කරමින් යුද කිරීමට නුසුදුස්සෙකු (මානසික හෝ කායික ආබාධ තත්වයක් පෙන්වමින්* බවට සහතික කරවාගෙන සිය බිරිඳගේ ඉල්ලීමට ඇමෙරිකාවට පලාගිය ගෝඨාභය රාජපක්ෂ ආරක්ෂක ක්ෂේත‍්‍රයට අදාළ ඔහුගේ වැඩ ගැනද පුරසාරම් දොඩයි.
මේ පුරසාරම ඇත්තක්ද යන්න පිළිබඳව රාජපක්ෂ සමයේ උදාහරණ කිහිපයක් සමඟින් අපට සාකච්ඡුා කළ හැකිය.
ලංකා ලොජිස්ටික් සමාගම
ඉන් එකක් වන්නේ ලංකා ලොජිස්ටික් ඇන්ඞ් ටෙක්නොලොජීස් පෞද්ගලික සමාගමය. මේ සමාගම රාජපක්ෂ සමයේ මහා පරිමාණ ව්‍යාපෘති ක්ෂේත‍්‍ර සඳහා සමාගම් නීතිය යටතේ පිහිටුවූ තවත් එක් සමාගමක් විය. මහාමාර්ග කටයුතු, වරාය කටයුතු, තොරතුරු තාක්ෂණ කටයුතු, විදුලිබල ක්ෂේත‍්‍රයේ කටයුතු ආදිය සඳහාද රාජපක්ෂවරුන් විසින් සමාගම් නීතිය යටතේ මේ ආකාරයේ සමාගම් පිහිටවනු ලැබීය. ඒ රජයේ මුදල් හා පරිපාලන රෙගුලාසිවලින් මෙන්ම රාජ්‍ය විගණනයෙන්ද බේරී සිය ව්‍යාපාරික කටයුතු කරගෙන යෑම සඳහාය.
ලංකා ලොජිස්ටික් ඇන්ඞ් ටෙක්නොලොජීස් සමාගම පිහිටුවන අවස්ථාවේදී කීවේ, යුද්ධයට අවශ්‍ය අවිආයුධ හා උපකරණ ගෙන්වීමේදී අතිවිශාල මුදලක් අතරමැදියන්ට කොමිස් වශයෙන් ලැබෙන බවත් එම කොමිස් මුදල් මේ සමාගම මගින් අවිආයුධ හා උපකරණ මිලදී ගැනීමෙන් රටට හෙවත් ශ‍්‍රී ලංකාවට ඉතිරිකර ගත හැකි බවත්ය.
ඒ අනුව රාජපක්ෂ ආණ්ඩුව කළේ 2007 ජූලි 30 දින සහිතව අංක 1508/08 නමැති අතිවිශේෂ ගැසට් පත‍්‍රය පළකිරීමය. එම ගැසට් පත‍්‍රය අනුව අවිආයුධ හා ඒ ආශ‍්‍රිත උපකරණ කිසිවක් ගෙන ඒම පෞද්ගලික අංශයේ සමාගම්වලට තහනම් විය. ඒ සඳහා අවසරය ලැබුණේ ලංකා ලොජිස්ටික් ඇන්ඞ් ටෙක්නොලොජීස් සමාගමට පමණය. එම ගැසට් පත‍්‍රයේ අයිතම 32ක් සඳහන් වේ. එම අයිතම 32ට වාණිජ හා යුදමය යන දෙවර්ගයටම අයත් අවිආයුධ හා උපකරණ අයත්ය. ඊට මෝටාර්, රොකට්, ග්‍රෙනේඞ්, මැෂින් තුවක්කු, රයිෆල්, පිස්තෝල, කාලතුවක්කු, ගුවන්යානා නාශක තුවක්කු, සන්නද්ධ රථ, නාවික මුහුදු යාත‍්‍රා, මිලිටරි තුවන්යානා, රේඩාර්, පැරචුට්ස්, රාත‍්‍රී දුරදක්න, සබ්මැරීන්, පුපුරනද්‍රව්‍ය සොයාගැනීමේ උපකරණ, ජීපීඑස් උපකරණ, ලේසර් උපකරණ ආදිය අයත් විය.
මේ ලංකා ලොජිස්ටික් සමාගමේ ආරම්භක කොටස් ප‍්‍රාග්ධනය රුපියල් 10 බැගින් වූ කොටස් ලක්ෂයකි. ඉන් ආරක්ෂක අමාත්‍යාංශයේ ලේකම් ගෝඨාභය රාජපක්ෂට කොටස් 100කි. මුදල් අමාත්‍යාංශ ලේකම් පී.බී. ජයසුන්දරට කොටස් 100ක් හා ආරක්ෂක මාණ්ඩලික ප‍්‍රධානී, යුද හමුදාපති, ගුවන් හමුදාපති, නාවික හමුදාපති හා පොලිස්පතිට එක් කොටස බැගින් හිමිවී තිබුණි.
එහි ආරම්භක ප‍්‍රධාන විධායක නිලධාරියා වූයේ ජයන්ත වික‍්‍රමසිංහය. ඔහු එවක මහජන බැංකුවේ සභාපතිවරයා වශයෙන් කටයුතු කළ ගාමිණී වික‍්‍රමසිංහගේ සහෝදරයාය. හිටපු ජනාධිපති බිරිඳ ශිරන්ති වික‍්‍රමසිංහ රාජපක්ෂගේ ඥාති සහෝදරයෙකි. තවදුරටත් ගෝඨාභය රාජපක්ෂගේ කොළඹ ආනන්ද විද්‍යාලයේ මිතුරෙකි. බරපතළම කාරණය වූයේ ජයන්ත වික‍්‍රමසිංහ ත‍්‍රිවිධ හමුදාවට යුද උපකරණ සැපයුම්කරුවෙකු ලෙස කටයුතු කර තිබීමය.
2006, 2007, 2008 හා 2009 යන වර්ෂවලදී රාජ්‍ය අයවැයෙන් ආරක්ෂාව සඳහා අතිවිශාල මුදලක් වෙන්කර තිබූ බව කවුරුත් දන්නා සත්‍යයකි. එම මුදලින් පුනරාවර්තන (වැටුප්* වියදම් හැරුණුවිට අනෙක් මුදල් වියදම් කරනු ලැබූයේ භාණ්ඩ හා සේවා මිලදී ගැනීම සඳහාය. දළ වශයෙන් එකී මුදල රුපියල් බිලියන 100කට ආසන්නය. එනම් කෝටි 10,000කට ආසන්නය. ඒ ඉන්දීය ණය, පාකිස්ථාන ණය හා චීන ණය වශයෙන් ශ‍්‍රී ලංකාව යුද්ධය සඳහා ලබාගත් ආයුධ හා සේවාවලට අමතරවය.
අවම තත්වය ලෙස ගණනය කරමින් රාජ්‍ය අයවැයෙන් හා ණය යෝජනා ක‍්‍රමවලින් ලබාගත් සියලූ යුද උපකරණ හා සේවාවල වටිනාකම රුපියල් බිලියන 200ක් ලෙස සැලකුවත් සීයට 10 අවම කොමිස් මුදල ලෙස රුපියල් බිලියන 20ක මුදලක් ලංකා ලොජිස්ටික් සමාගමේ ලාභය ලෙස ඉතිරි විය යුතුය. රුපියල්වලින් නම් රුපියල් කෝටි 2000ක මුදලක් ඉතිරිවිය යුතුය.
එහෙත් 2010 වර්ෂයේදී සමාගම් ලියාපදිංචි කිරීමේ දෙපාර්තමේන්තුවෙන් ලියුම්කරු කරන ලද සොයා බැලීමකදී හෙළිදරව් වූයේ ලංකා ලොජිස්ටික් සමාගම පාඩු ලබමින් සිටින බවයි. එම සමාගම 2006 වර්ෂයේ සිට 2010 වර්ෂය වන තෙක්ම ලබාදී තිබුණේ එක් ගිණුම් වාර්තාවක් පමණය. ඒ 2006 ඔක්තෝබර් සිට 2007 මාර්තු දක්වාය. එම කාලයේදී පමණක් ලංකා ලොජිස්ටික් සමාගම රුපියල් ලක්ෂ 42ක පාඩුවක් ලබා තිබුණි.
ගෝඨාභය රාජපක්ෂගේ වැඩ එහෙමය. ආයුධ මිලදී ගැනීමේ අවම සීයට 10ක කොමිස් මුදලත් අතුරුදන් වී තිබුණි. ලංකා ලොජිස්ටික් මහා භාණ්ඩාගාරයේ මුදලින් යැපෙමින් තිබුණි.
රණජය පුර
‘ආරක්ෂක මණ්ඩලයට ඔහුම ඉදිරිපත් කළ සංඛ්‍යාලේඛන අනුව මේ නිවාස එක්දහස් පන්සීය ඉදිකිරීම සඳහා වන යටිතල පහසුකම් වෙනුවෙන් රුපියල් කෝටි දෙසිය පණහක් වියදම්කොට තිබෙනවා. ඒ නිවාස ව්‍යාපෘතියේ එක් නිවසක් වෙනුවෙන් රුපියල් ලක්ෂ දාහතරක් වශයෙන් නිවාස එක්දහස් පන්සීයක් ඉදිකිරීමට පමණක් රුපියල් කෝටි දෙසිය විසිපහක් වියදම්කොට තිබෙනවා. ඒ අනුව නිවාස ව්‍යාපෘතියේ සම්පූර්ණ වටිනාකම රුපියල් කෝටි හාරසිය හැත්තෑපහක් බව කිව යුතුයි.‘
‘ඒ මුදලින් මම අණදුන් හමුදාවේ එක සෙබළෙකුට රුපියල් ලක්ෂ 10ක් හා ඉඩමක් වශයෙන් ප‍්‍රදානය කළා නම් අවම වශයෙන් සෙබළුන් හාරදහස් පන්සිය පනහකට සෙතක් සැලසෙනවා.‘
2010 ජනාධිපතිවරණය වෙනුවෙන් මාතර සනත් ජයසූරිය ක‍්‍රීඩාංගණයේ පැවති ප‍්‍රචාරක රැුළියේදී එසේ කීවේ එම මැතිවරණයේ ජනාධිපතිවරණ අපේක්ෂක සරත් ෆොන්සේකාය. ඔහු ඒ බව කීවේ එවක කැකිරාව ඉපලෝගම ඉදිකළ ‘රණජය පුර‘ හමුදා ගම්මානය පිළිබඳවය.
ඉපලෝගම ඉදිකරන ලද ප‍්‍රථම ගම්මානයේ නිවාස සංඛ්‍යාව 1509ක් විය. එම එක් නිවසක වටිනාකම ලක්ෂ 14ක් බව ප‍්‍රකාශ කරනු ලැබීය. ආරක්ෂක අංශ සාමාජිකයෙකු මේ එක් නිවෙසක් ලබාගැනීම සඳහා රුපියල් ලක්ෂ 8ක මුදලක් ගෙවිය යුතු වූ අතර ඉතිරි රුපියල් ලක්ෂ 6ක මුදල රජය දරන බව ප‍්‍රකාශ විය. යුද හමුදා සාමාජිකයා ගෙවිය යුතු රුපියල් ලක්ෂ 8ක මුදල සඳහා පොලී රහිත ණයක් වාරික වශයෙන් ගෙවීමට ලබාදෙන බවද ප‍්‍රකාශ විය.
එහෙත් පොලී රහිත ණය පොරොන්දු සංශෝධනය වෙමින් පසුව දැනුම් දී තිබුණේ රුපියල් ලක්ෂ 8ක මුදල එකවර ගෙවා හෝ අත්තිකාරම් මුදලක් ගෙවා එම නිවාස ලබාගත හැකි බවය. ලක්ෂ 8ක ණයක් ලබාගැනීමේදී එහි මුල් ලක්ෂ 5 සඳහා සීයට 4ක පොළියක්ද ඉතිරි ලක්ෂ 3 සඳහා සීයට 8ක පොළියක්ද වන සේ මාසික වාරිකවලින් ගෙවිය හැකි ණයක් ලබාදෙන බවය.
මේ නිවාස ව්‍යාපෘතියේ මුල් කොන්ත‍්‍රාත්කරුවන් මුළු ඉදිකිරීම්වලින් සීයට 45ක් සිදුකර එය අතහැර දමා තිබුණි. ඉතිරි සීයට 55 සම්පූර්ණ කර තිබුණේ නාවික හමුදාවය. එවක නිවාස ව්‍යාපෘතියේ සම්බන්ධීකාරක හා ආරක්ෂක අමාත්‍යාංශයේ අතිරේක ලේකම් ලෙස කටයුතු කළ විලී ගමගේ මහතා ලියුම්කරුට කීවේ, මුල් ඉදිකිරීම් සමාගමට රුපියල් මිලියන 900ක මුදලක් ගෙවූ බවය. දළ වශයෙන් රුපියල් බිලියන 2ක පමණ මුදලක් නිවාස ඉදිකිරීම සඳහා වැයවූ බවය. නාවික හමුදාවේ ශ‍්‍රමය සඳහා ඇස්තමේන්තුගත මුදල ලබාදුන් බවය. එහෙත් එවක නාවික හමුදා ප‍්‍රකාශක කපිතාන් අතුල සෙනරත් මහතා විලී ගමගේ මහතාගේ ප‍්‍රකාශය ප‍්‍රතික්ෂේප කරමින් ලියුම්කරුට කීවේ නාවික හමුදාවට එම ඉදිකිරීම් වෙනුවෙන් කිසිදු මුදලක් නොගෙවූ බවය. නාවික හමුදාවේ තාක්ෂණික හා මිනිස් බලය නොමිලයේ යෙදවූ බවය.
ඊටත් අමතරව ඉපලෝගම ව්‍යාපෘතියේ යටිතල පහසුකම් සංවර්ධනය රාජ්‍ය ආයතන නොමිලයේ සිදුකර දී තිබුණි. මාර්ග සංවර්ධන අධිකාරිය එහි මාර්ගද, ජල සම්පත් මණ්ඩලය ජලය සැපයීමද, විදුලිබල මණ්ඩලය විදුලිය සැපයීමද කර ඇත. සෞඛ්‍ය මධ්‍යස්ථානය හා පාසල ඉදිකර ඇත්තේ උතුරු මැද පළාත් සභාවය. ඉඩමද රජයෙන් නොමිලයේ ලැබුණකි.
ඒ අනුව නාවික හමුදාවට ශ‍්‍රම දායකත්වය වෙනුවෙන් ගෙව්වායැයි කියූ රුපියල් බිලියනයකට වැඩි හෙවත් රුපියල් කෝටි 100කට වැඩි මුදල හා යටිතල පහසුකම් වශයෙන් වැයවූවා යැයි කියූ රුපියල් කෝටි 250ක මුදල අතුරුදහන් වී ඇත. ගෝඨාභය රාජපක්ෂ මෙහෙයවූ ආරක්ෂක අමාත්‍යාංශයේ හා ‘රණවිරු‘ නිවාස ව්‍යාපෘතිවල තත්වය එසේය.
අපි වෙනුවෙන් අපි ගිණුම
‘අපි වෙනුවෙන් අපි‘ යනුවෙන් දැවැන්ත ප‍්‍රචාරක ව්‍යාපෘතියක් ආරම්භ කරමින් රාජපක්ෂවරු ත‍්‍රිවිධ හමුදා හා පොලිස් සාමාජිකයන්ගේ සුභසාධනය සඳහා යැයි කියමින් දෙස් විදෙස් ශ‍්‍රී ලාංකික ආධාර එකතු කරනු ලැබූයේ අපි වෙනුවෙන් අපි අරමුදලටය. එය ඊට පැවති ජාතික ආරක්ෂක අරමුදල විය.
මෙම අපි වෙනුවෙන් අපි ගිණුම් තිබුණේ ලංකා බැංකුවේ තැප්‍රොබේන් ශාඛාවේය. අංක 7040000 දරන අපි වෙනුවෙන් අපි ජංගම ගිණුමේ 2014 දෙසැම්බර් මාසයේදී සැක විදේශ ගනුදෙනු 4ක් සිදුවී තිබුණි. මේ දෙසැම්බර් මාසය යනු 2015 ජනවාරි 8 ජනාධිපතිවරණයට අදාල මැතිවරණ කාලයය.
මේ ගනුදෙනු සිදුකර තිබුණේ 2014 දෙසැම්බර් 11 වැනිදාය. ඒ රුපියල් 30,353,996 (මිලියන 30* බැගින් වූ ගෙවීම් තුනක් හා රුපියල් 50,589,993ක් (මිලියන 50* වූ ගෙවීමක් වශයෙන්ය. මෙම විදේශ ගෙවීම් හතරේ මුළු එකතුව රුපියල් මිලියන 141.65ක් හෙවත් රුපියල් කෝටි 14 කි.
ඊටත් අමතරව තවත් රුපියල් මිලියන 22ක මුදලක් 2014 දෙසැම්බර් 31 දින අංක 100160 දරන චෙක්පත මගින් එම ගිණුමෙන් ගෙවා තිබුණි.
ඒ නිසාම 2014 දෙසැම්බර් 31 දින වනවිට අපි වෙනුවෙන් අපි ඉතිරි කිරීමේ ගිණුම වන අංක 73249610 ගිණුමේ ශේෂය රුපියල් මිලියන 14 දක්වා අඩුවී තිබුණි.
මේ ආකාරයට විදේශයට මුදල් ගෙවන්නට හෝ දේශීය වශයෙන් මුදල් ගෙවන්නට රණවිරු සුභසාධනය වෙනුවෙන් එම සමයේ ක‍්‍රියාත්මක වූ වැඩසටහන කුමක්දැයි දන්නේ එම ගිණුම හැසිරවීම සඳහා අධිකාරී බලය තිබුණ අය පමණය.
එහිදී ලියුම්කරුට මතක් වන්නේ එසමයේ ආරක්ෂක අමාත්‍යාංශයේ අතිරේක ලේකම් වශයෙන් කටයුතුකළ විලී ගමගේ මෙම ගිණුම ගැන විපක්ෂ ප‍්‍රචාරයන්ට ප‍්‍රතිචාර දක්වමින් කියූ දෙයක්ය. ඔහු කීවේ කියන තරම් කෝටි ප‍්‍රකෝටි ගණන් මුදල් එම අරමුදලට ලැබී නැති බවත්, නිවාස ව්‍යාපෘති වෙනුවෙන් එම අරමුදලෙන් මුදල් ලබා නොගත් බවත්, රුපියල් මිලියන 700ක පමණ මුදලක් එම ගිණුමට ලැබී ඇති බවත්ය.
ගෝඨාභය රාජපක්ෂ යනු එම ගිණුමේ මුදල් ආපසු ගැනීම සඳහා අත්සන් බලය තිබූ ප‍්‍රධාන තැනැත්තාය. අන් අත්සන් බලය තිබූ අයවූයේ බී.යූ. රත්නවීර, පී. ද සිල්වා, බී.ඞී.බ්.ඒ. සිල්වා හා ඞී.ආර්. තිරන්තුඩුව යන අයය.
දැන් යුක්තිගරුක වී සිටින, නීතිගරුක වී සිටින, ¥ෂණයට, වංචාවට, භීෂණයට එරෙහිව සීමාවෙන් ඔබ්බට ගොස් රාජකාරී කිරීමේ වගකීම් ඉටුකළ ගෝඨාභය රාජපක්ෂට අත්සන් බලය තිබූ රණවිරු ගිණුම්වල කටයුතු සිදුවී තිබුණේ එයාකාරයටය.
සනත් ජයසූරිය ක‍්‍රීඩාංගණයේ පැවති ප‍්‍රචාරක රැුළියේදී එසේ කීවේ එම මැතිවරණයේ ජනාධිපතිවරණ අපේක්ෂක සරත් ෆොන්සේකාය. ඔහු ඒ බව කීවේ එවක කැකිරාව ඉපලෝගම ඉදිකළ ‘රණජය පුර‘ හමුදා ගම්මානය පිළිබඳවය.
ඉපලෝගම ඉදිකරන ලද ප‍්‍රථම ගම්මානයේ නිවාස සංඛ්‍යාව 1509ක් විය. එම එක් නිවසක වටිනාකම ලක්ෂ 14ක් බව ප‍්‍රකාශ කරනු ලැබීය. ආරක්ෂක අංශ සාමාජිකයෙකු මේ එක් නිවෙසක් ලබාගැනීම සඳහා රුපියල් ලක්ෂ 8ක මුදලක් ගෙවිය යුතු වූ අතර ඉතිරි රුපියල් ලක්ෂ 6ක මුදල රජය දරන බව ප‍්‍රකාශ විය. යුද හමුදා සාමාජිකයා ගෙවිය යුතු රුපියල් ලක්ෂ 8ක මුදල සඳහා පොලී රහිත ණයක් වාරික වශයෙන් ගෙවීමට ලබාදෙන බවද ප‍්‍රකාශ විය.
එහෙත් පොලී රහිත ණය පොරොන්දු සංශෝධනය වෙමින් පසුව දැනුම් දී තිබුණේ රුපියල් ලක්ෂ 8ක මුදල එකවර ගෙවා හෝ අත්තිකාරම් මුදලක් ගෙවා එම නිවාස ලබාගත හැකි බවය. ලක්ෂ 8ක ණයක් ලබාගැනීමේදී එහි මුල් ලක්ෂ 5 සඳහා සීයට 4ක පොළියක්ද ඉතිරි ලක්ෂ 3 සඳහා සීයට 8ක පොළියක්ද වන සේ මාසික වාරිකවලින් ගෙවිය හැකි ණයක් ලබාදෙන බවය.
මේ නිවාස ව්‍යාපෘතියේ මුල් කොන්ත‍්‍රාත්කරුවන් මුළු ඉදිකිරීම්වලින් සීයට 45ක් සිදුකර එය අතහැර දමා තිබුණි. ඉතිරි සීයට 55 සම්පූර්ණ කර තිබුණේ නාවික හමුදාවය. එවක නිවාස ව්‍යාපෘතියේ සම්බන්ධීකාරක හා ආරක්ෂක අමාත්‍යාංශයේ අතිරේක ලේකම් ලෙස කටයුතු කළ විලී ගමගේ මහතා ලියුම්කරුට කීවේ, මුල් ඉදිකිරීම් සමාගමට රුපියල් මිලියන 900ක මුදලක් ගෙවූ බවය. දළ වශයෙන් රුපියල් බිලියන 2ක පමණ මුදලක් නිවාස ඉදිකිරීම සඳහා වැයවූ බවය. නාවික හමුදාවේ ශ‍්‍රමය සඳහා ඇස්තමේන්තුගත මුදල ලබාදුන් බවය. එහෙත් එවක නාවික හමුදා ප‍්‍රකාශක කපිතාන් අතුල සෙනරත් මහතා විලී ගමගේ මහතාගේ ප‍්‍රකාශය ප‍්‍රතික්ෂේප කරමින් ලියුම්කරුට කීවේ නාවික හමුදාවට එම ඉදිකිරීම් වෙනුවෙන් කිසිදු මුදලක් නොගෙවූ බවය. නාවික හමුදාවේ තාක්ෂණික හා මිනිස් බලය නොමිලයේ යෙදවූ බවය.
ඊටත් අමතරව ඉපලෝගම ව්‍යාපෘතියේ යටිතල පහසුකම් සංවර්ධනය රාජ්‍ය ආයතන නොමිලයේ සිදුකර දී තිබුණි. මාර්ග සංවර්ධන අධිකාරිය එහි මාර්ගද, ජල සම්පත් මණ්ඩලය ජලය සැපයීමද, විදුලිබල මණ්ඩලය විදුලිය සැපයීමද කර ඇත. සෞඛ්‍ය මධ්‍යස්ථානය හා පාසල ඉදිකර ඇත්තේ උතුරු මැද පළාත් සභාවය. ඉඩමද රජයෙන් නොමිලයේ ලැබුණකි.
ඒ අනුව නාවික හමුදාවට ශ‍්‍රම දායකත්වය වෙනුවෙන් ගෙව්වායැයි කියූ රුපියල් බිලියනයකට වැඩි හෙවත් රුපියල් කෝටි 100කට වැඩි මුදල හා යටිතල පහසුකම් වශයෙන් වැයවූවා යැයි කියූ රුපියල් කෝටි 250ක මුදල අතුරුදහන් වී ඇත. ගෝඨාභය රාජපක්ෂ මෙහෙයවූ ආරක්ෂක අමාත්‍යාංශයේ හා ‘රණවිරු‘ නිවාස ව්‍යාපෘතිවල තත්වය එසේය.
