අමාත්‍ය මනෝ ගනේෂන් – එක්සත් ජාතික පෙරමුණ
පසුගිය සතියේදී පාස්කු ඉරිදා ත‍්‍රස්ත ප‍්‍රහාරය නැවතත් දේශපාලන වේදිකාවේ මාතෘකාවක් බවට පත්ව තිබුණා. සමස්තයක් ලෙස ගෝඨාභය රාජපක්ෂ මහතාගේ මැතිවරණ ව්‍යාපාරය එම ප‍්‍රහාරය මත ගොඩනැඟී තිබෙන බව පෙනෙනවා. ඔවුන් චෝදනා කරන්නේ එම ත‍්‍රස්ත ප‍්‍රහාරය ගැන එජාපෙ ආණ්ඩුව ප‍්‍රමාණවත් විමර්ශනයක් නොකළ බව නේද?
පාස්කු ඉරිදා පිළිබඳව මේ රටේ ඉතිහාසයේ කවුරුවත් කරපු නැති විදියට අපි විමර්ශනය කළා. අපේ මැදිහත්වීමෙන් විවිධාකාර ක‍්‍රියාමාර්ග අපි ගත්තා. පොලීසියත් අධිවේගයෙන් විමර්ශන කළේ එතෙක් කරමින් සිටි බොහෝ විමර්ශනවලටත් වඩා වැඩි ප‍්‍රමුඛත්වයක් දෙමින්. ජනාධිපතිතුමා මේ ගැන විශේෂ කමිටුවක් පත්කළා. පාර්ලිමේන්තුවත් කමිටුවක් පත්කළා. හැමදේම ගැන තොරතුරු මාධ්‍යවලට විවෘත වුණා. සිද්ධවුණේ මොකක්ද කියලා විනිවිදභාවයකින් යුතුව සමාජයට දැනගන්නට සැලැස්වුවා. පාර්ලිමේන්තු තේරීම් කමිටුව පිළිබඳව මාධ්‍යවලට නිදහසේ වාර්තා කරන්නට ඉඩ ලැබුණා.
ඒ වගේම අපි අමතක කරන්න ඕනෑ නැහැ,
මේ සිදුවීම ගැන පරීක්ෂණවලිනුත්, කළ වැටලීම්වලිනුත් තුන්දහසකට වැඩි සැකකරුවන් ප‍්‍රමාණයක් අත්අඩංගුවට ගත්තා. විමර්ශන කළා. මේක ලංකාවට මුහුණදෙන්න සිද්ධවුණ පළවැනි ත‍්‍රස්ත ප‍්‍රහාරය නෙවෙයි. ඉස්ලාම් ත‍්‍රස්තවාදය පැත්තෙන් සැලකුවත් මේක ලෝකයේ පළවැනි ත‍්‍රස්ත ප‍්‍රහාරය නෙවෙයි. මේක වළක්වාගන්න පුළුවන් වුණා නම් හොඳයි. ඒත් මේ ඛේදවාචකය වළක්වාගන්න බැරිවුණා. ප‍්‍රහාරයෙන් පසුව මීට කලින් කිසිම ආණ්ඩුවක් නොකරපු තරම් දේවල් මේ සිදුවීම සම්බන්ධයෙන් කළා. කිසිම ආණ්ඩුවක් මීට පෙර ත‍්‍රස්ත ප‍්‍රහාරයක් ගැන මේ තරම් කම්පනයට පත්වෙලා, පියවර අරගෙන නැහැ. මේ වෙද්දී සිදුවීම ගැනත් එයට මැදිහත් වූ අය ගැනත් එය වළක්වාගන්නට නොහැකිවුණේ ඇයිද කියන එක ගැනත් සියලූ කරුණු එළියට ඇවිත් තියෙනවා.
එහෙත් එය ප‍්‍රමාණවත් මදි බව කියනවා නේද?
විපක්ෂය තවත් මේක ගැන හොයන බව කියලා මිනිස්සුන්ව රවට්ටනවා. බලයට ඇවිත් මේ ගැන විවෘතව විමර්ශනය කරන්න කොමිසමක් ඇතිකරනවා කියලා කියනවා. ඒත් ඒ ගැන විමර්ශනය කරන්න දෙයක් නැහැ. විමර්ශන කරලා ඉවරයි. අනෙක විවෘතභාවය කියන්නේ රාජපක්ෂ ආණ්ඩුවකින් කිසිදා බලාපොරොත්තු වෙන්න බැරි දෙය. පාස්කු ඉරිදා සිදුවීම සම්පූර්ණයෙන්ම විකුණන්න තමයි ඔවුන් උත්සාහ ගන්නේ. අපි ත‍්‍රස්තවාදී කල්ලියේ ජාලය අඩපණ කරලා ඉවරයි. රට වටේ ගිහින් ඒගොල්ලන්ව අත්අඩංගුවට අරගෙන තොරතුරු සම්පූර්ණයෙන්ම ලබාගෙන අවිආයුධ කට්ටල ලබාගෙන හංගලා තිබුණ එකත් හොයලා අරගෙන ඉවරයි. ඒ සංවිධානය සම්පූර්ණයෙන්ම කුඩුපට්ටම් කරලා ඉවරයි. දැන් කරන්න ඕනෑ ඉතිරි අයට එරෙහිව විමර්ශනය අවසන් කරලා දඬුවම් ලබාදීමයි. මෙවැනි ඛේදවාචකයකින් පසුව මීට වඩා කරන්න දෙයක් නැහැ. අපි හානිය සිද්ධවෙච්ච ආගමික ස්ථාන හදලා දීලා තියෙනවා. මරණයට පත්වුණ අයට, තුවාලකරුවන්ට වන්දි දීලා තියෙනවා. එච්චර දේවල් වුණාට පස්සේත් මොනාවත් වෙලා නැහැ කියලයි විපක්ෂය කියන්නේ. පුදුමාකාර වැඩක්.
එහෙත් ඒ සිදුවීමෙන් පසුව ජාතික ආරක්ෂාව පිළිබඳ මාතෘකාවට ඉහළ ඉල්ලූමක් ඇතිවෙලා තියෙනවා. ගෝඨාභය රාජපක්ෂ මහතාගේ ප‍්‍රතිපත්ති ප‍්‍රකාශයේත් මුලින්ම තියෙන්නේ ජාතික ආරක්ෂාව ගැන..
ඇත්ත. ගෝඨාභය රාජපක්ෂ මහත්තයා තමුන්ගේ ප‍්‍රකාශ හැම එකකදීම පාහේ ජාතික ආරක්ෂාව ගැන කතාකරන බව අපටත් පේනවා. ඔහුට ඒක විතරයි කියන්න තියෙන්නේ. ඔහු පොලිස් රාජ්‍යයක් හදන්නයි යන්නේ. ආරක්ෂාව තමයි ඔහුට තියෙන එකම මාතෘකාව. අපි පොලිස් රාජ්‍යයක් හදන්නේ නැහැ. අපි හදන්නේ ප‍්‍රජාතන්ත‍්‍රවාදී ජනරජයක්. ඒත් ඒකේ ජාතික ආරක්ෂාවට උපරිමය දෙනවා. අපි නීතිය හා සාමය මෙන්ම ජාතික ආරක්ෂාව පිළිබඳ ඇමතිධුරය දෙන්නේ ගෝඨාභය රාජක්ෂලාගේ කටින් කියපු විදියට ලෝකයේ හොඳම හමුදාපතිවරයාටයි. ඊට එහා මොනවාද ආරක්ෂාව ගැන කතාකරන්න ඕනෑ. මහින්ද රාජපක්ෂ මහතාම ෆොන්සේකා මහත්තයාට සහතිකය දීලා තියෙනවානේ. ඉතින්, ආරක්ෂාව ගැන මීට වඩා හොඳ ඇමතිවරයෙක් පත් කරන්නෙ කොහොමද. වෙනම රටකින් ගේන්නත් බැහැනේ. එයාලා කියන විදියට ඔහුනේ හොඳම කෙනා. එහෙනම් ඔවුන්ට වෙනත් ලෝකයකින් තමයි ආරක්ෂාවට කෙනෙක්ව ගේන්න වෙන්නේ. අපි ප‍්‍රජාතන්ත‍්‍රවාදීව ආරක්ෂාවට අංක එක දෙනවා.
ජාතික ආරක්ෂාව ගැන කියන්නේ සංහිඳියාවට ගැටගැහිලා තියෙන දෙයක්. අපේ ජාතික ආරක්ෂාවට තර්ජනයක් තියෙන බව දැන් හැෙඟනවානේ. ඒත් දැන් අපේ අසල්වැනියා වන ඉන්දියාව එක්කවත්, මාලදිවයින එක්කවත්, පාකිස්ථානය එක්කවත් අපි යුද්ධ කරන්නේ නැහැනේ. සරලවම කීවොත් අපේ ජාතික ආරක්ෂාවට විදේශ රටකින් තර්ජනයක් නැහැ. මේක අභ්‍යන්තර වශයෙන් තියෙන ආරක්ෂක ප‍්‍රශ්නයක්. ලංකාවේ ජාතික ඒකාබද්ධතාවයට හානි සිද්ධවෙන දේවල් හොයලා බලලා ඒවාට උත්තර දීමෙන් තමයි මෙවැනි මොහොතක ජාතික ආරක්ෂාව තහවුරු කරන්න ඕනෑ.
ඔබේ අදහස ගෝඨාභය රාජපක්ෂ මහතාගේ ආරක්ෂක උපක‍්‍රම මේ වෙලාවේ නොගැළපෙන බවද?
මේ වෙලාවේ හේතු හොයලා උත්තර සොයන්න ඕනෑ. හේතුඵල දහමෙනුයි මේ වෙලාවේ ප‍්‍රශ්නය විසඳාගන්න ඕනෑ. අද ලංකාවේ ජාතික ආරක්ෂාව කියන්නේ මහපාරේ හමුදා පෙළපාලි පැවැත්වීම පමණක් නෙවෙයි. යුද්ධ ටැංකි, සෙබළු, තුවක්කු තියාගෙන පෙළපාලි ගිහින් බලය පෙන්වන එක පමණක් නෙවෙයි. ඒක ආරක්ෂාවේ එක අංගයක් විතරයි. ඉන්දියාවේත් පාකිස්ථානයේත් චීනයේත් නිදහස් උත්සවය වැනි අවස්ථාවල පෙළපාලි යනවා තමයි. ඒ හැම රටක්ම ඒවා කරන්නේ විදෙස් රටවලට තමන්ගේ යුද ශක්තිය පෙන්වන්නටයි. ඉන්දියාව පෙළපාලි යන්නේ පාකිස්ථානයට පේන්න. පාකිස්ථානය යන්නේ ඉන්දියාවට පේන්න. ඒත් අපේ ජාතික ආරක්ෂාව ජාතික සමගිය මිසක් හමුදා පෙළපාලි නෙවෙයි. තැනින් තැන හමුදාව යෙ¥ පළියට මේ වෙලාවේ සිටින සතුරන්ව පරාජය කරන්න බැහැ. එල්ටීටීඊ එක නිශ්චිත භූමියකට හිටපු සංවිධානයක්. ඒත් පාස්කු ඉරිදා ත‍්‍රස්ත ප‍්‍රහාරය එල්ලකළේ එවැනි කණ්ඩායමක් නෙවෙයි. ලෝකයේම බලවත් රට ඇමෙරිකාව එහෙත් ඇමෙරිකාවටත් එවැනි ප‍්‍රහාර එල්ලවුණා. ඉහළම තාක්ෂණය තිබිලාත් ඔවුන්ට ඒවා වළක්වාගන්න බැරිවුණා. බි‍්‍රතාන්‍යය යුරෝපයේ බලවත්ම රටක්. ඒ රටවලටත් ත‍්‍රස්ත ප‍්‍රහාර වළක්වන්න බැරිවුණා.
පාස්කු ඉරිදා ප‍්‍රහාරයට මුල් වුණ බලවේග පරාජය කිරීමට මතවාදී සටනකුත් කරන්න ඕනෑ.
ඒ මතවාදය රාජපක්ෂලාට පරාජය කරන්න පුළුවන්ද කියලා මම අහන්නේ. ඔබ කීව එක ඇත්ත. සංහිඳියාව කියලා කියන්නේ පාස්කු ඉරිදා ත‍්‍රස්ත ප‍්‍රහාරයට මුල්වුණ දෘෂ්ටිවාදයට උත්තර දීම. සහරාන් ඉදිරිපත් වෙලා අයිඑස් සංවිධානය සමඟ එකතුවෙලා පහරදෙනකොට ඒක පිටිපස්සේ තිබුණේ අන්තවාදය. දැන් වහාබ්වාදය කියලා කියන්නේ ඒකට. ඒ මතයට පැතිරෙන්න ඉඩ නොදී, වගබලාගන්න ඕනෑ කියන තැන අපි ඉන්නේ. මුස්ලිම් අන්තවාදය, දෙමළ අන්තවාදය, සිංහල අන්තවාදය ඇතුළු සියලූ මතවාද පරද්දන්න ඕනෑ. අද මහින්ද රාජපක්ෂලා එක්ක සන්ධානගත වෙලා ඉන්න කණ්ඩායම් කවුද. එක පැත්තක වර්ධරාජා පෙරුමාල්, කරුණා අම්මාන්, පිල්ලෙයාන් වැනි අය කෙළින්ම රාජපක්ෂලා එක්ක ඉන්නවා. තවත් පැත්තකින් හිස්බුල්ලා වැනි අය වක‍්‍රව ඉන්නවා. අබ්දුල් රාසික් පවා එයාලාට සහාය පළකරන බව කියා තියෙනවා. රාසික්ලා සහරාන්ලා එක්ක කාලයක් හිටපු අය. වහාබ්වාදය මේ රටේ නිර්මාණය කරපු, පඩි ගෙවපු කණ්ඩායම් කවුද කියලා දැන් වාර්තාවලින් පවා හෙළිවෙලා තියෙනවා. ඒ වෙන කවුරුවත් නෙවෙයි රාජපක්ෂලා. ඔවුන්ට ඇඟිල්ල දිගුකරන්න ඕනෑ නම්, අපට ඕනෑ තරම් ඒ සඳහා සාක්ෂි තියෙනවා.
පාස්කු ඉරිදා ප‍්‍රහාරය පසුපස ගෝඨාභය රාජපක්ෂ ඉන්න බව කියමින්, මඩ ගැසීමේ වීඩියෝවක් එජාපය හදන බවට චෝදනාවක් එල්ලවෙනවා නේද?
ඒ තමන්ගේම අතේ තියෙන සිදුර ගැන එයාලා බයවීමේ ප‍්‍රතිඵලයක්. මම දන්න හැටියට ඒ වගේ වීඩියෝ හදන්න යූඇන්පීයටවත්, ගෝඨාභය විරෝධී වෙනත් කණ්ඩායම්වලටවත් දැන් වෙලාවක් නැහැ. මේ මැතිවරණයට තියෙන අන්තිම සති දෙක. ඒත් දැන් එයාලා බයේ ඉන්නේ තමන්ටම අන්තිම මොහොතේ චෝදනාවක් එල්ලවේවි කියලයි. ඒ කියන්නේ ඔවුන්ගේ අතේ සිදුරක් තියෙනවා. ඒ නිසානේ බයවෙන්නේ. හංගගන්න උත්සාහ කරන්නේ.
සජිත් පේ‍්‍රමදාස මහතාගේ ආරම්භක රැුළියේදී එක්සත් ජාතික පෙරමුණ සමඟ ඉන්න දෙමළ, මුස්ලිම් පක්ෂවල නායකයන් කතා නොකළේ ඇයි?
එතැන කතාවක් කිරීම වැරැුද්දක් නම් අපටමයි දොස් කියන්න ඕනෑ. ඇත්තටම අපට කතාවක් නොදුන්නා නම් රැුස්වීම සංවිධානය කළ අයට බණින්න ඕනෑ අපිනේ. ඒත් අපි බැන්නේ නැහැ. මොකද අපි ස්වෙච්ඡුාවෙන් තමයි ඒ තීරණය ගත්තේ. ඒ තීන්දුව ගන්න මුල්වුණේ මම. මමයි රිෂාද්ට, හකීම්ට අපි කතානොකර ඉමු කියලා කීවේ. මොකද, අපට රහස් තොරතුරක් ආවා. එදා ලක්ෂ ගණන් ජනතාව රැුස්වුණා. එදා ප‍්‍රවෘත්තිවලට ඒ රැුස්වීමේ හිටපු සෙනඟ ප‍්‍රමාණය වෙනුවට වෙනත් මාතෘකාවක් සපයන්නට සංවිධානාත්මක සැලසුක් තිබුණා. එක මාධ්‍යයකුත් ඒකට සම්බන්ධ වෙලා හිටියා. රිෂාද් බදියුදීන් මහතා කතාකරනකොට කෑගහලා කලබලයක් ඇති කරන්නයි සැලසුම් කරලා තිබුණේ. ඒක වීඩියෝ කරලා හදිසි ප‍්‍රවෘත්තියක් විදියට දාන්න තමයි හිටියේ. එදා හිටපු සෙනඟ ලංකා ඉතිහාසයේ කවදාවත් ඡුන්ද රැුස්වීමකට ආපු නැති තරම් දැවැන්ත සෙනඟක්. ඒ සෙනඟ ගැන කතාව මකලා, කෝලාහලයක් ආවා කියලා බ්‍රේකින් නිව්ස් එකක් හැදෙන්න ඉඩ දෙන්න බැහැ. ඒ නිසයි රිෂාද්ට කතාකරන්න ඉඩ නොදී ඉමු කියලා මම යෝජනා කළේ. රිෂාද් විතරක් කතා නොකිරීම ප‍්‍රශ්නයක් නිසා හකීමුත්, මමත් කතා නොකර ඉන්නට එකඟ වුණා. එක්සත් ජාතික පෙරමුණේ ප‍්‍රධාන පක්ෂ නායකයෙක් හැටියටත්, සජිත් පේ‍්‍රමදාස මැතිතුමාට අපේක්ෂකත්වය දීමට විශාල වැඩපිළිවෙළක් කරපු කෙනෙක් හැටියටත් මට දුරදැක්මක් තියෙන හින්දා මම එතැන හිටියා. ඒ රැුස්වීම මගේ ආසනය වන කොළඹ තිබුණු එකක්. එතන කතා නොකිරීමෙන් පාඩුවක් වුණා නම්, වැඩිම පාඩුව වුණේ මටයි. එහෙත් අපි ඒ වෙලාවේ ගත්ත තීරණය නිවැරදි එකක් බව මම දන්නවා.
ආරුමුගම් තොණ්ඩමාන් මහතා පොදුජන පෙරමුණට එක්වීමෙන් පස්සේ, දිගම්බරන් මහතාත් එම පක්ෂයට එකතුවෙන බවට කතාවක් පැතිරෙනවා නේද?
ඒක අමූලික බොරුවක්. ආරුමුගම් තොණ්ඩමාන් ගෝඨාභයට සහාය පළකළා කියලා කිසිම හානියක් නැහැ. මේක පාර්ලිමේන්තු මැතිවරණයක් නොවීම එක් කාරණයක්. අනෙක් පැත්තෙන් තොණ්ඩමාන් නෙවෙයි, ඔහුගේ සීයා නැවත නැඟිටලා ඇවිල්ලා දින්නත් වතුකරයේ ජනතාව ගෝඨාභය රාජපක්ෂට ඡුන්දය දෙන්නේ නැහැ. අනෙක තොණ්ඩමාන් රාජපක්ෂලා සමඟ සිටින බව ප‍්‍රවෘත්තියක් නෙවෙයි. ඒක අපි දන්නවා. ඉස්සර ඉඳන් ඔහු හිටියේ එතැනනේ. ඒ පැත්තේ හිටපු කෙනෙක් ඒ පැත්තේම ඉන්නවාය කියන එක ප‍්‍රවෘත්තියක් නෙවෙයිනේ. දිගම්බරන් කියන්නේ මම නායකත්වය දරන සන්ධානයේ නියෝජ්‍ය නායකයා. ඔහු ඒ පැත්තට යනවා කියන එක බොරුවක්. ඔහුට එහෙම කිසිම වුවමනාවක් නැහැ.
දෙමළ ජාතික සන්ධානයේ තීන්දුව කුමක්දැයි රටම බලා ඉන්නවා නේද?
මැතිවරණ ප‍්‍රකාශය එළිදැක්වීම ඔක්තෝබර් 31වැනිදා සිද්ධවෙනවා. ඊට පසුව එයාලාගේ ස්ථාවරය හෙළිකරයි. දෙමළ ජාතික සන්ධානය නැතත් උතුරු නැගෙනහිර දෙමළ ජනයා දැනටම සජිත්ට එකතුවෙලා ඉවරයි. ඒක ඉරහඳ වගේ විශ්වාසයි. දෙමළ ජනතාව ඡුන්දය වර්ජනය කරනු ඇතැයි බලාපොරොත්තුවෙන් ඉන්නේ විපක්ෂයේ අය. 2015දී කළේ ඒක ඉතිහාසයේ ලොකුම වැරැුද්දක් බව දෙමළ ජනතාව දන්නවා.
දෙමළ ජාතික සන්ධානය නිහඬව ඉඳිවී, නැත්නම් වර්ජනය කරයි කියලා රාජපක්ෂලා බලාපොරොත්තු වෙනවා. ඒ දෙකම වුණේ නැත්නම් සන්ධානය ගිවිසුමක් අත්සන් කළ බව කියන්නයි ඔවුන් සැලසුම් කරලා තියෙන්නේ. ඒත් සජිත් පේ‍්‍රමදාස මහතා කිසිම කණ්ඩායමක කොන්දේසියකට යට වෙන්නේ නැහැ. එතුමාට යටවෙන්න අපි ඉඩදෙන්නෙත් නැහැ. මේක ජනාධිපතිවරයාව තෝරන මැතිවරණයක්. ජනාධිපතිවරණ අපේක්ෂකයෙක් රටේ එක කොණක ඉන්න කණ්ඩායමක් එක්ක ගිවිසුම් අත්සන් කරන්නට ඉඩ දෙන්න බැහැ. එවැන්නක් ගැන යෝජනාවක් ඉදිරිපත් කරලාත් නැහැ, සලකා බලලාත් නැහැ. සාකච්ඡුා කරලාත් නැහැ.
