ජනාධිපතිවරණය සඳහා නාමයෝජනා බාරදී ඇති අපේක්ෂකයන් 35 දෙනා අතරින් අපේක්ෂකයන් 7 දෙනෙකු ගෝඨාභය රාජපක්ෂගේ ඩමි අපේක්ෂකයන් බවත්, අපේක්ෂකයන් 5 දෙනෙකු සජිත් පේ‍්‍රමදාසගේ ඩමි අපේක්ෂකයින් බවත් අනාවරණය වී ඇත.
මේ බව අනාවරණය වී ඇත්තේ ඔක්තෝබර් 22 වැනිදා දේශපාලන පක්ෂ නියෝජිතයින් හා මැතිවරණ නිරීක්ෂණ සංවිධාන මැතිවරණ කොමිසමේ නිලධාරීන් සමඟ මැතිවරණ කොමිෂන් සභා කාර්යාලයේ පැවති සාකච්ඡුාවකදීය.
එක් ජනාධිපතිවරණ අපේක්ෂකයෙකු සඳහා ඡන්ද මධ්‍යස්ථානයකට නියෝජිතයන් දෙදෙනෙකු පත්කිරීමේදී මතුවන ඉඩ ප‍්‍රමාණය පිළිබඳ කරුණ එහිදී සාකච්ඡුා කර ඇත.
එම අවස්ථාවේදී මැතිවරණ කොමිෂන් සභාවේ සභාපති මහින්ද දේශප‍්‍රිය ශ‍්‍රී ලංකා පොදුජන පෙරමුණේ නියෝජිත බැසිල් රාජපක්ෂට හා නව ප‍්‍රජාතන්ත‍්‍රවාදී පෙරමුණේ නියෝජිත අජිත් පී පෙරේරාට එම ඩමි අපේක්ෂකයන් ඡුන්දපොල නියෝජිතයින් පත් නොකරනවානම් ඉඩ පිළිබඳ ගැටළුව යම් දුරකට විසඳාගත හැකි බව පවසා ඇත.
එහිදී බැසිල් රාජපක්ෂ මහතාත් අජිත් පී පෙරේරා මහතාත් මැතිවරණ කොමිෂමේ සභාපතිවරයා කියූ ඩමි අපේක්ෂකයන් ගණන හා ඒ පිළිබඳ කරුණු ප‍්‍රතික්ෂේප කර නැත.
ජනාධිපතිවරණයක් සඳහා ඉදිරිපත් වී තිබෙන වැඩිම අපේක්ෂකයන් සංඛ්‍යාව මෙවර ඉදිරිපත් වී සිටින අතර ඒ නිසාම අනුමාන කළාටත් වඩා අමතර රුපියල් කෝටි ගණනක් වැයකිරීමට සිදුවී ඇති බව මැතිවරණ කොමිසම කියා ඇත. එමෙන්ම ඡුන්ද මධ්‍යස්ථාන හා ඡුන්දය ගණන් කිරිමේ මධ්‍යස්ථානවලට සියළු අපේක්ෂකයන් නියෝජිතයන් පත් කළහොත් ඉඩ ලබාගන්නේ කෙසේද යන ප‍්‍රශ්නයද ඔවුන්ට පැන නැගී තිබුණි.
