විදේශගතවී සිටින ලක්ෂ 21ක පිරිසට හා රටතුළ සිටින තවත් ලක්ෂ ගණනක පිරිසට ජනාධිපතිවරණයේදී ඡුන්දය ප‍්‍රකාශ කිරීමට නොලැබෙන බව මැතිවරණ ප‍්‍රචණ්ඩක‍්‍රියා නිරීක්ෂණ මධ්‍යස්ථානයේ ජාතික සම්බන්ධීකාරක මංජුල ගජනායක පවසයි.
විදේශගතවී සිටින අයගෙන් ලක්ෂ 14ක ප‍්‍රමාණයක් නිල වශයෙන්ම විදේශ සේවා නියුක්ති කාර්යාංශයේ ලියාපදිංචි විදේශ රැුකියාවට ගොස් ඇති පිරිස බවත්, අනෙක් පිරිස වෙනත් ආකාරයට විදේශගතවී ඇති බවත් ඔහු පවසයි.
ඡුන්දය භාවිතා කිරීමට නොහැකිවන අනෙක් පිරිස වශයෙන් ඔහු පෙන්වාදෙන්නේ රක්ෂිත බන්ධනාගාරගතව සිටින 4000ක් පමණ පිරිස, රෝහල්වල නේවාසිකව ප‍්‍රතිකාර ලබන 6000ක් පමණ පිරිස, පෞද්ගලික අංශයේ ආරක්ෂක සේවයේ නියුතු 25,000 ක පමණ පිරිස, සුපිරි වෙළඳසැල්වල සේවය කරන 35,000ක පමණ පිරිස හා වෙළඳ කලාපවල සේවය කරන 35,000ක පමණ පිරිසය.
ඊට අමතරව රටේ ආබාධිත ජනගහනයෙන් යම් ප‍්‍රමාණයක්ද ප‍්‍රවාහන අපහසුකම් ඇතුළු විවිධ හේතු නිසා ඡුන්දය භාවිතා කිරීමට නොයන බවත්, වෛද්‍යවරුන් ඇතුළු රෝහල් කාර්ය මණ්ඩලවල පිරිසක්ද ඡුන්දය භාවිතා කිරීමට නොයන බවත් ගජනායක මහතා පවසයි.
ඔහු අවධාරණය කරන්නේ වෙළඳ කලාප ඇතුළු පෞද්ගලික අංශයේ සේවා ස්ථානවලට ඡුන්දය භාවිතා කිරීමට දුර ප‍්‍රමාණය අනුව නිවාඩු ලබාදුන්නද යම් වියදමක් දරාගෙන කාලයද වැයකර ඡුන්දය භාවිතා කිරීමට යන පිරිස් අඩු බවයි.
ඒ නිසා ගජනායක මහතා පැහැදිළි කරන්නේ සෑම ඡුන්දදායකයෙකුටම පහසුවෙන් ඡුන්දය භාවිතා කිරීමේ හැකියාව ලැබෙන විකල්ප ක‍්‍රමවලට ශ‍්‍රී ලංකාව යා යුතු බවයි.
