මංජු කස්තුරිආරච්චි
ඔක්තෝබර් 23 වෙනිදා මාලබේ පැවති ජනරැුලිය අසාර්ථකවීම නිසා සහ තවත් හේතු කිහිපයක් නිසා සජිත් පේ‍්‍රමදාස මහතාගේ ජනාධිපතිවරණ මැතිවරණ මාධ්‍ය මෙහෙයුම අග‍්‍රාමාත්‍ය රනිල් වික‍්‍රමසිංහ මහතා මෙහෙයවීමට තීරණය කර ඇත.
ඔක්තෝබර් 23 වෙනිදා පැවති එක්සත් ජාතික පෙරමුණේ පක්ෂ නායකයින් අතර හමුවකදී අමාත්‍ය හරීන් ප‍්‍රනාන්දු සමීක්ෂණ වාර්තාවක් උපුටා දක්වමින් මාධ්‍ය වෙත කරනු ලැබූ කරුණු දැක්වීමක් පිළිබඳව පක්ෂ නායකයින් අප‍්‍රසාදයෙන් කතාකර ඇත. එහිදී සිරිකොත පක්ෂ මූලස්ථානය කේන්ද්‍රගත කරගෙන ක‍්‍රියාත්මක වෙන මාධ්‍ය මෙහෙයුම් කමිටුවේ නිළධාරීන් සහ වොක්ෂෝල් වීදියේ කාර්යාලය තුළ ක‍්‍රියාත්මක මෙහෙයුම් කමිටුවේ නිළධාරීන් ඔක්තෝබර් 24 දා අරලියගහ මන්දිරයට කැඳවන්නට තීරණය කර ඇත.
මෙහිදී අග‍්‍රාමාත්‍ය රනිල් වික‍්‍රමසිංහ අවධාරණය කර ඇත්තේ සෑම ආසනයකම පවත්වනු ලබන ජන රැුලි සාර්ථක කරගැනීම සඳහා එම ආසනයේ සංවිධායකවරයා කැපවිය යුතු බවය. මෙහිදී කඩුවෙළ ආසන සංවිධායක සුජීව සේනසිංහ මහතාගේ ක‍්‍රියාකලාපය ගැන රනිල් වික‍්‍රමසිංහ මහතාගේ දැඩි අසතුට ප‍්‍රකාශ කර ඇත.
ඒ අනුව අග‍්‍රාමාත්‍ය රනිල් වික‍්‍රමසිංහගේ ප‍්‍රධානත්වයෙන් තිස්ස අත්තනායක, සුදත් චන්ද්‍රසේකර ඇතුළු පිරිසක් ඔක්තෝබර් 24 දා අරලියගහ මන්දිරේදී හමුවී සාකච්ඡුා කර ඇත. එහිදී මාධ්‍ය හමු ක‍්‍රමවත්ව සංවිධානය කිරීමට එම මාධ්‍ය හමු සඳහා පක්ෂයේ ප‍්‍රබල නායකයින් ක‍්‍රමවත්ව යොදාගැනීම පිළිබඳව සාකච්ඡුා කර ඇත.
